УИХ-ын гишүүн Б.Энхбаяр өөрийн цахим хуудастаа өнөөдөр Ерөнхий сайдаас асуусан төрийн өмчит компаниудад томилж байгаа Бүтээмжийн менежер, Хяналтын менежерын үр ашгийн талаарх асуулгын хариулт ирлээ хэмээн мэдээлжээ. Тэрээр УИХ-ын гишүүн П.Сайнзориг, З.Мэндсайхан нарын хамтаар гуравдугаар сарын 28-нд Ерөнхий сайд Л.Оюун-Эрдэнэд гурван асуулт бүхий албан бичиг хүргүүлсэн.
Асуултад, улсын хэмжээнд үйл ажиллагаа явуулж буй нийт төрийн алба болон тэдгээрт хэчнээн хүн ажиллаж байгаа талаар тоон мэдээлэл, чиг, үүрэг давхардсан алба болон цалин хөлс, бусад үйл ажиллагааны зардлын талаар мэдээлэл, мөн хяналт, бүтээмжийн хэчнээн менежер томилсон талаарх мэдээлэл авах хүсэлт багтсан юм.
Тэгвэл тус асуултуудын хариулт ирсэн бөгөөд хариултыг харгалзаж УИХ-ын гишүүн Б.Энхбаяр УИХ-ын дарга болон Ерөнхий сайдад шаардлага хүргүүлж байгаагаа мэдэгдсэн байна.
Тэрээр цахим хуудастаа "Засгийн газар яамд, агентлагаас гадна нийт 57 хороо, комисс, зөвлөл байгуулснаас хуульд тухайлан чиг үүргийг нь заагаагүй 10 хороо, дөрвөн зөвлөл байгуулж. Энэ 14 зөвлөл, хороо нь 90 орон тоотой байх ба 30 тэрбум төгрөгийн төсөв зарцуулж байна. Хуулиар байгуулагдсан яамд, агентлагуудтай чиг үүрэг давхардсан, төрийн албаны шалгалт өгөөгүй, улс төрийн авлига болгож төрийг данхайлгаж, эзэн биегүй хоорондоо хариуцлагаа чихсэн эрх мэдлийн бүтцүүдийг үлэмж нэмэгдүүлж буй нь Үндсэн хуулийн бус бөгөөд төрийг удирдах, засаглах боломжийг алдагдуулахад хүргэж байна.
Хоёр. “Бүтээмжийн менежер”, “Хяналтын менежер” гэх Төрийн хэмнэлтийн хуулиар хориглосон орлогч захирлын цалин хангамж, статустай албан тушаалыг бий болгож төрийн өмчийн компани, банк, байгууллагад олноор томилжээ. Одоогоор 42 ийм албан тушаалтныг томилсон байх ба ойрын үед 100 гаргах гэж байна.
Томилсон албан тушаалтнуудыг харахад дийлэнх нь хамтарсан гэх халхавчаар “Женко” Х.Баттулгын туслахаас эхлээд ойрын хүрээллийн хүмүүсийг гол албан тушаалд тавьсан байна.
Үндэстэн дамнасан мөнгө угаах, татвараас зайлсхийх гэмт хэргийн шинжтэй асуудал нь өдөр бүр ил болж буй бөгөөд өөрийг нь дагасан бараг бүх хүн нь гэмт хэрэгт холбогдож өөрөө дандаа хуулийн хариуцлагаас зугтдаг энэ этгээдийн гар хөлүүдийг МАНай намын олонхийн Засгийн газар өөгшүүлж буйг гайхаж байна. “Женкогийн Засгийн газар” нэгэнт болсон байна. Зэвүү хүрч байна. Улс орныг 15 давхараас удирдаж буй гэх яриа худлаа биш болж таарч байна. Нэн даруй энэ танхайрлаа зогсоохыг шаардаж байна" гэжээ.
Эх сурвалж: itoim.mn
Facebook
Twitter
Youtube
Ойрын жилүүдэд дуулдаагүй онцгой сайн мэдээ
Б.Энхбаяр: Үндсэн хуульд заасанчлан манай улс бол нэгдмэл улс, холбооны улс биш, муж улсуудад хуваагддаггүй шүү
П.Батчулуун: Бурхны номд ч буяны дээд буян, өглөгийн дээд өглөг бол хүнд амьдрал бэлэглэх гэдэг. Тиймээс донор болж, хүнд амьдрал бэлэглэх бол буруу зүйл биш
Төр ачаагаа иргэдэд ҮҮРҮҮЛНЭ, Б.Найдалаад НАЙДААД хэрэггүй
Ч.Лодойсамбуу: Хотын дарга сайн дураараа ажлаа өгөх ёстой
Л.Энх-Амгалан: Сумын сургуулийг 9 жилийн тогтолцоотой болгож, улсын хэмжээнд 20 их сургуультай болох шинэчлэл хийнэ
Испани 500 мянга орчим бичиг баримтгүй цагаачдад хууль ёсны статус олгохоор болжээ
Л.Оюун-Эрдэнийг эрүүгийн дөрвөн хэрэгт хэрэгт холбогдуулан шалгаж байна.gif)
.gif)
Сэтгэгдэл бичих