Чанаргүй зээлийн өрийн үлдэгдэл 1.6 хувиар өсжээ

        Mөнгөний нийлүүлэлт 2025 оны дөрөвдүгээр сарын эцэст урьдчилсан гүйцэтгэлээр 41.5 их наяд төгрөгт хүрч, өмнөх оны мөн үеэс 3.4 их наяд төгрөгөөр өсөхөд төгрөгийн хадгаламж 3.3 их наяд төгрөгөөр өссөн нь голлон нөлөөлжээ.

Бага мөнгө (M1) 2025 оны дөрөвдүгээр сарын эцэст урьдчилсан гүйцэтгэлээр 9. 9 их наяд төгрөгт хүрч, өмнөх оны мөн үеэс 237.5 тэрбум төгрөгөөр өсөж, өмнөх сараас 260.7 тэрбум төгрөгөөр буурчээ. Бага мөнгө (M1)-ний 9.0  их наяд төгрөг нь төгрөгийн харилцах, 885.5 тэрбум төгрөг нь хадгаламжийн байгууллагаас гадуурх мөнгө байна. Бараг мөнгө 2025 оны дөрөвдүгээр сарын эцэст урьдчилсан гүйцэтгэлээр 31.6 их наяд төгрөгт хүрч, өмнөх оны мөн үеэс 3.1 их наяд төгрөгөөр, өмнөх сараас 281.4 тэрбум төгрөгөөр өсжээ. Бараг мөнгөний 69.4 хувь нь төгрөгийн хадгаламж, 16.5 хувь их наяд төгрөг нь валютын хадгаламж, 14.1 хувь их наяд төгрөг нь валютын харилцах байна.

Төгрөгийн хадгаламж 2025 оны дөрөвдүгээр сарын эцэст 21.9 их наяд төгрөгт хүрч, өмнөх оны мөн үеэс 3.3 их наяд төгрөгөөр өсөж, өмнөх сараас 195.6 тэрбум төгрөгөөр буурчээ. Төгрөгийн хадгаламжийн 19.2 их наяд төгрөг нь иргэдийн хадгаламж, 2.8 их наяд төгрөг нь аж ахуйн нэгж, байгууллагын хадгаламж байна. Харин валютын хадгаламж 5.2 их наяд төгрөгт хүрч, өмнөх оны мөн үеэс 874.4 тэрбум төгрөгөөр, өмнөх сараас 261.4 тэрбум төгрөгөөр өссөн талаар Үндэстний статистикийн хорооноос мэдээллээ.