Монгол Улсын Ерөнхий сайдын дэргэд эдийн засгийн бодлогын чиглэлээр мэргэжлийн зөвлөгөө, дэмжлэг үзүүлж, мэдээллээр хангах үүрэг бүхий "Эдийн засгийн бодлогын зөвлөл" ажилладаг. Уг зөвлөлийг Ерөнхий сайд өөрөө ахалж, Засгийн газрын тогтоолоор бүрэлдэхүүнийг баталдаг байна. Хамгийн сүүлд Хамтарсан Засгийн газар байгуулагдсаны дараа “Эдийн засгийн бодлогын зөвлөл”-ийн бүрэлдэхүүнийг шинэчлэн байгуулжээ.
Ерөнхий сайд Л.Оюун-Эрдэнэ "Эдийн засгийн бодлогын зөвлөл"-ийг тэргүүлж, дэд даргаар хувийн хэвшлийн төлөөллөөс сонгогдсон Д.Энхтүвшин гишүүн ажиллах Засгийн газрын тогтоолыг 2024 оны наймдугаар сард баталж байжээ.
Тэгвэл 2025 оны нэгдүгээр сарын 22-нд уг тогтоолд өөрчлөлт оруулж, Ерөнхий сайдын дэргэдэх “Эдийн засгийн бодлогын зөвлөл”-ийн дэд даргаас Д.Энхтүвшинийг хасаж, УИХ-ын гишүүн Х.Ганхуягийг сонгосон байна. Зөвлөлийн дэд дарга нь Ерөнхий сайдыг эзгүйд зөвлөлийн хуралдааныг даргалах эрхтэй эрх бүхий албан тушаалтан аж.
УИХ-ын гишүүн Д.Энхтүвшинг хувийн хэвшлийн хүчтэй дуу хоолой, бизнесийнхний эрх ашгийг хамгийн сайн хамгаалж ажиллаж чадах хүн гэж үнэлээд МАН-ын дарга, Ерөнхий сайд Л.Оюун-Эрдэнэ намын жагсаалтад /9-т эрэмбэлсэн/ оруулсан гэдгээ илэрхийлж байсан. Тэгвэл өнгөрсөн намар улсын төсөв хэлэлцэх үеэс Ерөнхий сайд Л.Оюун-Эрдэнэ УИХ-ын гишүүн Д.Энхтүвшин нарийн харилцаа хүйтэрч эхэлсэн гэж хэлэхэд болно.
Тухайлбал, 2025 оны улсын төсвийн зардал хэт өндөр байгааг Д.Энхтүвшин тэргүүтэй гишүүд эсэргүүцэж, цаашлаад төсөв гацаанд орсон. Тухайн үйл явдлыг Ерөнхий сайд Л.Оюун-Эрдэнэ “Шанхайд айлчлалаар яваад ирэх хооронд болсон төсөв тойрсон төрийн акц хоёр улсын Засгийн газар хоорондын гэрээнээс болсон шүү. Хоёр Засгийн газар хийж болох гэрээний дундуур сонирхол оруулж, эрх ашгийн зөрчил үүсгэсэн, 16 жил төмөр замын төслийг гацаасан. Энэ нь баримтаар тодорхой болж байгаа зүйл” гэж ярьсан.
Үүнээс хойш ил болон далдаар УИХ-ын гишүүн Д.Энхтүвшинийг Ганцмод-Гашуунсухайт чиглэлийн хил холболтын төмөр замыг 10 гаруй жилийн өмнө гацаасан бүлэглэлийн төлөөлөл гэх мэдээлэл нийгмийн сүлжээ болон хэвлэл мэдээллийн хэрэгслээр байнга гаргах болсон.
Энэ бүхэнд эгдүүцэж, уурссан Д.Энхтүвшин гишүүн хэвлэлд удаа дараа ярилцлага өгч, нийгмийн анхаарлыг багагүй татаад байгаа. Тэрээр хамгийн сүүлд хэвлэлд өгсөн ярилцлагадаа "Ерөнхий сайдыг маш буруу мэдээлэлтэй байгаа юм байна лээ. Ер нь Засгийн газрын үйл ажиллагаа, ямар шийдвэр гаргахыг Гэрэгэ тауэрын 15 давхраас удирддаг боллоо" гэж хэлснээс нь харвал Ерөнхий сайд Л.Оюун-Эрдэнэ, УИХ-ын гишүүн Д.Энхтүвшин нар түнжин хагарсан нь илт байна.
Түүнчлэн, УИХ-ын гишүүн Д.Энхтүвшин "Би хэн нэгний кновчин биш. Хүн нэг л амьдарна. Үсрээд л үхнэ биз. Тийм учраас хар амиа бодсон бэртэгчин байдлаар энэ дөрвөн жилийг өнгөрүүлж чадахгүй. Асуудал гарвал дуугарна. Тэр нь хэзээ байх нь хамаа алга” гэсэн юм. Өөрөөр хэлбэл, өөрийг нь намын жагсаалтад оруулсан МАН-ын дарга, Ерөнхий сайд Л.Оюун-Эрдэнэ тэргүүтэй хүмүүсийн эрх ашигт үйлчилж чадахгүй гэдгээ боловсон илэрхийлэв.
Тэдний харилцаа ийм "хүйтэн" байхад, УИХ-ын гишүүн Д.Энхтүвшиний хувьд Монгол Улсын Ерөнхий сайдын дэргэдэх "Эдийн засгийн бодлогын зөвлөл"-ийн дэд даргаар ажиллах, түүнийг ажиллуулах нь Ерөнхий сайдын хувьд ч утгагүй болж хувирна. Иймээс УИХ-ын гишүүн Д.Энхтүвшинийг "Эдийн засгийн бодлогын зөвлөл"-ийн дэд даргаас чөлөөлсөн бололтой.
Ерөнхий сайдын дэргэдэх "Эдийн засгийн бодлогын зөвлөл"-ийн гишүүдтэй танилцах бол ЭНД дарна уу
Эх сурвалж: itoim.mn
Facebook
Twitter
Youtube
Трампын засаг захиргаа Монгол зэрэг 75 улсын иргэдэд цагаачлалын виз олгохыг зогсоолоо
Ж.Батзанданг БЭТ-ийн ажлаас чөлөөлжээ
Л.Баярцэцэг: AI-аар илрүүлсэн зөрчлийг хүн хянасны дараа торгууль тавигдана
Д.Манлайбаатар: Хувцсаа сольдог камергүй өрөөнд цэргүүд нэгнээ зодсон байна
Намаа УИХ-д 32 суудалтай болгох Т.Доржхандын хүсэл биелэх нь юу л бол доо?
УИХ дахь АН-ын бүлэг: Ерөнхий сайдыг огцруулах гарын үсэг цуглуулаагүй
Бүтээмжийн бус алдагдлын менежерүүд болжээ
Ц.Баатархүү: Монгол Улс нүүрсний асар их баялагтай атлаа Хятадаас 1 тонн хагас коксыг 1 сая 130 мянган төгрөгөөр авч байна.gif)
.gif)
Сэтгэгдэл бичих