Төр, хувийн хэвшлийн түншлэлийн хүрээнд санхүүгийн магадлан шинжилгээ хийх аудитын байгууллагыг санал ирүүлэхийг урьж байна

        НИТХ-аас төр, хувийн хэвшлийн түншлэлээр нийслэлд хэрэгжүүлэх төслийн жагсаалтыг баталсан. Уг түншлэлийн төслийн хүрээнд шалгарсан хувийн хэвшлийн түншлэгч нарын санхүүгийн үйл ажиллагаанд магадлан шинжилгээ (due diligence) хийх дотоодын болон гадаадын аудитын байгууллагыг санал ирүүлэхийг урьж байна.

Магадлан шинжилгээ хийх хүрээ:

1. Санхүүгийн магадлан шинжилгээ:
1. Хувийн хэвшлийн түншлэгчийн магадлан шинжилгээ,
2. Санхүүгийн нөхцөл байдлын шинжилгээ, 
3. Түншлэлийн төсөл хэрэгжүүлэх боломжтой эсэх шинжилгээ, 
4. Түншлэлийн төсөлд болон хувийн хэвшлийн түншлэгчид хөрөнгө оруулалт хийх, санхүүжүүлэх этгээдийн магадлан шинжилгээ, 
5. Оролцогч нарын харилцагчийг таньж мэдэх тайлан,
6. Хувийн хэвшлийн түншлэгчээс санал болгож буй төслийн санхүүгийн тооцоолол, мөнгөний үнэ цэнэ, төсөвт үзүүлэх нөлөө, хөрөнгө оруулалт, санхүүжилтэд шинжилгээ хийх, санал, дүгнэлт гаргах; 
2. Үйл ажиллагааны магадлан шинжилгээ:
1. Төслийн үйл ажиллагааны санхүүгийн удирдлага, зохион байгуулалт, оролцогчид, үр ашиг, үр нөлөөнд шинжилгээ хийх, санал, дүгнэлт гаргах;  
3. Эрсдэлийн магадлан шинжилгээ 
1. Төслийн эдийн засаг, санхүүгийн үйл ажиллагааны эрсдэлд шинжилгээ хийх, санал, дүгнэлт гаргах;  
4. Магадлан шинжилгээний тайлан:
1. Дээрх ажлын хүрээнд хийсэн шинжилгээ, гарсан санал, дүгнэлтэд үндэслэн тайлан гаргах. 

Аудит хийх төслүүд:

1. “Дулааны V цахилгаан станц” төсөл,
2. “Хүннү хотын эрчим хүчийг сэргээгдэх эрчим хүчний эх үүсвэрээр хангах” төсөл,
3. “Хог шатааж эрчим хүч үйлдвэрлэх үйлдвэр” төсөл, 
4. “Баруун Далайн ордын нүүрсний уурхайг түшиглэн барих 300 МВт хүчин чадалтай цахилгаан станц” төсөл,
5. “Дэнжийн мянга дэд төвийг төвлөрсөн дулаан хангамжийн системд холбох, оргил ачааллын дулааны эх үүсвэр, дулаан хуваарилах төв” төсөл, 
6. “Олон улсын зочид буудал” төсөл, 

Материал хүлээн авах хугацаа: 

Сонирхсон байгууллагууд ажлын туршлага, хүний нөөцийн чадавхын талаарх танилцуулга, үйлчилгээний үнийн саналаа долоодугаар сарын 24-ний өдрийн 17:00 цаг хүртэл дараах хаягаар ирүүлнэ үү.

Материал хүлээн авах хаяг:

“Улаанбаатар түншлэл төв” ХХК - Улаанбаатар хот, Сүхбаатар дүүрэг, 8 дугаар хороо, Амарын гудамж-2, Соёлын төв өргөө, 514 тоот

Утас: 7011 0071

Цахим шуудан: ppp@ulaanbaatar.mn