Төр, хувийн хэвшлийн түншлэлийн хүрээнд хамтран ажиллахыг урьж байна

     Юуны өмнө “Хог хаягдлыг сэргээн ашиглаж эрчим хүч гаргах үйлдвэр байгуулах төсөл” хэрэгжүүлэх санал ирүүлж буй та бүхэнд талархал илэрхийлье.

Монгол Улсын Засгийн газрын үйл ажиллагааны хөтөлбөр, Нийслэлийн Засаг дарга бөгөөд Улаанбаатар хотын захирагчийн 2024-2028 оны үйл ажиллагааны хөтөлбөр, Нийслэлийн хөгжлийн 2025 оны төлөвлөгөөнд Хог хаягдлыг сэргээн ашиглаж эрчим хүч гаргах тухай зорилт тус тус туссан.

Улаанбаатар хотын зүгээс Төр, хувийн хэвшлийн түншлэлийн тухай хуульд заасны дагуу “Хог хаягдлыг сэргээн ашиглаж эрчим хүч гаргах үйлдвэр байгуулах төсөл”-ийг төр, хувийн хэвшлийн түншлэлийн хүрээнд хэрэгжүүлэхээр төлөвлөн ажиллаж байна.

Монгол Улсын Засгийн газрын 2024 оны 210 дугаар тогтоолоор аймаг, нийслэлд төр, хувийн хэвшлийн түншлэлийн төслийг хэрэгжүүлэхэд дагаж мөрдөх журмыг баталсантай холбогдуулан уг тогтоолын 1 дүгээр хавсралт болох “Түншлэлийн төслийн урьдчилсан үнэлгээ, бүрэн шинжилгээ хийх журам”-ын 2.2-т заасан мэдээлэл, тооцоо, шинжилгээ, судалгааг холбогдох маягтын дагуу монгол хэл дээр боловсруулж, 2025 оны 02 дугаар сарын 28-ны өдрийн дотор дараах хаягаар ирүүлнэ үү. 

Хаяг: Улаанбаатар хот, Хан-Уул дүүрэг, Арцатын ам, Наадамчдын зам 1200, Нийслэлийн Төр захиргааны цогцолбор байр Б корпус, 8 давхар 805  (Бэлтгэл ажил хангах ажлын хэсэг) тоот. 

Утас: 11-315333

Цахим хаяг: foreignrelations@ulaanbaatar.mn

Холбогдох хууль, журмын талаар доорх веб холбоосоор нэвтэрч мэдээлэл авах боломжтой бөгөөд Улаанбаатар хотын хог хаягдлын бүтцийн судалгааг дээрх цахим хаягт хандан авна уу.

• https://legalinfo.mn/mn/detail?lawId=16532629445571
• https://legalinfo.mn/mn/detail?lawId=17355924706121&showType=1

НИЙСЛЭЛИЙН ЗАСАГ ДАРГЫН ТАМГЫН ГАЗАР