1964 онд МУЗН-ийн дэргэд “Насанд хүрсэн хараагүйчүүдийн сургалтын төв” нэртэй анх нээгдсэн “Хараагүй хүмүүсийн хөдөлмөр, сургалт, хөгжлийн төв”-ийн 60 жилийн ой өнөөдөр тохиож байна.Харааны бэрхшээлтэй иргэдийн амьдралын баталгааг дээшлүүлэх, мэргэшил олгох, хөдөлмөр эрхлэлтийг дэмжих зорилгоор байгуулагдаж байсан тус төв 100 гаруй ажилтантайгаас 80 гаруй хувь нь харааны бэрхшээлтэй. Тэд монгол гэр, эсгий, зөөлөн эдлэл, цэвэрлэгээний багаж, хөдөлмөр хамгааллын хувцас, цаасан болон даавуун уут зэрэг олон төрлөөр сургалт, үйлдвэрлэл эрхэлдэг.
Манай Улсад харааны бэрхшээлтэй 12 мянган иргэн байна. Үе үеийн Засгийн газраас хараагүй иргэдийн нийгмийн баталгааг хангах чиглэлээр олон арга хэмжээг хэрэгжүүлж ирсэн. Мөн хараагүй хүмүүс мэдээллийн хүртээмжийг сайжруулах зорилгоор Азийн хөгжлийн банктай бичвэрийг дуу авианд хөрвүүлэх программыг хөгжүүлж, ашиглалтад оруулснаар төрийн үйлчилгээг саадгүй авах боломж бүрдсэн юм.
Тус төвийн 60 жилийн ойн арга хэмжээнд оролцох үеэр Гэр, бүл, хөдөлмөр, нийгмийн хамгааллын сайд Л.Энх-Амгалан “Бид өнөөдөр хөгжлийн бэрхшээл гэж ерөнхий том зургаар бус тухайн бэрхшээл бүрийн онцлогт тохирсон хэлбэрээр шаардлагатай үйлчилгээг хүргэх нь зүйтэй. Цаашид энэ чиглэлээр бодлого төлөвлөн хэрэгжүүлнэ.
Хараагүй хүмүүсийн хөдөлмөр, сургалт, хөгжлийн төв бол харааны бэрхшээлтэй иргэд хөдөлмөр эрхлэх, хөгжих, сурч боловсрох гол түшиц газар болдог. Тийм ч учраас миний бие энэ төвийн үйл ажиллагааг сайжруулах, бүтэц зохион байгуулалтыг оновчтой болгох замаар шинэ төрлийн үйлчилгээг нэвтрүүлэхэд анхаарах болно” гэлээ.
Facebook
Twitter
Youtube


Баянзүрх дүүргийн 19 дүгээр хороонд барьж буй цэцэрлэгийн барилгын ажил 88 хувьтай үргэлжилж байна
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Цаг агаар: Улаанбаатарт өдөртөө 30 хэм дулаан
Өнөөдрөөс эхлэн 18 нас хүрээгүй хүүхэд мопед, скүтер, суррон унахгүй
Хүүхдийн мөнгөн тэтгэмжийг долоодугаар сарын 8-нд олгоно
Алба хаагчид 84 иргэний амь насыг авран хамгааллаа
Насанд хүрээгүй хүүхдүүдэд сэтгэцэд нөлөөт бодис хэрэглүүлсэн хэргийг шүүхэд шилжүүлжээ
Баянхонгор аймгийн Богд сумаас оролцогч Д.Амгалан гурван сээрийг 1 секунд 75 долийн хугацаанд хугалж, нэгдүгээр байрт шалгарлаа

Сэтгэгдэл бичих