Б.Энхбаяр: Намайг огт уулзаж үзээгүй “Голомт”-ын Д.Баясгалан, Б.Нямжав, А.Амундра, Д.Сумъяабазар нараас авлига авсан гэж гүтгэсэн

      Н.Учрал Засгийн газрынхаа сайд нарын сайд буюу ЗГХЭГ-ын даргаар Б.Энхбаярыг томилох болсноо МАН-ын Удирдах зөвлөлд өнөөдөр (2026.04.03) танилцуулсан. УИХ-ын чуулганы нэгдсэн хуралдааны үеэр Б.Энхбаяр “Би их үнэ цэнээр олон үнэнийг илчилсээр ирсэн. Өнгөрсөн парламентын үед далд байсан маш олон зүйлийг ил болгож, олон ч дайсантай болсон. Л.Оюун-Эрдэнэ, түүний ах, “15 давхар”-ын дээрэмчид нийгмийн оюун санааг гүтгэлгийн хар зохиолуудаар яаж бузарлаж байсан бэ гэдгийг нотолсон өдрүүд болж өнгөрсөн. Улсын Ерөнхий сайд, манай намын дарга амьд тролл байсныг нотолсон. Намайг огт уулзаж үзээгүй “Голомт”-ын Д.Баясгалан, Б.Нямжав, А.Амундра, Д.Сумъяабазар нараас хэдэн тэрбум төгрөгийн авлига авсан гэж гүтгэхдээ “Бичлэг нь байна. Би өгч байна” гэж хэлсэн. Л.Оюун-Эрдэнэ юу ч өгөөгүй. Зохиолуудаа үргэлжлүүлсээр байгаа. Л.Оюун-Эрдэнэ хуулийн байгууллагад ямар ч нотлох баримт өгөөгүй. Яах гэж ингэсэн бэ гэдэг нь өнөөдөр харагдаж байгаа. Б.Энхбаярыг Хууль зүй, дотоод хэргийн сайдаас буулгачихвал амьд гарах гэж байгаа юм шиг өөрт нь санагдаж байгаа. Сүлд нь зайлчихсан. АН-ынхан үүнд нь битгий туслаасай гэж бодож байна” гэв.  

Ж.Энх