Зэсийн үнэ сүүлийн 15 сарын дээд түвшинд хүрч, нэг тонн нь 10186 ам.доллар болов

       АНУ-ын Холбооны Нөөцийн банк бодлогын хүүгээ бууруулах хүлээлттэй зэрэгцэн зэсийн үнэ сүүлийн 15 сарын дээд түвшинд хүрлээ. Бодлогын хүүг бууруулах нь зэс, хөнгөнцагаан зэрэг суурь металлуудын үнэ өсөхөд нөлөөлдөг. Лондоны Металлын биржид зэсийн фьючерс ханш нэг хувиар өсөж, тонн нь 10,186 ам.доллароор арилжаалагдаж байна.

Зэсийн хэрэглээгээр тэргүүлэгч БНХАУ-ын эрэлт энэ оны эхний хагаст 10 гаруй хувиар өссөн нь түүхий эдийн үнийн өсөлтөд гол жин дарж буй. Хэдий тийм боловч оны хоёрдугаар хагаст эрэлт буурч магадгүй гэдгийг шинжээчид анхааруулж байгаа юм. Үүнээс гадна дэлхийн зэсийн хэрэглээний дөрөвний нэгийг нийлүүлдэг Чили улс энэ онд зэсийн олборлолтоо нэмэгдүүлэх зорилтоо хэвээр үлдээхээр төлөвлөж буйг тус улсын Засгийн газар мэдэгдээд байна.

Г.Анар