Боловсролын сайд Н.Наранбаяр: Амралт сунгах, хөл хорио тогтоох түвшин үүсээгүй учраас заасан хугацаандаа амраад явна


12-р сарын 12
11 цаг 30 минут

      Хүйтний эрч чангарч, агаарын бохирдол их байгаагаас шалтгаалж бага насны хүүхдүүдийн дунд ханиад, томуугийн тархалт эрс нэмэгдсэн. Ханиад нь хүндэрсэн хүүхдүүд эмнэлгийн яаралтай тусламж үйлчилгээ авах нь ч өдрөөс өдөрт нэмэгдэж байна. Яг энэ үеэр Ерөнхий боловсролын сургуулийн бага ангийн сурагчдын улирлын амралт эхлэх гэж байгаа юм. Тэгвэл зарим УИХ-ын гишүүд болон иргэдийн зүгээс энэ удаагийн улирлын ээлжит амралтыг бага ангийн гэлтгүй ЕБС-ийн бүх бүлгийг нийтэд нь амраах асуудлаар санал, сэтгэгдлээ өөрсдийн цахим хуудсаар дамжуулан шаардаж байна. Үүнтэй холбоотойгоор УИХ-ын гишүүн, Боловсролын сайд Н.Наранбаяраас тодрууллаа.

-Нэгдүгээр улирлын амралт энэ сарын 23-наас эхлэх гэж байна. Ханиад, томуугийн тархалт өндөр байгаатай холбоотойгоор зарим эцэг эхчүүд нэгдүгээр улирлын амралтыг бага, дунд, ахлах бүлэгтэй нь хамт амраачихаж болохгүй юу гэдэг саналыг дэвшүүлсэн. Энэ асуудлаар та байр сууриа илэрхийлэхгүй юу?

-Юуны өмнө сургууль, цэцэрлэгийн амралтыг дан ганц Боловсролын яам шууд шийдээд явдаг асуудал биш ээ. Амралтыг зохицуулахдаа холбогдох бусад төрийн байгууллагуудаас мэдээлэл авч, мөн 2024-2025 оны хичээлийн жилийн төлөвлөгөө, бүтцээ харж шийддэг асуудал. Тэгэхээр энэ удаагийн улирлын амралтыг тогтоохдоо бид Эрүүл мэндийн яамтай хамтарч ажилласан. Тус яамнаас өгсөн мэдээллээр бол улсын хэмжээнд томуу, томуу төст өвчний тархалтын түвшин “Улирлын томуу, томуугийн цар тахлын хүндрэлийн үнэлгээ”-гээр алаг цоог дэгдэлтийн түвшинд байна гэдэг мэдээллийг өгсөн. Тиймээс Эрүүл мэндийн сайдын 2022 оны А/373 дугаар тушаалын дагуу амралт сунгах, хөл хорио тогтоох түвшин үүсээгүй байна гэдэг дүгнэлтээр явж байгаа. Гэхдээ цаашид гарах нөхцөл байдлыг бид анхаарч ажиллаж байна. Нэмээд хэлэхэд мэргэжлийн байгууллагын дүн мэдээгээр амбулаторид суурилсан тандалтаар томуу, томуу төст өвчин 7.7 хувьтай байна гэсэн мэдээг өгсөн. Тиймээс Боловсролын яам нь Эрүүл мэндийн яам болон түүний харьяа мэргэжлийн байгууллагуудаас цаг үеийн мэдээллийг тогтмол авч хамтран ажиллаж байна.

-Ер нь ахлах ангийн улирлын амралтыг бага ангийн амралттай нэгтгээд явлаа гэхэд ямар нөлөөлөл бий болох юм бэ?

-Эцэг эхчүүд маань 2024-2025 оны хичээлийн жилийн бүтэцтэй танилцаарай гэж хэлмээр байна. Нөгөөтэйгүүр ахлах ангийн хувьд судлах хичээл, сургалтын хөтөлбөр, төлөвлөгөө ялгаатай тул хичээллэх хугацаа нь арай урт байдаг. Хүйтний улирал учраас ахлах ангийнхан сүүлийн долоо хоногтоо цахимаар хичээллэх “Цахим долоо хоног” гэсэн бүтцийг энэ хичээлийн жилд бид оруулсан байгаа. Өөрөөр хэлбэл, ахлах ангийнхан энэ сарын 30-наас ирэх сарын 3-ны хооронд цахим сургалттай гэсэн үг.

-Ерөнхий боловсролын сургуулийн бага, дунд, ахлах ангийн нэгдүгээр улирлын амралт яг хэднээс хэдний хооронд явагдахаар байгаа вэ?

-Бага ангийн хувьд энэ сарын 23-наас ирэх оны нэгдүгээр сарын 25-ыг дуустал амарна. Харин дунд ангийн хувьд энэ сарын 30-наас ирэх оны нэгдүгээр сарын 24 хүртэл, ахлах ангийн хувьд ирэх оны нэгдүгээр сарын 6-24-ний өдрийг дуустал амрах хуваарь гарсан.

Э.МӨНХ



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Монгол Улсын 6 дахь Ерөнхийлөгч У.Хүрэлсүхийг хүндэтгэн үдэв11 сар 20. 16:18Нотариатын тухай хуульд нэмэлт, өөрчлөлт оруулах тухай хуулийн төслийг өргөн мэдүүлэв11 сар 20. 16:07Монгол Улс цахим засаглалийн индексээр дэлхийд 42, Азид 15 дугаар байрт орлоо11 сар 20. 12:40ЭЗБХ: Санхүүгийн зохицуулах хорооны гишүүнд нэр дэвших хүсэлтийг энэ сарын 23-ны өдрийн 10 цаг хүртэл хүлээн авна11 сар 20. 12:35Монгол, Оросын эрдэмтэд Эгийн голын УЦС-ын төслийг хэрэгжүүлэх боломжтой гэж дүгнэжээ11 сар 20. 12:31Монгол Улсын Ерөнхийлөгч У.Хүрэлсүхийг хүндэтгэн үдэх ёслол болж байна11 сар 20. 11:51Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ11 сар 20. 11:46“Нээлттэй парламент” өдөрлөгийг МУИС-д зохион байгууллаа11 сар 20. 10:29Сүхбаатарын талбайн төв зогсоолыг өнөөдөр 10.00-14.00 цагийн хооронд хаана11 сар 20. 10:26Хуулийн болон УИХ-ын тогтоолын төслүүд, Санхүүгийн зохицуулах хорооны даргыг үүрэгт ажлаас чөлөөлөх асуудлыг хэлэлцлээ11 сар 20. 10:21Пара таеквондогийн ДАШТ-д Монголын дөрвөн тамирчин оролцож байна11 сар 20. 10:17УИХ-ын дарга С.Бямбацогт: Парламентад суудалтай намуудын дарга нарыг оролцуулсан ойлголцол, зөвшилцлийн Зөвлөлийг байгуулж ажиллана11 сар 20. 9:26Цаг агаар: Улаанбаатарт өдөртөө 6 хэм хүйтэн11 сар 20. 9:16Монгол Улсын Ерөнхийлөгчийг үүрэгт ажлаас нь чөлөөлөв11 сар 19. 17:07Капитал банк болон Чингис хаан банканд байршуулж эрсдэлд орсон мөнгөнөөс 82.4 тэрбум төгрөгийг төлүүлжээ11 сар 19. 17:04У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй11 сар 19. 16:57Ерөнхийлөгчийн албан тушаалаасаа чөлөөлөгдөх хүсэлтийг УИХ-ын чуулганаар хэлэлцэж байна11 сар 19. 14:06АН-ынхан С.Бямбацогтод "МАН-ын гишүүнээс түдгэлз" гэж шахалт үзүүлэх үү11 сар 19. 13:56Битүүмжлэгдсэн автомашиныг зарж, 275 сая төгрөг залилжээ11 сар 19. 12:12Ойн салбарт 200 сая евро хүртэлх санхүүжилт татах ажлыг эрчимжүүлж байна11 сар 19. 12:09СЗХ-ны орон тооны гишүүнд нэр дэвшигчийг бүртгэж байна11 сар 19. 9:59Энэ сарын 20-нд агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна11 сар 19. 9:53Хуулийн төсөл: Хаврын морин уралдааныг зөвшөөрнө, зөвшөөрөхгүй11 сар 19. 9:51Дөрвөн чиглэлд шөнийн автобус иргэдэд үйлчилж байна11 сар 19. 9:46Санхүүгийн зохицуулах хорооны даргыг үүрэгт ажлаас нь чөлөөлөхийг дэмжлээ11 сар 19. 9:42Цаг агаар: Улаанбаатарт өдөртөө 5 хэм хүйтэн11 сар 19. 9:20Төрийн өмчийн оролцоотой хуулийн этгээдүүдийн худалдан авах үйл ажиллагааны талаарх хэлэлцүүлэг боллоо11 сар 18. 15:39Нөмрөгийн ДЦГ-т гарсан түймрийн асуудлаар Япон улсын гурван яамны төлөөлөлтэй цахим уулзалт хийлээ11 сар 18. 13:02Эрдэнэбүрэнгийн усан цахилгаан станцын бүсээс эртний чулуун хайрцагтай булш олжээ11 сар 18. 12:58Молибдений баяжмалын үнэ огцом өсжээ11 сар 18. 10:47
Эхлэл  Редакцын бодлого  Холбоо барих
ANALIZ.MN © 2026 он. Зохиогчийн эрх хуулиар хамгаалагдсан.