БНСУ-ын NBN News-ийн сэтгүүлч Ким Сан Бэ “Шанелийн цүнхээс үүдсэн уур хилэн... Монгол Улсын Ерөнхий сайдын хүүгийн тансаг хэрэглээ шүүмжлэл дагуулж, огцрохыг шаардах дуу хоолой хүчтэй өрнөв” гэх гарчигт нийтлэл цацжээ. Түүний энэхүү нийтлэлийг орчуулан хүргэж байна.
Хүүгийн сүйт бүсгүй сошиалд брэндийн эд зүйлсээ гайхуулсан нь иргэдийн уур хилэнг төрүүлж, “авлигын нотолгоо” хэмээн эсэргүүцлийн жагсаал өрнөв.
Монгол Улсын Ерөнхий сайд Лувсаннамсрайн Оюун-Эрдэнэ хүчтэй огцрох шахалтад өртөөд байна.
Энэ явдлын эхлэл нь түүний хүү болон сүйт бүсгүй олон нийтийн сүлжээнд тансаг эд зүйлс, гадаадын өндөр үнэтэй машин зэргийн зургийг нийтэлсэнтэй холбоотой аж. Улаанбаатар хотын төв хэсэгт орших Сүхбаатарын талбайд Ерөнхий сайдыг огцрохыг шаардсан жагсаал өдөр бүр үргэлжилж байна.
Орон нутгийн мэдээллийн хэрэгслүүд болох news.mn болон Sonin.mn-ий мэдээлснээр Ерөнхий сайдын хүүгийн сүйт бүсгүй саяхан өөрийн сошиал хуудсандаа Францын тансаг зэрэглэлийн Chanel-ийн цүнх, Италийн алмаазан бөгж, Японд үйлдвэрлэсэн үнэтэй машинаа гайхуулсан зураг нийтэлжээ.
Тэрээр эдгээр үнэтэй зүйлсийг “Ерөнхий сайдын хүү Тэмүүлэнгээс авсан бэлэг” хэмээн тодруулсан бөгөөд тухайн нийтлэл нь богино хугацаанд Монгол даяар тархсан байна.
Иргэд “Ерөнхий сайдын хүүгийн албан ёсны орлогоор ийм үнэтэй бэлэг авах боломжгүй” хэмээн үзэж, Ерөнхий сайдын авлигын асуудлыг хөндөж эхэлсэн байна.
Жагсагчид Ерөнхий сайдын хүүг орлогын эх үүсвэрээ олон нийтэд ил болгохыг шаардаж байгаагаас гадна Ерөнхий сайдыг нэн даруй огцрохыг уриалж байна. Мөн тавдугаар сарын 16-ны байдлаар энэхүү шаардлагыг дэмжсэн онлайн гарын үсгийн аянд 40,000 гаруй хүн нэгдээд байна.
Тус жагсаал дээр Chanel-ийн гар цүнх эсэргүүцлийн бэлгэдэл болон хувирчээ. Олон залуус цүнх барин жагсаалд оролцож байгаа нь уг хэргийн эхлэл болсон сошиал бичлэгийг шоглон, шүүмжилж буй үйлдэл аж.
Тун цэвэр, шударга дүр төрхөөрөө Ерөнхий сайдын албан тушаалд хүрсэн Оюун-Эрдэнэ төрийн албанд авлигыг устгахыг зорьж буйгаа байнга онцолдог байсан ч, энэ удаагийн тансаг хэрэглээтэй холбоотой дуулиан түүний ёс суртахуун, улс төрийн шударга байдалд хүнд цохилт өглөө. Монголын эрх баригчид олон нийтийн шахалтаар Ерөнхий сайдын хүү болон сүйт бүсгүйн хөрөнгийн эх үүсвэрийг шалгаж эхэлжээ.
Улс төрийн хүрээ болон олон нийтийн дунд энэ асуудал зүгээр нэг сошиал сүлжээний маргаан бус, Монголын улс төр, бизнесийн хамаарал, давхаргын ёс суртахууны доройтолд иргэдийн бухимдал дэлбэрсэн явдал боллоо гэж дүгнэж байна.
Нөгөөтэйгүүр, Ерөнхий сайд Оюун-Эрдэнэ одоогоор албан ёсны байр сууриа илэрхийлээгүй бөгөөд түүний огцрох эсэхэд олон нийтийн анхаарал төвлөрч байна.
Эх сурвалж: Хүрэлбаатар БЯМБАЖАРГАЛ itoim.mn
Facebook
Twitter
Youtube
Д.Цолмон: Энэ жил томуугийн дэгдэлт эрт эхэлж байна. Хүүхдэдээ шингэн сайн уулгаж, асаргаагаа маш сайн хийх хэрэгтэй
Багш нарын ажил хаялт 4 дэх 7 хоногтоо үргэлжилж, орон нутгийн сургууль, цэцэрлэгүүд нэмэгдэж байна
Английн "Фүлхэм" багт өгөх 2 тэрбум төгрөгөө Ч.Номин хувиасаа төлчихвөл яасан юм бэ?
Л.Оюун-Эрдэнийн засагласан дөрвөн жилд бараа, бүтээгдэхүүний үнэ 157 хувь хүртэл өсчээ
УИХ-ын гишүүн Д.Амарбаясгаланг эрүүгийн хэрэгт яллагдагчаар татсан нь үнэн
Үндсэн хууль зөрчсөн санал хураалт явуулах гэж байгаа учраас гишүүд ирцэнд орохгүй байна
УИХ-ын дэд дарга Х.Булгантуяа Цэцийн гишүүн О.Мөнхсайханаас татгалзах хүсэлт гаргалаа
С.Нарангэрэл: Эх орон хэмээх хөлөг онгоцонд живэх аюул бодитой нүүрлэлээ
.gif)
.gif)
Сэтгэгдэл бичих