Э.Бат-Үүл Х.Нямбаатарыг Монголчуудын мөнгөөр Хятадын компаниудыг дэмжиж байна гэв

      Нийслэлийн Засаг дарга асан, Монгол Улсын Баатар Э.Бат-Үүл Нийслэлийн Засаг дарга Х.Нямбаатарын үйл ажиллагааг шүүмжилжээ.

Тодруулбал тэрээр нийгмийн сүлжээнд: "Цус нөж” ярьдаг, Хятадын эсрэг нацист солиоролоо болих хэрэгтэй! Нэн ялангуяа Монголын төр, манай зарим иргэдийн ийм солирол төрд хамаагүй гэдгийг хэлдэг байх ёстой.

Би хотын дарга байхдаа тэгэж байсан. Төр эс үйлдлээрээ нацист үг яриаг дэмжиж байгаа юм шиг хариуцлагагүй байж болохгүй. Украйны туршлага үүнийг харуулсан шүү!

Харин монголчууд бид өөрсдөө ажилгүйдэл ихтэй,дотоодын бизнес нь хумигдчихаад байгаа атлаа, яахаараа татвар төлөгчдийнхөө мөнгөөр,төсвийнхөө мөнгөөр гадны компаниуд, тэр дотроо Хятадын компануудын бизнесийг дэмжээд байгаа юм бэ гэж асууж жагсах ёстой.

Нийлж хулгай хийдэггүй л юм бол ийм тэнэг төр засаг хаана ч байдаггүй! Үндэсний хуримтлал бий болгодог гол уг сурвалжийн нэг болох том хотуудын үл хөдлөх хөрөнгийн зах зээл дээр, яахаараа Хятадын компаниудыг, татвар төлөгчдийнхөө мөнгөөр дэмжиж, дараа төлбөртэй оруулж ирээд байгаа юм бэ гэдгийг хотын дарга нараасаа асууж жагсах хэрэгтэй. Ийм тэнэг хотын захиргаа хаана ч байхгүй. Гадны хөгжсөн хотынхон бүр гайхаад байдаг юм шүү! Одоо энэ “цус нөж” ярьсан үзэшгүй муухай “антикитайский нацист” тэнэглэлээ болиод,эрүүл саруул ухаантай шаардлага тавьж, тэмцэж сурах хэрэгтэй.Татвар төлөгчдийнхөө мөнгөөр гадныхныг тэжээдгээ болихыг Засгийн газраасаа шаардах хэрэгтэй!" гэсэн байна.

Ч.Явуу