Сэрэмжлүүлэг

       Харилцагч Та банкны албан ёсны вэб сайт болон сошиал хуудас мөн эсэхийг нягталж, бодит эх сурвалжаас мэдээллийг авна уу.

Таныг төөрөгдүүлсэн, залилах шинжтэй хуурамч мэдээллийг ялгаж, цахим залиланд өртөх эрсдэлээс сэргийлэхийг анхааруулж байна

Банкны нэр, логог ашиглан хувийн мэдээлэлд халдах байдлаар судалгаа авах мессеж илгээх, зээл, урамшуулал, азаа үзэхийг санал болгож буй залилан хийх оролдлого нэмэгдэж байна. Мөн түүнчлэн банкны аппликейшн, интернэт банк, вэб сайтыг хуурамчаар үйлдэн харилцагчдыг төөрөгдүүлэх, залилах үйлдэл тасрахгүй байна.

Банкны зүгээс харилцагчийн нэвтрэх нэр, нууц үг, нэг удаагийн баталгаажуулах кодыг асуудаггүй, линкээр нэвтрэхийг шаарддаггүй, санал болгодоггүй ба энэ мэт үйлдлийг хийдэггүйг анхаарна уу!!!

Иймд харилцагч та бүхэн нийгмийн сүлжээн дэх хаягуудын хуурамч эсэхийг сайтар нягталж, сэрэмжилнэ үү

Хэрэв та "азаа үзээрэй", "ок, за гэж бичээд мөнгө хожоорой" гэх болон "судалгаанд оролцохын тулд линк дээр дарна уу", эсвэл "таны мэдээллийг шалгаж байна холбоос линк дээр дарна уу" гэх мэт сэжигтэй пост, нийтлэл харсан, мессеж хүлээн авсан бол

Тухайн хуудас болон постыг report хийх;

Холбоос линк дээр дарахгүй байх;

Интернэт банкны нэвтрэх нэр, нууц үгээ дамжуулахгүй байх;

Хэрэв дамжуулсан бол нууц үгээ цаг алдалгүй солих; үйлчилгээг хүчингүй болгох;

Гэр бүл, ойр дотнын хүмүүстээ сэрэмжлүүлэх зэрэг арга хэмжээ авна уу.

Фишинг халдлагыг таних, түүнээс сэргийлэх талаар дэлгэрэнгүй зөвлөмж

https://www.statebank.mn/personal/news/33791