“МАН-ын Бага хурал хуралдсанаас хойш 45 хоногийн дараа их хурал хуралдана” гэв

          “МАН-ынхан их хурлаа хэзээ хуралдуулж, намын шинэ даргатай болох вэ” гэдэг хүлээлт улс төрийн хүрээнд үүсээд байна. Хэдийгээр “Ерөнхий сайд Г.Занданшатар МАН-ын дараагийн дарга болно” гэж мэдээлж байгаа ч УИХ-д олонхийн суудалтай тус намыг УИХ-ын 2028 оны сонгуульд хэн удирдах вэ гэдэг асуудал анхаарал татаж байна. Тус намын Ерөнхий нарийн бичгийн дарга Я.Содбаатар саяхан хэвлэлд “Их хурлаа есдүгээр сард хуралдуулна” гэж мэдээлсэн. Гэхдээ МАН-ын бусад эх сурвалж “Удирдах зөвлөл хуралдаж, Бага хурлын хуралдааныг товлоно. Бага хурал хуралдаж, намын их хурлын товыг тогтооно. Намын их хурлыг Бага хурал хуралдсанаас хойш 45 хоногийн дараа хуралдуулдаг” гэв. Тэгэхээр МАН-ын их хурал энэ есдүгээр сард хуралдахгүй бололтой. МАН-ын дарга гэдэг эрх мэдлийн сэнтийд хэн нь залрах вэ гэдэг тулаан ч сунжрах нь.  

Ж.Болд