Facebook
Twitter
Youtube
ВАШИНГТОН, 2025 оны дөрөвдүгээр сарын 4 /AFP/. АНУ-ын Ерөнхийлөгч Дональд Трамп 5 сая ам.долларын үнэ бүхий оршин суух зөвшөөрөл болох анхны “алтан карт”-ыг пүрэв гарагт “Air Force One” нисэх онгоцон дотроос танилцуулжээ.
Өөрийнх нь зураг бүхий “Трамп карт” гэсэн бичигтэй анхны загварыг гартаа барьсан Ерөнхийлөгч сэтгүүлчдэд хэлэхдээ, тусгай визийг “ойрын хоёр долоо хоногийн дотор” худалдаалж эхэлнэ гэсэн байна.
“Би бол анхны худалдан авагч нь. Сэтгэл хөдөлгөм биш гэж үү?” гэж Д.Трамп хэлжээ. Уламжлалт ногоон картын өндөр үнэтэй хувилбар болох шинэ визийг борлуулснаар ажлын байрыг бий болгохоос гадна төсвийн алдагдлыг бууруулахад нэмэртэй гэж тэрбээр өмнө нь хэлж байлаа.
Бичиг баримтгүй олон сая цагаачдыг албадан гаргах явдлыг хоёр дахь бүрэн эрхийнхээ хугацаан дахь нэн тэргүүний зорилт болгосон үл хөдлөх хөрөнгийн магнат асан хэлэхдээ, шинэ карт нь АНУ-ын иргэншилд хүрэх зам болно гэжээ. Тэрбээр нэг сая ширхэг карт зарагдана гэдэгт найдаж байгаа бөгөөд Оросын олигархиуд худалдан авах боломжтой гэдгийг үгүйсгэсэнгүй.
Алтны ханш $3300 доллар давлаа
Шанхайн олон улсын авто машины үзэсгэлэн нээгджээ
Дэлхийд анх удаа хүн дүрст роботуудын хагас марафон гүйлтийг зохион байгуулна
Юн Сок Ёлын шүүх хурлын явцыг сурагчдад телевизээр үзүүлжээ
Милан-Кортинагийн өвлийн Олимпын галт бамбарыг танилцуулжээ
Оскарын шагналд шинэ номинац нэмэгджээ
Хятадад 7 настай хүүд хиймэл зүрх шилжүүлэн суулгажээ
Мьянмарт газар хөдөлсөнтэй холбогдуулж ЭСЯ-наас зөвлөмж гаргажээ
Сэтгэгдэл бичих