Дулааны дөрөвдүгээр цахилгаан станцад гарсан гэмтлийг өнөөдөртөө багтаан засварлаж, шугам хоолойн хэвийн ажиллагааг хангахаар инженерүүд ажилласаар байгаа аж. Үүссэн нөхцөл байдал, ачааллын талаарх мэдээллийг "ТЭЦ-IV"-ын Ерөнхий инженер П.Болдбаатараас тодрууллаа.
Тэрээр "Дулааны дөрөвдүгээр цахилгаан станц бүрэн хүчин чадлаар буюу долоон турбин, найман зуухны горимоор 73 хоног тасралтгүй ажиллаж байна. Өөрөөр хэлбэл, бид ямар ч нөөц тоноглолгүйгээр байгаа нөөцөө шавхаж ажиллаж байна гэсэн үг. Өчигдрийн үүссэн нөхцөл байдлыг тайлбарлавал, бидний ажиллуулж буй зуухны уур, ус ялгаруулах төхөөрөмжинд гэмтэл гараад байна. Зуух маань цагт 420 тонн уурыг 560 градуст 140 хавтгай даралттайгаар үйлдвэрлэдэг төхөөрөмжтэй. Энэ төхөөрөмжийн хамгийн гол хэсэг болох шугам хоолой, турбаны уур халаагч дээр гэмтэл гарсан. Үүссэн гэмтлээ засварлахаар тасралтгүй ажиллаж байна. 560 грудуст халаадаг төхөөрөмж учраас эхлээд градусыг бууруулж байж гэмтлээ тогтоох завсарлах ажил руу орно. Олон мянган шугам байгаа учраас эхлээд гэмтсэн хэсгийг тогтоож, дараа нь ямар аргаар засварлахаа ярилцаж шийддэг. Ямар ч байсан ард иргэдийг дулаан цахилгаанаар тасралтгүй хангах үүргээ урамсарлан инженер техникийн ажилчид маань аль болох эрт засварлаж дуусахаар ажиллаж байна.
"ТЭЦ-IV" бол 43 жилийн түүхтэй станц. Энэ хугацаанд зуухны бүрэн шинэчлэл огт хийгдээгүй. Бидний хэлж заншсанаар гаднах гадаргуу буюу шугам хоолойг хэсэгчилж солих засварыг хийсэн. Түүнээс бүрэн хэмжээний шинэчлэл огт хийгдээгүй. Бид өнөөдөр бэлтгэл нөөц тоноглолгүй ажиллаж байна гэдэг нь өөрөө маш том эрсдэл шүү дээ. Зүйрлэж хэлбэл, 5 тонны даацтай машин дээр 7 тонн ачаа ачаад запас дугуйгүйгээр хасах -40 хэмд хөдөө хүргэнэ гэж байгаатай адил нөхцөлд ажиллаж байна. Том, жижиг гэмтэл гарахад хэвийн горим тасалдах байнгын эрсдэл дунд байна. Бид 2020 оноос хойш турбинууд дээрээ шинэчлэл хийж, хүчин чадлаа 89 МВт-аар нэмсэн. Харин зуухан дээр огт шинэчлэл хийгээгүй. Дор хаяж нэг шинэ зуух хэрэгтэй байна. Бид өртөг, их засвараа тооцсон ТЭЗҮ-ээ өгсөн. Ойролцоогоор 90 сая ам.доллараар шинээр нэг зуух авч, 1.6 жилийн хугацаанд шинэ зуухаа ашиглалтад оруулбал бэлтгэл нөөц хангалттай болно. Энэ хөрөнгө оруулалтыг шийдэж чадвал их засвар хийх боломж нээгдэнэ.
Сая эвдэрсэн зуухыг засахын тулд зуухаа бүрэн хөрж амжаагүй байхад, +80-100 хэмийн халуунтай байхад ажилчдаа оруулж засуулж байна шүү дээ. Гал алдахгүй хурдан засварлаж, хэвийн болгохын төлөө шүү дээ. Энэ зууханд гарсан гэмтлээ заслаа гэхэд өөр тоноглол дээр дахин гэмтэл гарахыг үгүйсгэхгүй. Тиймээс нэг нөөц тоноглолтой болчихвол гэмтэл гарсан ч нөгөөхөө сэлгэж залгаад гэмтлээ засах боломжтой, мөн илүү найдвартай байдал бий болно. Түүнчлэн, жил ирэх тусам нэмэгдэж байгаа дулааны хэрэгцээг хангах нөхцөл бүрдэнэ. Нэг зуух ашиглалтад ороход л нэмэлтээр 25 мянган айл өрхийг дулаанаар, 30 гаруй мянган өрхийг цахилгаанаар хангах боломжтой болно. Ийм үр ашигтай байдал үүсэх учраас "ТЭЦ-IV" дээр нэг зуухны асуудлыг шийдээд өгөөч ээ гэж яриад байна. Энэ хүсэлтээ бид 2018 оноос тавьж, 2019 онд анхны ТЭЗҮ-ээр өртөг нь 75 сая ам.доллар байсан бол 2024 онд өгсөн шинэчилсэн ТЭЗҮ-ээр өртөг нь өссөөр 90 сая ам.доллар болсон. Тэгэхлээр энэ хөрөнгө оруулалтын асуудлыг шийдэж өгөх шаардлагатай байна" гэлээ.
Эх сурвалж: Ганболд БАТЖАРГАЛ itoim.mn
Facebook
Twitter
Youtube
Эпштейнтэй холбогдож мэдээлэл өгдөг байсан Ерөнхийлөгч асан Х.Баттулгын зөвлөх Ч.Ганбат АНУ-ын иргэншилтэй
ЦЕГ: Салсан найз охиноо бусадтай нийлж бүлэглэн зодсон этгээд өмнө нь хэрэгт шалгагдаж байсан
Оюу толгой ХХК-ийн гүйцэтгэх захирал С.Мөнхсүх гэж хэн бэ?
Ерөнхий сайд Г.Занданшатарын нэгдээд буй Трампын “Энхийн зөвлөл” гэж юу вэ
Зээл олгохгүй, гүйцээ!!!
Н.Энхбаяр: 126 гишүүн бүтэхгүй гэдгийг Д.Амарбаясгаланд хэлж байсан
Трампын засаг захиргаа Монгол зэрэг 75 улсын иргэдэд цагаачлалын виз олгохыг зогсоолоо
Ж.Батзанданг БЭТ-ийн ажлаас чөлөөлжээ.gif)
.gif)
Сэтгэгдэл бичих