Меланиа Трамп Адам Липпесийн урласан пальто, Эрик Жавецийн бүрх малгайгаар гоёжээ

       Домогт Мартин Лютер Кингийн өдрөөр дэлхий нийт Капитолын ордон тийш анхаарлаа хандууллаа. АНУ-ын 47 дахь Ерөнхийлөгч Дональд Трамп тангараг өргөх ёслолынхоо үеэр “Гео улс төрийн өнгийг хэрхэн тодорхойлох бол” гэсэн хүлээлт олон улсад үүсээд байсан юм. Үүнээс гадна АНУ-ын үе үеийн Ерөнхийлөгч нарын тангараг өргөх ёслолд халаагаа өгсөн Ерөнхийлөгч нар эхнэрүүдтэйгээ хамт оролцдогоос гадна их гүрнүүдийн удирдагчид, улс төр, бизнес, урлаг, соёлын алдартнууд оролцдог уламжлалтай. Ажиглагчид болон хэвлэлийнхний анхаарлыг татдаг өөр нэгэн зүйл нь Тэргүүн хатагтайн гоёл юм. Тиймээс Дональд Трампын гэргий, АНУ-ын Тэргүүн хатагтайн сэнтийд хоёр дахиа заларч буй Меланиа Трампын гоёл хүрэлцэн ирсэн зочид, хуран цугласан ард иргэд, дэлхийн өнцөг булан бүрээс Капитолын ордон тийш дуран авайгаа тааруулсан хэвлэлийнхний анхаарлыг татсан нь тодорхой. Тэргүүн хатагтай Меланиа Трамп энэ удаагийн тангараг өргөх ёслолд зориулан Адам Липпесийн урласан цагаан захтай хар пальто, Эрик Жавицийн бүрх малгайгаар гоёсон нь Vogue-н нүүрийг чимж, сошиал ертөнцөд трэнд пост болж байна. Харин Дональд Трампын охин Иванка Трамп маргад өнгө бүхий ногоон юбкатай Lady Dior цүнхээ хослуулжээ.  

                                                                                                                                                     Д.Мөнх