Олон улсын олимпын хороо (IOC), Олимпын эв санааны нэгдэл (Olympic Solidarity)-ийн тэтгэлэгт хөтөлбөрт хамрагдан Унгар улсын спортын шинжлэх ухааны их сургууль /СШУИС/- Hungarian University of Sports Science (HUSS)-аас зохион байгуулдаг International Coaching Course (ICC) хаврын сургалтад хамрагдах боломжийг дасгалжуулагч нарын дунд нээлттэй зарласан байна.Тус хөтөлбөр нь 2026 оны 4 дүгээр сарын 8-аас 5 дугаар сарын 28-ны хооронд Унгар улсын Будапешт хотын СШУИС-д 8 долоо хоногийн хугацаатай сагсан бөмбөг, хөлбөмбөг, гандбол, газрын теннис, усан поло, чөлөөт бөх зэрэг 6 спортын төрлөөс хамрагдах боломжтой.
Иймд дээрх хөтөлбөрт тэтгэлгээр хамрагдах сонирхолтой, англи хэлний мэдлэгтэй багш дасгалжуулагчид доорх материалыг бүрдүүлэн 2026 оны 2 дугаар сарын 20-ны өдрийн дотор Монголын Үндэсний Олимпын Хороонд хандана уу.
Бүрдүүлэх материал:
• Гадаад паспортын хуулбар
• Товч намтар CV /амжилт, туршлага дэлгэрэнгүй оруулах/
• Эрүүл мэндийн магадалгаа
• Спорт холбооны тодорхойлолт, албан хүсэлт
Нэр дэвшигчдийн материалыг ОУОХ-ны Эв санааны нэгдэл болон International Coaching Course (ICC)-ийн зүгээс хянан шалгаж, сонгон шалгаруулах болно.
Хөтөлбөртэй холбоотой тодруулга, мэдээлэл авах утас: 88091170
@MNOC
Facebook
Twitter
Youtube


Улаанбаатар хотод олимпын эрхийн оноо олгох тэмцээн болно
Т.Төгсхүслэн залуучуудын олимпын наадмын хүрэл медаль хүртлээ
Монголын даамчид өсвөр, залуучуудын ДАШТ-д багаараа таван жил дараалан түрүүллээ
Хөдөлмөрийн баатар У.Сүрэнжав Азийн пара спортын наадмаас алтан медаль хүртлээ
Л.Туруунаа Азийн пара наадмын аварга боллоо
Паралимпын мөнгөн медалиас Азийн наадмын алтан медаль хүртсэн Г.Болор-Эрдэнэ
Түүхэн амжилт
Үндэсний бөхийн Алтан цомын барилдаанд долоон баг өрсөлдөнө

Сэтгэгдэл бичих