Ерөнхий сайд Л.Оюун-Эрдэнийн хүү О.Тэмүүлэнгийн тансаг хэрэглээтэй холбоотой асуудал нийгмийн анхаарлыг татаад буй. Гол нь Ерөнхий сайдын хүүгийн найз бүсгүйдээ худалдан авсан бараа бүтээгдэхүүн, үйлчилгээний төлбөр хаанаас, ямар эх үүсвэрээс гарсан бэ гэдэгт олон нийт анхаарлаа хандуулж байна. Ерөнхий сайд бол нийтийн буюу татвар төлөгчдийн мөнгөөр цалинждаг, олон нийтийн өмнө өндөр ёс зүй, хариуцлага хүлээж ажилладаг төрийн өндөр албан тушаалтан. Энэ ч утгаараа хувьдаа бизнесгүй, эрхэлсэн ажилгүй 20 гаруйхан настай хүү нь хэний мөнгөөр тансаглаж байгааг, мөн Ерөнхий сайдын гэр бүл орлогоо нотлохыг нийгэм шаардаж эхэллээ.
Л.Оюун-Эрдэнийн хувьд 2019 оноос Засгийн газрын Хэрэг эрхлэх газрын даргаар, 2021 оноос хойш таван орчим жил Монгол Улсын Ерөнхий сайдаар ажиллаж байна. Ерөнхий сайд Л.Оюун-Эрдэнийн хувьд 2019 оноос хойш АТГ-т мэдүүлсэн хөрөнгө орлогын мэдүүлэгт төдийлөн өөрчлөлт ороогүй байгаа бөгөөд сүүлийн зургаан жил гэр бүлийн орлого нь огт өсөөгүй байгаа юм. Мэдээж хэрэг том хүү нь насанд хүрч, ажил хөдөлмөр эрхэлсэн бол гэр бүлийн орлого нэмэгдэх нь зүйн хэрэг. Харин сүүлийн зургаан жил гэр бүлийн орлого өсөөгүй, харин үл хөдлөх хөрөнгийн орлого бага зэрэг өсчээ.
Ерөнхий сайд өөрөө ямар нэгэн бизнес эрхэлдэггүй, ямар нэгэн эрх ашиггүй албан тушаалтан гэдгээ нэг бус удаа мэдээлж байсан. Тиймээс олон нийт ямар нэгэн бизнес эрхэлдэггүй Ерөнхий сайдын хүү чухам ямар эх үүсвэртэй мөнгөөр гадаад, дотоодын тансаг үйлчилгээ авч, найз бүсгүйдээ 17 сая төгрөгийн үнэ бүхий бөгж, үнэтэй брэндийн бараа бүтээгдэхүүн авч өгөв гэдэгт л эгдүүцэж байна.
Ерөнхий сайд Л.Оюун-Эрдэнэ 2023 оны тавдугаар сарын 4-нд Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төслийг өргөн барьж хэлэлцүүлэх үеэр “УИХ, Засгийн газрын гишүүд бол жирийн иргэдээс хамаагүй давуу эрхтэй учраас тэр хэрээрээ хариуцлага хүлээх нь шударга ёсонд нийцнэ гэж үзэж байна. УИХ гишүүн бол сайн дурын үндсэн дээр Таныг төлөөлөх мандат авсан. Нэгэнт сайн дурын үндсэн дээр сонгогдсон бол хувийн эрх ашгаасаа буюу албан тушаал хашиж буй үедээ татгалзах ёстой. Гэр бүл, хамаатан садантайгаа ярилцаж, шийдвэр гаргах хэрэгтэй юм. Ингэснээр аливаа хардлага сэрдлэгээс ангид байх, албан тушаал эрх мэдлээ ашиглах бүх боломжийг хязгаарлагдана. Эцсийн дүндээ монгол төрийн нэр хүндийг хамгаалж, төлөөллийн ардчилал жинхэнэ агуулгаараа хэрэгжих соёлын эхлэл тавигдаж байна хэмээн ойлгож байна” гэдгийг онцолж, нийтэд мэдэгдэл хийж байв.
Тэгвэл өнөөдөр нийтээс хамаагүй давуу эрхтэй Ерөнхий сайдаас олон нийт хүүгийнхээ орлогыг нотлохыг шаардаж эхэллээ.
Эх сурвалж: Ганболд БАТЖАРГАЛ itoim.mn
Facebook
Twitter
Youtube
Монгол Улсаас өвлийн паралимпод анх удаа эмэгтэй тамирчин өрсөлдөнө
Эпштейнтэй холбогдож мэдээлэл өгдөг байсан Ерөнхийлөгч асан Х.Баттулгын зөвлөх Ч.Ганбат АНУ-ын иргэншилтэй
ЦЕГ: Салсан найз охиноо бусадтай нийлж бүлэглэн зодсон этгээд өмнө нь хэрэгт шалгагдаж байсан
Оюу толгой ХХК-ийн гүйцэтгэх захирал С.Мөнхсүх гэж хэн бэ?
Ерөнхий сайд Г.Занданшатарын нэгдээд буй Трампын “Энхийн зөвлөл” гэж юу вэ
П.Болдбаатар: "ТЭЦ-IV" дээр шинээр нэг зуух авах саналыг 2018 оноос тавьсан ч өнөөдрийг хүртэл шийдээгүй. Бид өндөр эрсдэлд байна
Зээл олгохгүй, гүйцээ!!!
Н.Энхбаяр: 126 гишүүн бүтэхгүй гэдгийг Д.Амарбаясгаланд хэлж байсан.gif)
.gif)
Сэтгэгдэл бичих