Ерөнхийлөгч У.Хүрэлсүх Л.Оюун-Эрдэнэтэй уулзаж байна

      Ерөнхий сайд Л.Оюун-Эрдэнийг огцруулах шаардлага бүхий “Огцрох амархан” жагсаал Сүхбаатарын талбайд үргэлжилж байна. Төв талбай хийгээд Төрийн ордонд улс төрийн нөхцөл байдал ширүүсч буй энэ үед буюу өнөөдөр (19.05.2025) УИХ-ын дарга Д.Амарбаясгалан, ЕТГ-ын дарга Г.Занданшатар, Шадар сайд С.Амарсайхан, УИХ дахь МАН-ын бүлгийн дарга Л.Мөнхбаатар нар Ерөнхий сайд Л.Оюун-Эрдэнэтэй уулзсан. Энэхүү уулзалтын дараа Л.Оюун-Эрдэнэ МАН-ын бүлгийн хаалттай хуралдаанд оролцож, гишүүдийн байр суурийг сонслоо. Харин одоо Ерөнхийлөгч У.Хүрэлсүх Ерөнхий сайд Л.Оюун-Эрдэнийг хүлээн авч уулзаж, цаг үеийн нөхцөл байдлын талаар ярилцаж байна. Энэхүү уулзалтаас Л.Оюун-Эрдэнэ Ерөнхий сайдын албан тушаалаас огцрох шийдвэр гаргах уу гэдэг хүлээлт үүсээд байна.

                                                                                                                                                       Г.Анар