н.Эрдэнэхатан: “Монгол хаан” жүжгийнхэн тусгай дугаарлалт үүсгэн дайрахад нялх хүүхэд уйлж, япончууд мэлрэв

   “Хэро энтертайнмент”-ийн Б.Баатарын найруулсан “Монгол хаан” жүжгийг энэ сарын 10-26-нд Японд тоглосон. Токио, Нагоя хотод найруулагч, гүйцэтгэх продюссер, жүжигчид зэрэг өргөн бүрэлдэхүүнтэй тоглосон энэхүү жүжгийн аялан тоглолт хэл ам дагуулж эхлэв бололтой. Фэйсбүүкт Erdenekhatan Gon Sugimura “Монгол хаан” тоглолтынхон. Асуудалтай ажиллагаа гэдгийг сонсоод үзээгүй. МИАТ Наритад нэлээд эрт хэдэн хүүхдээ чирсээр очиж бүртгэл эхлэхийг хүлээв. Хожуухан бус 30-аад хүмүүс ирсэн нь өнөөх алдартай "Монгол хаан" тоглолт. Хаад маань тусгай очер (дугаарлалт) үүсгэн олон цаг хүлээх хүмүүсийн урдуур дайрав. Үнэхээр л ХААН гайхалтай. Очероо дайруулан хаадыг хүлээх хүмүүс дотор нялх хүүхэд уйлж, хөгшин япончууд мэлрэв. Хаад маань үл тоон бүртгүүлсээр. Миний бие тэсэлгүй учрыг хэлсэн (адилхан очерлуул, хүлээж байгаа хүмүүсээс уучлалт гуй) боловч авч хэлэлцсэнгүй, МИАТ салбар. Мөн хаад нарт учирлав. "Бид_тусгай" гэх хариу нүдээрээ илэрхийлэв. Хэлснийг нь энд дурдах юун. Ойрхон зогсох УИХ-ын гишүүнд хэлсэн. Эмзэглэнхэн алга болов. Хаандах асуудлаа Монголдоо хиймээр. 10/27 12:45” гэжээ. Харин Элчин сайд асан Ч.Куланда “Монголчуудын боломжийг хулгайлж, олон хүнийг ядуурал, ажилгүйдэл руу чирэхэд онцгой нөлөө үзүүлсэн “Монгол хаан” жүжиг гээч Токио, Нагоя хотуудаар салбаганаж байгаад өнөөдөр буцсан бололтой. Заал дүүрэн үзэгчтэй байсан гэж хөх инээд хүргэж (япончуудад яг тасалбар борлуулсан байж харагдаач), олон нийтийн сүлжээг сурсан зангаараа төлбөртэй (спонсортой) дүрс бичлэгээр бөмбөгдөж, Хакухогийн ачаар Японы алдар нэртэй хэдэн хүний сэтгэгдэл түгээх маягтай юм харагдсан. Хуурамч заал дүүргэлтийн ард монголчуудын хүртэх ёстой баялгийг хулгайлсан мөнгийг барж ядаж яваа нь эмгэнэл! Хэрээ, Амундра нарын хаанчлал төгсөж, тэдний хулгай луйврыг илрүүлэх цаг ойртож байгаа гэж найдаж байна” хэмээн байр сууриа илэрхийлжээ.

Б.Онон