ЦЕГ-ын даргаар Ж.Болд хоёр дахиа томилогдов

   Б.Энхбаяр өнгөрсөн баасан гарагт (2025.10.24) Хууль зүй, дотоод хэргийн сайдаар томилогдмогцоо Т.Сүхболдыг ЦЕГ-ын даргаас чөлөөлсөн. Харин өнөөдөр Засгийн газар ээлжит бусаар хуралдаж, Ерөнхий сайд Г.Занданшатарын зөвлөх Ж.Болдыг ЦЕГ-ын даргаар томиллоо. Ж.Болд 2023 онд эрүүл мэндийн шалтгаанаар ЦЕГ-ын даргаас чөлөөлөгдөх хүсэлт гаргаж байсан юм.

Хошууч генерал Ж.Болд 1996-2001 онд Хэнтий аймгийн Засаг даргын дэргэдэх Цагдаагийн газарт мөрдөн байцаагч, 2001-2006 онд Баянзүрх дүүргийн Засаг даргын дэргэдэх Цагдаагийн хэлтэст мөрдөн байцаагч, ахлах мөрдөн байцаагч, 2006-2010 онд Мөрдөн байцаах газрын Эдийн засгийн гэмт хэрэг мөрдөх хэлтэст ахлах мөрдөн байцаагч, 2010-2011 онд Мөрдөн байцаах газрын Онц хүнд, зохион байгуулалттай гэмт хэрэг мөрдөх хэлтэст ахлах мөрдөн байцаагч,  2011-2013 онд Мөрдөн байцаах газрын Зохион байгуулалттай гэмт хэрэг мөрдөх хэлтэст ахлах мөрдөн байцаагч, чиглэлийн ахлах мөрдөн байцаагч,  2013-2014 онд Мөрдөн байцаах газрын Зохион байгуулалттай гэмт хэрэг мөрдөх хэлтэст тасгийн дарга, 2014-2015 онд Зохион байгуулалттай гэмт хэрэгтэй тэмцэх газарт тасгийн дарга; 2015-2017 онд Эрүүгийн цагдаагийн газрын Хар тамхитай тэмцэх хэлтэст тасгийн дарга, 2017-2019 онд Хэнтий аймаг дахь цагдаагийн газрын даргаар ажилласан. Улмаар  2019-2020 онд Цагдаагийн ерөнхий газрын Дэд даргаар болсон бол, Засгийн газрын 2020 оны долдугаар сарын 22-ны өдрийн 30 дугаар тогтоолоор ЦЕГ-ын дарга, Дотоодын цэргийн командлагчаар томилогдож байсан.

Д.Од