Өндөр насыг зооглож буй салбарын ахмадуудад хүндэтгэл үзүүлэв

        Гэр бүл, хөдөлмөр, нийгмийн хамгааллын яаманд олон жил үр бүтээлтэй ажиллаж гавьяаныхаа амралтад гарсан ахмадуудын төлөөллийг Гэр бүл, хөдөлмөр, нийгмийн хамгааллын сайд Л.Энх-Амгалан, Төрийн нарийн бичгийн дарга Л.Мөнхзул болон бусад удирдлага хүлээн авч хүндэтгэл үзүүллээ.

Гэр бүл, хөдөлмөр, нийгмийн хамгааллын яамны удирдлагууд 80, 85, 90 насыг зооглож буй ахмадууд болон гавьяат цол хүртсэн ахмадуудад тусгайлан хүндэтгэл үзүүлдэг уламжлалтай.

Энэ удаад Нийгмийн хамгаалал, хөдөлмөрийн сайд асан Ш.Батбаяр, орлогч сайд асан Б.Жамъяан, С.Янжмаа, болон Гавьяат эдийн засагч цол хүртсэн Н.Аюуш, Гэр бүл, хөдөлмөр, нийгмийн хамгааллын ахмадын хорооны дарга Б.Думаахүү нарыг хүлээн авч, тэдний санал сэтгэгдлийг сонсож, халуун дулаан яриа өрнүүллээ.