Төрийн банк ХАБЭА-н баримтлах зарчмуудаа тодорхойллоо

    Төрийн банк ISO 45001:2018 Хөдөлмөрийн аюулгүй байдал, эрүүл ахуй /ХАБЭА/-н менежментийн тогтолцооны стандартыг үйл ажиллагаандаа нэвтрүүлэхээр 2024 оноос хойш шат дараатай ажлуудыг төлөвлөн хэрэгжүүлж байна. Энэ удаад банк ХАБЭА-н журмыг ISO стандартын шаардлагад нийцүүлэн шинэчлэн баталж, ХАБЭА-н баримтлах зарчмуудаа тодорхойллоо.

Төрийн банкны ХАБЭА-н баримтлах зарчимд 10 үндсэн зарчим багтсан бөгөөд тэдгээр нь ажиллагсдын эрүүл мэндийг сахин хамгаалах, хөдөлмөрийн аюулгүй байдалтай холбоотой аюул, эрсдэлийг тодорхойлж, үнэлэлт дүгнэлт өгөх, үүссэн эрсдэлийг багасгахад шаардлагатай арга хэмжээ авах боломжийг бүрдүүлэхэд чиглэсэн болно.

Мөн ISO 45001:2018 олон улсын стандартыг үр дүнтэй нэвтрүүлэх ажлыг Төрийн банк нь үндсэн үйл ажиллагаа болон банкны бүхий л түвшинд нэгтгэн хэрэгжүүлж, ХАБЭА-н асуудлаар ажилтнуудтай зөвлөлдөх, тэдний оролцоог дэмжих эерэг соёлыг бүрдүүлэхээр зорьж, ХАБЭА-н суурь зарчмуудаа тодорхойлоод байна.

Бид цаашид олон улсад мөрдөгдөж буй ISO стандартуудыг тухай бүрд нэвтрүүлж, зохистой хөдөлмөр эрхлэлтийг дэмжих чиглэлээр төрийн болон төрийн бус байгууллагуудад үлгэр дуурайлал болж, манлайлал үзүүлэн ажиллахаар зорьж байна.

Төрийн банкны Хөдөлмөрийн аюулгүй байдал,

эрүүл ахуйн баримтлах зарчим

Банк нь хөдөлмөрийн аюулгүй байдал эрүүл ахуйн дараах зарчмыг баримтална. Үүнд:

• Монгол Улсын ХАБЭА-н тухай хууль, тогтоомжийг мөрдөж, нийцлийг хангана.
• Банкны хэмжээнд ХАБЭА-н менежментийн тогтолцоог үе шаттайгаар нэвтрүүлэх, хэрэгжүүлэх, тасралтгүй сайжруулах замаар эрүүл, аюулгүй ажлын орчин нөхцөлийг бүрдүүлнэ.
• Хуульд заасны дагуу ажилтныхаа эрүүл мэндийг дэмжих зорилгоор урьдчилсан сэргийлэх үзлэг, шинжилгээнд хамруулах, холбогдох дэмжлэг тусламж үзүүлнэ.
• Банкны хэмжээнд ХАБЭА-н эрсдэлтэй ажлын байрыг тодорхойлж, эрсдэлийг бууруулах арга хэмжээг авч хэрэгжүүлнэ.
• Албан томилолттой холбоотой ажилтнуудын эрүүл мэнд, аюулгүй байдал, техникийн бүрэн бүтэн байдал хангасан автомашин, тоног төхөөрөмж болон бусад нөөцөөр хангана.
• Ажилтан, харилцагч ба бусад оролцогч талуудын эрүүл мэнд, аюулгүй байдалд нөлөөлж болзошгүй байгалийн гамшигт үзэгдэл, халдлага зэргээс сэргийлэх, хариу арга хэмжээг түргэн шуурхай хэрэгжүүлэх тогтолцоог бүрдүүлнэ.
• Ажилтнуудын сэтгэл зүйн эрүүл мэндийг хамгаалах чиглэлээр банк санхүүгийн салбарын олон улсын туршлагыг судалж, ажлын байрны стресс, ядаргааг бууруулах талаар мэргэжлийн байгууллагуудтай хамтарсан урт хугацааны хөтөлбөрүүдийг боловсруулж, хэрэгжүүлнэ.
• Банкны харилцагч болон бусад оролцогч талуудын зүгээс ХАБЭА-н талаар илэрхийлж буй хэрэгцээ, хүлээлтийг анхаарч, холбогдох эрсдэлээс урьдчилан сэргийлэх, эрсдэлийг бууруулах арга хэмжээ авна.
• ХАБЭА-н асуудлаар шийдвэр гаргах болон үйл ажиллагааны түвшинд ажилтнуудтай зөвлөлдөх, оролцоог хангах нөхцөл бүрдүүлж, эрүүл мэнд аюулгүй байдлын соёлыг хэвшүүлнэ.
• Монгол Улсын стандартын шаардлага хангасан эрүүл, аюулгүй ажлын орчин, нөхцөлийг бүрдүүлнэ.

            Төрийн банкны хөдөлмөрийн аюулгүй байдал, эрүүл ахуйн баримтлах зарчмыг Монгол Улсын хууль тогтоомжид нийцүүлэн боловсруулсан бөгөөд нийт ажилтан, харилцагч болон банкны үйл ажиллагаанд оролцогч талуудад хамаарна.

                                            Итгэл төгс - Ногоон ирээдүй