Л.Оюун-Эрдэнийн засагласан дөрвөн жилд бараа, бүтээгдэхүүний үнэ 157 хувь хүртэл өсчээ

        Лувсаннамсрайн Оюун-Эрдэнэ бол 1992 онд шинэ Ардчилсан Үндсэн Хууль батлагдсанаас хойш хамгийн удаан хугацаанд Ерөнхий сайдын албыг хашсан улс төрч. Тодруулбал тэрээр 2021 оны 1 сарын 27 -аас 2025 оны 6 сарын 3-ны өдрийг хүртэл уг албан тушаалыг хашсан юм.

Томилогдсоноосоо л хойш тэрээр элдэв сүржин уриа, лоозон, элдэв болсон болоогүй хөтөлбөр, санаачилга дэвшүүлж байсан ч бодит үр дүн огт гараагүй билээ. Түүний Засгийн Газрыг удирдсан дөрвөн жилд Монголын эдийн засаг бодитоор 30 орчим хувиар буурсан.

Л.Оюун-Эрдэний засаглалаас үлдсэн хамгийн аймшигтай, эмгэнэлтэй үр дүн бол инфляци. Учир нь иргэд үүнийг өдөр тутам мэдэрч байгаа. Цөөн нэр төрлийн бараа, бүтээгдэхүүнээр жишээ авч үзье. 2020 оны 9-р сард цагаан будаа 3578 төгрөг байсан бол одоо 4847 төгрөг болж 35.5 хувиар, гурил 1517 төгрөг байсан бол одоо 3347 төгрөг болж 120 хувиар, Атар талх 1294 төгрөг байсан бол одоо 2573 төгрөг болж 98.9 хувиар, үхрийн ястай мах 11750 төгрөг байсан бол одо 20793 төгрөг болж 77 хувиар, хонины ястай мах 9864 төгрөг байсан бол одоо 16830 төгрөг болж 70.6 хувиар тус тус өссөн байна. Өөрөөр хэлбэл Л.Оюун-Эрдэнийг засагласан дөрвөн жилд бараа, бүтээгдэхүүний үнэ 157 хувь хүртэл өсчээ.