Д.Амарбаясгаланг улс төрийн цаазын тавцанд зогсоолоо!

        Үндсэн хуулийн Цэц Засгийн газрыг хамгаалж үлдэж, Б.Энхбаярыг Хууль зүй, дотоод хэргийн сайдаар томилсны дараа ТЭД хундага тулгах зуур прокуророос Д.Амарбаясгаланг авлигын хэргээр яллагдагчаар татсан тухай мэдээлэл ирэв. Чуулганы нэгдсэн хуралдааны үеэр гишүүдийн асуултад хариулах болгондоо Д.Амарбаясгалан, "Толгой цавчина", "...би үхнэ" гэх мэт шүд зуулттай үг хэлж улайрч суусан Б.Энхбаяр баярласандаа хар шөнөөр энэ тухай баяртайгаар мэдээлсэн. Далимд нь "Дэлгэрэнгүй мэдээллийг прокуророос авах нь зүйтэй" гээд сэтгүүлчдэд чиглэл өгчихөө тэр сайн мэднэ. Сценарийн дагуу прокуророос өчигдөр мэдээлэл өгсөн. Харин өнөөдөр хууль хяналтынхан УБ-аас сэтгүүлчдийг дагуулж очоод "Админерал" дээр ажиллагаа явуулж байгаагаа лаивдуулжээ. Энэ бол танил технологи. Улстөрчид нэг нэгнээ намнадаг хар ажиллагаа болон ужгирсан үзэгдэл. Тэр жил юу боллоо. Ц.Нямдорж "Эзнээ хармаар байна", "Сүүлчийн цамцаа урагдтал тэмцэнэ" гэж сүржигнээд яасан билээ. "Сахал" Д.Эрдэнэбилэг, ХХБ-ны О.Орхон нарыг гавлаж авч яваа зургаа сошиалд түгээсэн. Тэд ийм ажиллагаандаа хэвлэл, сошиалыг бүр ашиглаад сурчихсан. П.Цагааны үйлдвэрийг бас хааж үзүүлсэн. "Эрдэнэт үйлдвэр"-ийн 49 хувь, Дубайн гэрээ гэж улайстал улстөржүүлж байгаад Эрдэнэтэд онцгой дэглэм тогтоосон. Тэнд онцгой дэглэм тогтоож байгаад хулгай, шахаагаа яаж хийцгээснийг хэн ч мэдэхгүй. Яагаад гэвэл НУУЦ! Эрдэнэт үйлдвэрээс гадна Дарханы төмөрлөгийн үйлдвэр, Хөтөл гээд бүгдийг мэдэлдээ авсан. Одоо Д.Амарбаясгаланг улс төрийн цаазын тавцанд зогсоож, өөрсдийнхөө дохиураар ажилладаг АТГ, прокуророор хэрэг үүсгэж яллагдагч болгоод "Админерал"-ыг нь хааж үзүүлж байна. Эрх мэдлийн "Илд"-ээ эргүүлж айлгаж байна. Айдсаар нийгмийг удирддаг болоод удаж байна. Nam.mn сайтаас МАН-ын дүрмийг устгасныхаа дараа "Д.Амарбаясгалан одоо МАН-ын гишүүн биш болсон шүү" гэж урвагч сайтаараа сэвүүлж байна. Новшийн намчид ч яг мөн дөө! Цагтаа Д.Амарбаясгалангийн үүдийг сахиж, албан тушаал гуйж, төрийн аль өнгөтэй өөдтэй бүхэн рүү шуналын нүдээ унагаж явсан нөхөд одоо цөөвөр чоно мэт түүн рүү ноцож байна. Тэд Д.Амарбаясгалангаас албан тушаал, эрх мэдэл гуйхдаа ичдэггүй байсан шигээ өнөөдөр түүнээс эрээ цээргүй урваж, шинэ эздийнхээ заавраар түүн рүү дайрч байна. Д.Амарбаясгаланг УИХ-ын гишүүнээс түдгэлзүүлэх бичиг нь ч бэлэн болсон биз. Энэ бараг тодорхой. Тэтгэврийн нас нь хэтэрсэн атал УЕП-оор дахин томилогдсон Б.Жаргалсайхан өрөө ингэж төлж таарна. Болоогүй ээ, Д.Амарбаясгаланг зүйл дуусгахад оролцсон хүмүүс дараа нь нэг нэгнээ барьж идэцгээнэ. Яг ингэж!

С.Тулга