Цахим орчинд "Дотоодын цэргийн 05 дугаар ангийн хугацаат цэргийн алба хаагчид нэгнээ зодож байна" гэх дүрс бичлэг /2025:12:23/ цахим орчинд нийтлэгдсэн. Дээрх дүрс бичлэгтэй холбогдуулан Дотоодын цэргийн штабын Дотоод хяналт, аюулгүй байдлын хэлтсээс шалгалтын ажиллагааг холбогдох хууль, тогтоомжийн дагуу зохион байгуулж эхэлжээ. Үүнтэй холбоотойгоор Цагдаагийн ерөнхий газрын Дотоодын цэргийн штабаас мэдээлэл хийлээ.
Дотоодын цэргийн 05-р ангийн захирагч, хурандаа Д.Манлайбаатар: Их цочирдом зүйл боллоо. Өчигдөр 22.30 цагийн үед 05 дугаар ангийн алба хаагч дүрмийн бус үйлдэл гаргасныг иргэн цахимд тавьж, зарим сайт мэдээлэл тавьж цочирдуулсан. Үүнтэй холбоотойгоор шаардлагатай арга хэмжээнүүдийг ЦЕГ, Дотоодын цэргийн штаб авсан. ХЭҮК болон бусад байгууллагуудтай хамтран ажиллаж байна. Энэ мэдээллийг аваад Дотоодын цэргийн штабаас Хяналт, шалгалт, аюулгүй байдлын нэгжийн алба хаагчид хянан шалгаж байгаа. Түүнчлэн, хугацаат цэргийн алба хаагчдын дүрмийн бус харьцаанд үүссэн асуудлын талаар СХД-ийн цагдаагийн алба хаагчид ажиллаж байна. Энэ хүрээнд бичлэгт гарсан алба хаагчдыг Шүүх эмнэлгийн байгууллагад үзүүлсэн. Мөн тухайн цэргүүдэд эрүүл мэндийн эрсдэл үүссэн эсэхийг тогтоолгохоор Төрийн тусгай албан хаагчдын нэгдсэн эмнэлэгт шинжилгээнд хамруулж байна. Бусад алба хаагчдыг ар гэрийнхэнтэй нь холбогдуулж, гар утсаар яриулах арга хэмжээг авч байгаа. Хугацаат цэргийн алба хаагчдын аюулгүй байдлыг Хүний мэдээллийн тухай хуулийн 27 дугаар зүйлд заасны дагуу хяналт тавих цахим системүүдийг ашигладаг. Манай ангид 68 хяналтын камер ажиллаж байгаа. Үүний 62 камер нь дотогшоо чиглэсэн. Харин ариун цэврийн өрөө, усанд орох өрөө зэрэг хуулиар хязгаарласан бүсэд камер байршуулах боломжгүй. Энэ асуудал нь хугацаат цэргийн албан хаагчдын ахуйн өрөөнд буюу хувцсаа сольдог, усанд ордог, камергүй өрөөнд болсон.
Шалгах ажиллагааг үргэлжлүүлэн явуулж байна. Хэвлэл мэдээллийн байгууллагууд, иргэн энэ асуудлыг мэдээлсэнд үнэхээр талархаж байна. Цаашид ч гэсэн энэ тал дээр хамтран ажиллах боломжтой.
Эцэг хүний, ангийн захирагчийн хувьд ч ийм зүйл байж болохгүй. Байлгаж болохгүй. Энэхүү асуудалд шалгагдаж байгаа цэргүүд 2025 оны нэгдүгээр ээлжээр энэ жил татагдсан. Тэд 2025 оны нэгдүгээр ээлжээр төв орон нутгаас цэрэгт татагдсан иргэд. Дөрвөн иргэний дунд асуудал үүссэн, тэд бүгд нэг онд татагдсан цэргүүд, бүгд бага дарга нар. Урьдчилсан байдлаар Шүүх эмнэлгийн үзлэг, дүгнэлтээр хэвийн, нарийн мэргэжлийн эмчид үзүүлэх шаардлагагагүй гэж гарсан.
Бригадын Генерал Р.Чингис: Цэргийн байгууллага хүнийг хөнөөдөг газар биш. Бид бүгд үр хүүхэдтэй, ар гэртэй. Бидэнд ч асуудал тулгарвал үр хүүхдийнхээ төлөө явах л болно. Цаашид хамтраад хууль эрхзүйн бодлогоо яаж сайжруулах вэ гэдэг талаас ажиллана. Бид энэ асуудлыг зүгээр орхихгүй.
Эх сурвалж: Ганхуяг ХЭРЛЭН itoim.mn
Facebook
Twitter
Youtube
Эпштейнтэй холбогдож мэдээлэл өгдөг байсан Ерөнхийлөгч асан Х.Баттулгын зөвлөх Ч.Ганбат АНУ-ын иргэншилтэй
ЦЕГ: Салсан найз охиноо бусадтай нийлж бүлэглэн зодсон этгээд өмнө нь хэрэгт шалгагдаж байсан
Оюу толгой ХХК-ийн гүйцэтгэх захирал С.Мөнхсүх гэж хэн бэ?
Ерөнхий сайд Г.Занданшатарын нэгдээд буй Трампын “Энхийн зөвлөл” гэж юу вэ
П.Болдбаатар: "ТЭЦ-IV" дээр шинээр нэг зуух авах саналыг 2018 оноос тавьсан ч өнөөдрийг хүртэл шийдээгүй. Бид өндөр эрсдэлд байна
Зээл олгохгүй, гүйцээ!!!
Н.Энхбаяр: 126 гишүүн бүтэхгүй гэдгийг Д.Амарбаясгаланд хэлж байсан
Трампын засаг захиргаа Монгол зэрэг 75 улсын иргэдэд цагаачлалын виз олгохыг зогсоолоо.gif)
.gif)
Сэтгэгдэл бичих