Үндэсний баялгийн сангийн тухай хууль өнгөрсөн тавдугаар сарын 1-ээс хэрэгжиж эхэлсэн. Баялгийн сангийн гол эх үүсвэр нь стратегийн орд газруудын ашиг.
Тус хуулиар стратегийн болон үүсмэл ордын 34-100 хувийг төр эзэмшиж, ордуудын ашгаас иргэн бүрийн нэрийн дансанд хуримтлал үүсгэх боломж бүрдсэн юм. Иргэд хуримтлалаа эрүүл мэнд, боловсрол, орон сууцанд зарцуулах боломжтой гэдгийг Засгийн газраас хэлж байгаа.
Стратегийн орд гэдэг бол жилд Монгол Улсын дотоодын нийт бүтээгдэхүүний таван хувиас дээш хэмжээний бүтээгдэхүүн үйлдвэрлэж байгаа буюу, үйлдвэрлэх боломжтой ордыг хэлдэг. Тэгвэл УИХ стратегийн ач холбогдол бүхий орд газруудын жагсаалтыг 2007 оны 27 дугаар тогтоолоор баталсан бөгөөд 16 ордыг стратегийн ач холбогдолтой гэж бүртгэсэн. Энэ 17 ордоос долоо нь төрийн, ес нь хувийн эзэмшилд байгаа.
Тэгвэл хувийн эзэмшилд байгаа 9 ордын 34 хүртэлх хувийг төр авах хэлэлцээрийг ирэх тавдугаар сарын 1-ээс өмнө хийх ёстой аж. Тодруулбал, Үндэсний баялгийн сангийн тухай хуульд стратегийн орд газар эзэмшиж байгаа аж ахуйн нэгжүүд 34 хүртэлх хувиа төрд өгөх хэлэлцээрийг хууль хэрэгжиж эхэлснээс хойш нэг жилийн дотор хийх хугацаа тусгасан юм. Энэ хугацаа тавдугаар сарын 1-нд дуусна. Хэрвээ үүнээс өмнө аж ахуйн нэгжүүд төртэй хэлэлцээр хийж, тохиролцож чадахгүй бол Засгийн газар тус ордуудад Бүртэн эрхт төлөөлөгч томилно гэж хуульд заасан. Тодруулбал, аж ахуйн нэгжүүд хуульд заасан хугацаанд хэлэлцээр хийж чадахгүй бол Засгийн газар компанид нь Бүрэн эрхт төлөөлөгчөө томилж, компанийн удирдлагыг авна гэсэн үг юм. Засгийн газрын өнгөрсөн 7 хоногийн хуралдаанаар стратегийн орд газар эзэмшигч аж ахуйн нэгжүүдтэй хэлэлцээр хийх Бүрэн эрхт төлөөлөгчөөр УИХ-ын гишүүн асан Ж.Батзанданг томилсон. Тэгэхээр Ж.Батзандан стратегийн орд газар эзэмшиж байгаа аж ахуйн нэгжүүдтэй хэлэлцээр хийж, 34 хүртэлх хувийг нь төрд авах үүрэг хүлээсэн гэсэн үг.
Гэхдээ хувийн эзэмшилд байгаа стратегийн есөн орд газрын хоёр нь МАК-ийнх, бусад нь Канад, Сингапур, БНХАУ гэсэн эзэдтэй аж.
Эх сурвалж: Пүрэвдагва БУЛГАН itoim.mn
Facebook
Twitter
Youtube
.gif)
.gif)
“FIBA 3x3 Asia Cup” тэмцээн өнөөдөр эхэлнэ
“Бай”-гаа онодоггүй байрны зээл: Алдаа ба сургамж
ОХУ-д тагнуулын хэргээр саатуулагдсан Баян-Уул сумын иргэн одоог хүртэл суллагдаагүй байна
Монгол Улсаас өвлийн паралимпод анх удаа эмэгтэй тамирчин өрсөлдөнө
Эпштейнтэй холбогдож мэдээлэл өгдөг байсан Ерөнхийлөгч асан Х.Баттулгын зөвлөх Ч.Ганбат АНУ-ын иргэншилтэй
ЦЕГ: Салсан найз охиноо бусадтай нийлж бүлэглэн зодсон этгээд өмнө нь хэрэгт шалгагдаж байсан
Оюу толгой ХХК-ийн гүйцэтгэх захирал С.Мөнхсүх гэж хэн бэ?
Ерөнхий сайд Г.Занданшатарын нэгдээд буй Трампын “Энхийн зөвлөл” гэж юу вэ
Сэтгэгдэл бичих