Г.Дамдинням: Улсын хэмжээнд шатахуун түгээх станцуудад мэдрэгч суурилуулж хэмждэг систем тогтооно

       Нөөцийн сав улсад байж үзсэн юм билээ. Б.Пүрэвдорж гишүүнтэй санал нэг байна. Төр өөрийн эзэмшлийн нөөц сав бүрдүүлээд үүнийгээ аж ахуйн бус аргаар явахаар хулгайлуулдаг юм билээ. Шатахуун өөрөө их онцлог бүтээгдэхүүн. Ууршилт нь норм дүрмийнхээ хамгийн дээд хэмжээгээрээ ууршаад, хулгай болдог. Тэгэхээр хуулийн үр дүнд аж ахуйн нэгжүүддээ зээл олгож савны багтаамжийн тоо хэмжээг нэмэгдүүлнэ. Улсын нөөцийн тоо хэмжээг энэ хуулиар хатуу зааж өгнө. Зөрчвөл хатуу хариуцлага тооцно гэсэн зохицуулалтыг оруулж өгч байгаа.

Мөн хуульд орж буй том зохицуулалтыг дурдах ёстой. Энэ нь АИ-92 автобензиний хомсдол болж байхад аль шатахуун түгээх станцад хэр хэмжээний шатахууны нөөц байгааг бид мэдэхгүй.

Улсын хэмжээнд байгаа 1800 шатахуун түгээх станцад ямар нэгэн хэмжих багаж хэрэгсэл байхгүй. Хүн явуулж л хэмжинэ, өөр ямар ч гарц байхгүй. Тиймээс энэ хуулиар бид улсын хэмжээнд үйл ажиллагаа явуулж буй бүх шатахуун түгээх станцад мэдрэгч суурилуулж, хэмждэг систем тогтоох гэж байгаа юм. Энэ ажил 35 жил огт хийгдэж байгаагүй юм билээ.

Үнэхээр шатахуун түгээх станцууд нь шатахуун байгаа мөртлөө өгөхгүй байна уу, зохион байгуулалттайгаар хомсдолыг бий болгоод байна уу, эсвэл үнэхээр шатахуун байхгүй болоод байна уу гэдгийг бид бодитой харж чадахгүй байгаа. Тэгэхээр хувийн хэвшлүүд бүгдийг нь мэдрэгч тавьж, системтэй болох зохицуулалт хуульд орж ирж байна.