Төрийн банк болон Монгол Улсын Их Сургууль хамтран стратегийн хамтын ажиллагааны Санамж бичиг үзэглэлээ. Тус ёслолын арга хэмжээ 2026 оны 3 дугаар сарын 9-ний өдөр Төрийн банкны төв байранд зохион байгуулагдсан бөгөөд Санамж бичигт Төрийн банкны Бизнес хариуцсан Гүйцэтгэх захирлын тэргүүн орлогч Д.Сугар, Монгол Улсын Их Сургуулийн Ректор Б.Очирхуяг нар гарын үсэг зурлаа.
Энэхүү хамтын ажиллагааны зорилго нь банк, боловсролын байгууллагын стратегийн түншлэлийг шинэ шатанд гаргах, харилцан мэдээлэл солилцох, бодит үр дүнтэй хамтын ажиллагааг хэрэгжүүлэхэд оршиж байгаа аж. Талууд арилжааны банк болон их дээд боловсролын байгууллагын хамтын ажиллагаа нь нийгэм, эдийн засагт олон талын ач холбогдолтой, чухал үйл явдал болохыг арга хэмжээний үеэр онцлон дурдаж байв.
Цаашид энэхүү Санамж бичгийн хүрээнд стартап, инновацид суурилсан гарааны бизнесийг дэмжих, жижиг, дунд бизнесийн санхүүжилт, сургалт, судалгаа, хүний нөөцийн хөгжлийг хамтран хэрэгжүүлэх юм. Мөн банкны зүгээс МУИС-ийн багш, ажилтан, оюутнуудад зориулсан тусгайлсан бүтээгдэхүүн, үйлчилгээг үе шаттайгаар зах зээлд нэвтрүүлэн ажиллахаар боллоо.
Банк, их сургууль харилцан хамтран ажиллах нь шинжлэх ухаан, боловсрол, судалгааны чадамжийг бэхжүүлэх, гарааны бизнес, инновацийн санаачлагыг дэмжих, хүний нөөцийн хөгжлийг өргөжүүлэх зэрэг олон давуу тал бий болгож, тогтвортой хөгжлийг нэмэгдүүлэхэд бодит хувь нэмэр оруулах юм.
Итгэл төгс-Ногоон ирээдүй
Facebook
Twitter
Youtube
Махны экспорт 85 мянган тоннд хүрчээ
Улсын хэмжээнд мал төллөлт 50.4 хувьтай үргэлжилж байна
Мөнгөө өсгөж, ногоон ирээдүйд хөрөнгө оруулах шинэ боломж нээгдлээ
“Эрдэнэс Алт Ресурс” ХХК 2025 онд уулын ажлын төлөвлөгөөгөө давуулан биелүүлж 33 хувийн ашигтай ажиллалаа
Аж үйлдвэр, эрдэс баялгийн болон эрчим хүчний салбарынхны “Нээлттэй хаалганы өдөр”-т “Эрдэнэс алт ресурс” ХХК амжилттай оролцлоо
“Эрдэнэc Монгол” нэгдлийн харьяа “Эрдэнэс Алт Ресурс” ХХК-ийн хувьцаа эзэмшигчдийн ээлжит хурал боллоо
“Эрдэнэс Таван толгой” ХК-ийн нэгж хувьцаанд олгосон ногдол ашгийн хуваарилалтад хийх гүйцэтгэлийн аудитыг эхлүүллээ
“Эрдэнэс алт ресурс” ХХК болон БНСУ-ын “Ханхва” группын удирдлагууд хамтран ажиллах талаар санал солилцлоо.gif)
.gif)
Сэтгэгдэл бичих