"Эрүүл хооллолт, эрүүл амьдрал" сэдэвт 21 хоногийн аян эхэллээ

      Монгол улсын засгийн газраас 2024 оныг Нийгмийн эрүүл мэндийг дэмжих жил болгон зарласантай холбоотойгоор, Нийгмийн эрүүл мэндийн тусламж үйлчилгээний тухай хуулийг хэрэгжилтийг эрчимжүүлж, Нийгмийн эрүүл мэндийн тусламж үйлчилгээний тэргүүлэх чиглэл болох эрүүл мэндийн боловсролыг дээшлүүлж, хоол тэжээлтэй холбоотой өвчнөөс урьдчилан сэргийлэх, иргэд, олон нийтийн анхаарлыг зохистой хооллолтын асуудалд хандуулах ажлын хүрээнд Нийгмийн эрүүл мэндийн үндэсний төвийн Хоол судлал, хүнсний аюулгүй байдлын албанаас “Эрүүл хооллолт-Эрүүл амьдрал” сэдэвт 21 хоногийн аяныг 2024.10.07-28-ны өдрүүдэд зохион байгуулж байна.
       Аяны хүрээнд аймаг, нийслэлийн эрүүл мэндийн газрын хоол тэжээл, хүнсний аюулгүй байдал, халдварт бус өвчний асуудал хариуцсан мэргэжилтэн,  боловсролын газрын сургууль, цэцэрлэгийн хоолны хариуцсан мэргэжилтнүүдийг мэргэжил арга зүйгээр хангах, “Эхийн сүүгээр хооллолтыг дэмжих 10 алхам зааврыг хэрэгжүүлэх нь” сургалтыг нийт ЭМБ-ын хүрээнд зохион байгуулах, Ерөнхий боловсролын сургуулийн эмч, эрүүл мэндийн хичээлийн багш, хоол зүйч нарт “Эрүүл хооллолт-Эрүүл ирээдүй” сэдэвт сургалтыг үе шаттайгаар зохион байгуулах, Хүн амын эрүүл зохистой хооллолт талаар олон нийтэд зориулсан мэдээлэл, сурталчилгааг эрчимжүүлэх,  Хүн амын хоол тэжээлийн үндэсний VI судалгааны үр дүнг олон нийтэд түгээх зэрэг ажлуудыг зохион байгуулахаар төлөвлөж байна.