Намын гишүүд нь намын дарга, Ерөнхий сайдаа дэмжихгүй эсрэг байр суурь илэрхийлж байгаа нь МАН-ын удирдлагууд таалагдахгүй байгаа бололтой.
Тиймээс өчигдрийн бүлгийн хуралдаа УИХ дахь бүлгийн гишүүдээ үнэлэх үнэлгээний журмын төслийг нууцын журмаар танилцуулж, хаалттай хэлэлцжээ. Тодруулбал, бүлгийн гишүүдэд оноо өгч, Засгийн газар, намын бүлгийн шийдвэр, өргөн барьсан хуулийг дэмжихгүй, эсрэг байр суурь илэрхийлсэн тохиолдолд 10 оноо хасдаг байх журмыг УИХ дахь МАН-ын бүлгийн дарга Л.Мөнхбаатар танилцуулсан байна. Мөн өчигдрийн бүлгийн хуралд намын дарга, Ерөнхий сайд Л.Оюун-Эрдэнэ оролцож, хаалттай хуралдсан юм. Журмын төсөлд хамгийн их оноогоо хасуулсан буюу удаа дараа бүлгийнхээ гаргасан шийдвэрээс эсрэг байр суурь илэрхийлж, оноогоо хасуулсан гишүүддээ цаашдаа улс төрийн дэмжлэг үзүүлэхгүй буюу сонгуульд нэр дэвшүүлэхгүй, ямар нэгэн албан тушаалд томилохгүй байхаар журамд тусгах аж. Түүнчлэн бүлэг дэмжсэн хууль, тогтоолыг батлах эцсийн санал хураалтад оролцоогүй гишүүдээс ч оноо хасахаар төсөлд тусгасан байна. Журмын төслийн 6.2-т нийлбэр дүнгээр хамгийн бага оноо авсан 10 гишүүтэй бүлгийн дарга, дэд дарга нар уулзаж анхааруулга өгнө, 6.3-т анхааруулгыг гурав ба түүнээс дээш зөрчвөл хариуцлага хүлээлгэх үндэслэл болно гэж тусгажээ.
Харин бүлгийн гишүүд тус журмыг дэмжихгүй, бүлгийн хурал нэлээд ширүүн болж, журмаа баталж чадаагүй байна. Тиймээс ирэх 7 хоногийн бүлгийн хурлаар тус журмыг дахин хэлэлцэхээр болжээ.
Уг нь Засгийн газар л танхимын байр суурьтай байх зарчимтай болохоос УИХ бол олон ургалч үзэлтэй байж, олонхоороо шийдвэр гаргадаг субъект. Гэтэл эрх барьж байгаа намын бүлэг гишүүдээ хайрцаглаж, журамлах гэсэн төсөл оруулж ирсэн нь бүлгийн гишүүдийн ч дургүйцлийг төрүүлээд байгаа аж.
Энэ талаар УИХ-ын дэд дарга Х.Булгантуяа "Нам дотроос олон янзын ургалч үзэл гарах ёстой. Бүх асуудлыг бүлгээр шийдээд, бүлгээс үүрэг чиглэл өгөөд бүгд ороод кнопдоод яваад байвал парламентад салбар салбарын төлөөлөл байгаа үр дүн гарахгүй. Нэг үзэл санаатай байх гээд байгаа бол Засгийн газрын гишүүдээ л нэг үзэл санаатай байлгана биз" гэсэн юм.
УИХ-ын гишүүн Х.Ганхуяг "УИХ-ын гишүүдийг ард түмэн л үнэлнэ. Түүнээс биш цаас, хуудас тараагаад үнэлгээ хийнэ гэж юу байх вэ" гэж байр сууриа илэрхийлсэн юм.
МАН-ын дарга Л.Оюун-Эрдэнэ болон одоогийн намын удирдлагууд парламентад салбар салбарын төлөөлөл, олон намыг оруулахаар Үндсэн хуульд өөрчлөлт хийж сонгуулийн тогтолцоогоо өөрчилсөн. Үүний үр дүнгээр 2024 оны сонгуулиар парламентад 5 намын төлөөлөл орж, улс төрийн ажил алба хашиж байгаагүй салбар салбарын төлөөлөл орж чадсан юм. Гэтэл одоо парламентын гишүүдээ олон талын байр суурь илэрхийлэх, мэтгэлцэх, олон ургалч үзэл уралдуулах боломжийг хаах журмын төслийг батлах гэж байна. Хэрвээ УИХ дахь МАН-ын бүлгийн гишүүдийн олонх дэмжвэл дээрх журам батлагдана.
Эх сурвалж: Лхагважаргал ОДОНЧИМЭГ itoim.mn
Facebook
Twitter
Youtube
.gif)
.gif)
Дулааны үнийг ирэх өвлөөс хоёр дахин нэмж, цэвэр, бохир усны төлбөрийг есдүгээр сараас нэмнэ
Б.Жаргалан: Нийслэл мега төслүүдийнхээ 20 хувьд дотоодын аж ахуйн нэгж оруулна гэж байгаа нь хэнийг доромжилж байгаа юм
ХОМ: 2019 оноос хойш Ерөнхий сайдын гэр бүлийн орлого огт өсөөгүй байна
Дарга нар нисдэг тэрэг хөлөглөж, аврагчид Богд уулын орой руу явганаар мацжээ
Д.Амарбаясгалан: Импортын гурилын татвар тэглэснээс гурилын үйлдвэрүүд дампуураад дуусаж байгаа гэж ярих нь зохисгүй
ШҮҮХ: Дүнжингаравын ослын хэргийг мөрдөн байцаалтад буцааж, ослын шинжээчийг дахин томилно
Төгрөг нуурын орд тойрсон баримтууд ба Х.Баттулгыг унагах хөдлөшгүй нотолгоо
Б.Энхбаяр: Х.Баттулгын туслахаас эхлээд ойрын хүмүүсийг албан тушаалд томилсон байна. Нэн даруй энэ танхайрлаа зогсоохыг шаардаж байна
Сэтгэгдэл бичих