Г.Занданшатар тэрбумтан Вадим Розенштэйний урилгаар дэлхийн шатрын хаан Магнус Карлсентай нэг багт тоглоно

    Дэлхийд нэр хүндтэй Стэнфордын их сургуульд лекц уншиж, өрнө, дорнын эрдэмтэдтэй ном хаялцаж явсан Г.Занданшатар Сингапурт саяхан болсон Азийн шатрын лидерүүдийн чуулган дээр "Засаглал ба шатар" илтгэл тавьсан. Энэхүү арга хэмжээний үеэр Германы тэрбумтан, дэлхийн хошой аварга багийн ахлагч Вадим Розенштэйн түүнд хамтдаа шатар нүүх санал тавьж, ширүүхэн өрсөлдсөний эцэст Монгол шатарчин Г.Занданшатар түүнийг хожжээ. Дэлхийн шатрын лидер, Германы тэрбумтан Вадим Розенштэйн үүний дараа Г.Занданшатарт Дэлхийн багийн аварга шалгаруулах тэмцээнд өөрийнхөө багт тоглохыг албан ёсоор урьсан тухай мэдээлэл олны анхаарлыг татаж байна. Монголын Шатрын холбооны ерөнхийлөгч Г.Занданшатар урилгыг хүлээн авч, дэлхийн шатрын хаан Магнус Карлсентай нэг багт тоглохоор болсон нь шатрын ертөнцөд шинэ содон мэдээлэл болон түгж байна. Магнус Карлсен 13 настайдаа домогт шатарчин Гарри Каспаровыг хожиж дуулиан тарьж байсан түүхтэй. Вадим Розенштэйний ахалдаг дэлхийн хошой аварга багт Ерөнхий сайд асан Г.Занданшатар урилгаар тоглож, дэлхийн шатрын хаан Магнус Карлсентай нэг баг болон шатрын нүүдэл хийж дэлхийн шатрын хаадтай оюун ухаанаа сорих Дэлхийн багийн аварга шалгаруулах тэмцээн 2026 оны зургадугаар сарын 17-21-нд Хонконгод Хатан хаан Элизабетийн цэнгэлдэх хүрээлэнд болох аж.

Ж.Энх