“FIBA 3x3 Asia Cup” тэмцээн 2026 оны дөрөвдүгээр сарын 1-5-нд Сингапур улсад зохион байгуулагдана. Азийн шилдэг багууд чуулах тус тэмцээнд Монголын эрэгтэй шигшээ баг чансаагаараа тэргүүлж, эмэгтэй баг БНХАУ-ын дараа хоёрдугаарт эрэмбэлэгдэн оролцож, медалийн төлөө өрсөлдөх өндөр хүлээлт үүсгээд байна.
Азийн 3х3 сагсан бөмбөгийн хамгийн нэр хүндтэй тэмцээн болох “FIBA 3x3 Asia Cup”-д энэ жил тивийн 45 улсаас 43 нь оролцохоор болжээ. Энэ удаагийн тэмцээн нь 2026 оны олон улсын эхний тэмцээн гэдгээрээ онцлог бөгөөд багуудын чансаа, бэлтгэлийг тодорхойлно. Тус тэмцээн анх 2013 онд Катарын Дохад болж, сүүлийн таван жил дараалан Сингапурт зохион байгуулж байна. Харин дараа жил Улаанбаатарт болохоор болсон билээ.
Монголын шигшээ багууд энэ удаад өндөр чансаатайгаар оролцож байна. Тодруулбал, эрэгтэй шигшээ баг Азийг тэргүүлж буй бол эмэгтэй шигшээ баг БНХАУ-ын дараа хоёрдугаарт бичигдэж байна. Иймд манай багуудыг тэмцээний гол өрсөлдөгчдийн нэг хэмээн шинжээчид онцолж байгаа юм. Монголын эмэгтэй шигшээ багт МУГТ О.Хулан, МУГТ Б.Ариунцэцэг, МУГТ Н.Нандинхүсэл болон өмнө нь шигшээ багийн ахлагчаар ажиллаж байсан М.Цэрэнлхам зодог тайлсан тул түүний оронд Э.Нарангоо багт нэгдсэн бол эрэгтэй шигшээ багийн дөрвөн тамирчин бүгд өөрчлөгджээ. “Сэлэнгэ бодонс” багт тоглож буй 3х3 багийн тамирчид Азийн аварга шалгаруулах тэмцээнд оролцох боломжгүй аж. Тиймээс энэ удаагийн тэмцээнд эрэгтэй шигшээ багт Г.Болор-Эрдэнэ, Э.Сугар-Очир, Н.Ганбаатар, М.Чинхутаг нар эх орноо төлөөлөн оролцоно.
Тэмцээний формат ёсоор эхний хоёр өдөр чансаанд багтаагүй 35 баг урьдчилсан шатанд өрсөлдөж, дөрөв нь үндсэн шатанд шалгарна. Улмаар эрэгтэй, эмэгтэй тус бүр 12 баг үлдсэн гурван өдөр аваргын төлөө өрсөлдөх юм.
Эрэгтэй урьчилсан шатны тоглолтын А хэсэгт Филиппин, Тайланд, Мальдив, Б хэсэгт Малайз, Саудын Араб, Туркменистан, Макао, С хэсэгт Тонга, БНСУ, Вьетнам, Д хэсэгт Казахстан, Бахрейн, Хятадын Хонконг, Энэтхэг зэрэг улсууд таарсан байна. Харин үндсэн тэмцээний тоглолтын А хэсэгт Монгол, Хятадын Тайпэй, урьдчилсан шатны А хэсгийн ялагч, Б хэсэгт БНХАУ, Австрали, урьдчилсан шатны Б хэсгийн ялагч, С хэсэгт Япон, Сингапур, урьдчилсан шатны С хэсгийн ялагч, Д хэсэгт Шинэ Зеланд, Катар, урьдчилсан шатны Д хэсгийн ялагчид тус тус өрсөлдөнө.
Эмэгтэй урьчилсан шатны тоглолтын А хэсэгт Казахстан, Вьетнам, БНСУ, Б хэсэгт Малайз, Туркменистан, Энэтхэг, С хэсэгт Хятадын Тайпэй, Саудын Араб, Хятадын Хонконг, Бахрейн, Д хэсэгт Тонга, Макао, Мальдив зэрэг улсууд таарсан байна. Харин үндсэн тэмцээний тоглолтын А хэсэгт БНХАУ, Тайланд, урьдчилсан шатны А хэсгийн ялагч, Б хэсэгт Монгол, Шинэ Зеланд, урьдчилсан шатны Б хэсгийн ялагч, С хэсэгт Япон, Сингапур, урьдчилсан шатны С хэсгийн ялагч, Д хэсэгт Австрали, Филиппин, урьдчилсан шатны Д хэсгийн ялагчид тус тус өрсөлдөнө.
Хэсгийн оноолтын хувьд Монголын эрэгтэй шигшээ баг үндсэн тэмцээний “А” хэсэгт Хятадын Тайпэй болон урьдчилсан шатнаас шалгарсан багтай учраа таарсан бол эмэгтэй шигшээ баг “В” хэсэгт Шинэ Зеланд-ын багтай нэг хэсэгт багтжээ. Монголын багуудын хувьд эхний тоглолтуудаа дөрөвдүгээр сарын 4-нд хийнэ. Эрэгтэй шигшээ баг 15:50 цагаас Хятадын Тайпэйтэй, 18:40 цагаас урьдчилсан шатнаас гарсан багтай тоглох бол эмэгтэй шигшээ баг 15:00 болон 19:30 цагуудад тоглолтоо хийх хуваарьтай байна.
Эх сурвалж: Батхуяг МӨНХЗУЛ itoim.mn
Facebook
Twitter
Youtube
П.Батчулуун: Бурхны номд ч буяны дээд буян, өглөгийн дээд өглөг бол хүнд амьдрал бэлэглэх гэдэг. Тиймээс донор болж, хүнд амьдрал бэлэглэх бол буруу зүйл биш
Төр ачаагаа иргэдэд ҮҮРҮҮЛНЭ, Б.Найдалаад НАЙДААД хэрэггүй
Ч.Лодойсамбуу: Хотын дарга сайн дураараа ажлаа өгөх ёстой
Л.Энх-Амгалан: Сумын сургуулийг 9 жилийн тогтолцоотой болгож, улсын хэмжээнд 20 их сургуультай болох шинэчлэл хийнэ
Испани 500 мянга орчим бичиг баримтгүй цагаачдад хууль ёсны статус олгохоор болжээ
Л.Оюун-Эрдэнийг эрүүгийн дөрвөн хэрэгт хэрэгт холбогдуулан шалгаж байна
“Бай”-гаа онодоггүй байрны зээл: Алдаа ба сургамж
ОХУ-д тагнуулын хэргээр саатуулагдсан Баян-Уул сумын иргэн одоог хүртэл суллагдаагүй байна
.gif)
.gif)
Сэтгэгдэл бичих