Төрийн банк эрүүл мэндийн үйлчилгээг иргэдэд ойртуулна

      Төрийн банк харилцагчдынхаа эрүүл амьдралын хэв маягийг дэмжих, эрт илрүүлгийн үзлэг оношлогоонд хамрагдах дадал хэвшлийг бэхжүүлэх зорилгоор эрүүл мэндийн байгууллагуудтай шат дараатай хамтран ажиллах санамж бичиг байгуулж байна. Энэ хүрээнд өнөөдөр /2025.09.11/ “Эрүүл иргэн” багц бүтээгдэхүүнээ танилцуулах өдөрлөг, арга хэмжээг Төрийн тусгай албан хаагчдын нэгдсэн эмнэлэгт зохион байгуулж, тус эмнэлгийн удирдлагууд, эмч мэргэжилтнүүдтэй хамтын ажиллагааны талаар санал солилцлоо. 

Өдөрлөгийн үеэр танилцуулсан “Эрүүл иргэн” багцын тухайд, 2022 онд зах зээлд нэвтрүүлсэн “Эрүүл иргэн” хадгаламж болон 2023 онд зах зээлд нэвтрүүлсэн “Эрүүл иргэн” картын бүтээгдэхүүнийг нэгтгэсэн багц юм. Энэхүү багцыг сонгосноор үзлэг шинжилгээнд хамрагдах, эрүүл мэндэд тустай хүнс, бараа бүтээгдэхүүний худалдан авалт хийх, фитнес, иогийн төвүүдэд бүртгүүлэх зэрэг эрүүл амьдралын хэв маягийг цогцлоох алхам бүрдээ 30 хүртэлх хувийн хөнгөлөлт эдлэх боломжтой. Тодруулбал, Монгол Улсад үйл ажиллагаа явуулж буй эрүүл мэндийн 13 байгууллага, Солонгос, Хятад, Турк улсын 80 гаруй эмнэлэг, эрүүл мэндийн байгууллагаар хөнгөлөлттэй үнээр үйлчлүүлэхээрээ давуу талтай юм.

Өнөөдөр Төрийн тусгай албан хаагчдын нэгдсэн эмнэлэгт болсон арга хэмжээний үеэр эрүүл мэндийн үйлчилгээг иргэдэд ойртуулах шийдэл болон эрүүл амьдралын хэв маягийг цогцлооход банк санхүүгийн байгууллагуудын үүрэг оролцооны талаар хоёр тал санал солилцсоноос гадна эмч мэргэжилтнүүдэд санхүүгийн боловсрол олгох сургалт зохион байгуулж, иргэдэд явуулын банкаар үйлчиллээ.

Цаашид Төрийн банк энэ төрлийн арга хэмжээг томоохон эмнэлгүүдэд шат дараатай зохион байгуулж хамтын ажиллагаа, бүтээгдэхүүн үйлчилгээгээрээ дамжуулан эрүүл амьдралын хэв маягийг цогцлооход анхаарна гэдгээ банкны удирдлагуудын зүгээс онцоллоо.

“Эрүүл иргэн” багц бүтээгдэхүүний талаар дэлгэрэнгүй мэдээлэл авах бол энд дарна уу.

                                            Итгэл төгс – Ногоон ирээдүй