Эрчим хүчний зохицуулах хорооноос цахилгаан, дулааны үнийг нэмэх шийдвэр гаргасан ч дулааны үнийн нэмэгдлийг 2026 оны нэгдүгээр сарын 1-ээс нэмэхээр хойшлуулсан. Тэгвэл тус шийдвэрээр дулааны үнийг хоёр дахин нэмэгдүүлэх шийдвэрийг гаргасан талаар Эрчим хүчний сайд Б.Чойжилсүрэн мэдээлсэн. Мөн тэрээр дулааны үнийг хэт доогуур бариад байгаа учраас иргэд гэр, байшингаа дулаалахгүй байгаа хэмээн ярьсан юм.
Тэрээр “Улаанбаатар хотод ТЭЦ-2, 3, 4 гээд дулааны цахилгаан станц бий. Амгалан дулааны станц зөвхөн дулаан үйлдвэрлэдэг. Нэг цагийн өртөг нь 66000 мянган төгрөг байгаа. Улаанбаатар хотод орон сууцны нэг метр квадратын сарын дулааны төлбөр 506 төгрөг байгаа. 50 метр квадраттай орон сууцыг сар халаахад НӨАТ-т 27000 төгрөг төлж байгаа. Өөрийнхөө өртгийн 40 хувиар борлуулж байгаа. Шинээр дулааны станц баривал нэг метр квадратын сарын төлбөр 2505 төгрөг буюу үүнээс дээш болно. Одоо Сэлбэ дулааны станц 2505 төгрөг болно. Одоо байгаа 506 төгрөгөөс 5 дахин өндөр байгаа. Бид энэ 506 төгрөгийг 1012 төгрөг болгож, магадгүй 200 хувь нэмлээ гэдэг шүүмжлэл гарах байх. Ийм шийдвэр гаргачихсан байж байгаад ирэх оны нэгдүгээр сарын 1 хүртэл хойшлуулсан.
50 метр квадрат байртай айл дулаанд 27000 төгрөг төлдөг бөгөөд 8 сард 200 гаруй мянган төгрөг төлдөг. Харин гэр хороололд байгаа айл 6 тонн түлш хэрэглэхээр 600 мянган төгрөг болдог. Галлах, худалдаж авчрах зардлыг нь оруулахгүйгээр шүү. Халуун усанд 7 хоногт нэг удаа 4 ам бүлтэй айл ороход найман сард хоёр сая төгрөг болох юм билээ. Үүнийг л хооронд нь ойртуулах шийдвэр гаргачихаад харамсалтай нь шилжилтээ хийж чадахгүй байгаа.
“Ямар ард түмэндээ хайргүй хүн бэ. Дулааны үнийг хоёр дахин нэмэх юм байна” гэж мэдээж шүүмжлүүлнэ. Ардын дайсан гэж намайг цоллох байлгүй. Гэхдээ үүнийг хэн нэгэн хүн хийхгүй бол нөхцөл байдал улам хүндэрч байна. Ядуу хэсэг нь өндөр зардалтай улам хүнд байдаг. Баян чинээлэг хэсэг нь бага зардалтай бүтэцтэй байгаа” гэсэн юм.
Харин үйлдвэр, аж ахуй нэгж байгууллагын дулааны зардал мкв тутам нь 604 төгрөг байсныг 1208 төгрөг болж нэмэгдэх аж.
Цахилгаан, дулааны үнээс гадна ирэх есдүгээр сарын 16-наас халуун, хүйтэн усны үнийг мөн нэмнэ. Иймээс төрөөс гаргасан зохицуулалттай холбоотой үнийн нэмэгдлийг дагасан инфляцын дарамт айл өрхийн төсөвт хүчтэй нөлөө үзүүлж мэдэхээр байна.
Улаанбаатар хотын хүн амд мөрдөгдөж буй цэвэр, бохир усны үйлчилгээний тариф
Тоолууртай бол литр тутам нь 1.34 төгрөг
Тоолуургүй бол 1.95 төгрөг
Тоолууртай бол литр тутам нь 1.07 төгрөг Тоолуургүй бол литр тутам нь 1.43 төгрөг байгаа бөгөөд одоогоор хэдэн хувиар нэмэх нь тодорхойгүй байна.
Эх сурвалж: Пүрэвдагва БУЛГАН itoim.mn
Facebook
Twitter
Youtube
Д.Цолмон: Энэ жил томуугийн дэгдэлт эрт эхэлж байна. Хүүхдэдээ шингэн сайн уулгаж, асаргаагаа маш сайн хийх хэрэгтэй
Багш нарын ажил хаялт 4 дэх 7 хоногтоо үргэлжилж, орон нутгийн сургууль, цэцэрлэгүүд нэмэгдэж байна
Английн "Фүлхэм" багт өгөх 2 тэрбум төгрөгөө Ч.Номин хувиасаа төлчихвөл яасан юм бэ?
Л.Оюун-Эрдэнийн засагласан дөрвөн жилд бараа, бүтээгдэхүүний үнэ 157 хувь хүртэл өсчээ
УИХ-ын гишүүн Д.Амарбаясгаланг эрүүгийн хэрэгт яллагдагчаар татсан нь үнэн
Үндсэн хууль зөрчсөн санал хураалт явуулах гэж байгаа учраас гишүүд ирцэнд орохгүй байна
УИХ-ын дэд дарга Х.Булгантуяа Цэцийн гишүүн О.Мөнхсайханаас татгалзах хүсэлт гаргалаа
С.Нарангэрэл: Эх орон хэмээх хөлөг онгоцонд живэх аюул бодитой нүүрлэлээ
.gif)
.gif)
Сэтгэгдэл бичих