АНУ-ын засаг захиргаа Ерөнхийлөгч Дональд Трампын хөрөгтэй 250 долларын шинэ дэвсгэрт хэвлүүлэхээр бэлдэж эхэлжээ. Хэдийгээр холбооны хуулиар америк долларын дэвсгэрт дээр амьд сэрүүн байгаа хүний хөрөг хэвлэхийг хориглодог ч Конгресс дэх Трампын холбоотнууд үүнийг зөвшөөрөх хуулийн төсөл өргөн барьсан аж. Хэрвээ хууль тогтоогчдын олонх нь үүнийг дэмжвэл АНУ-ын түүхэнд анх удаагаа долларын дэвсгэрт дээр амьд сэрүүн байгаа хүн, одоо албан тушаал хашиж буй Ерөнхийлөгчийн хөргийг залсан тохиолдол болно.
Энэ онд АНУ үүсгэн байгуулагдсаны 250 жилийн ойн хүрээг бэлэгдэж 250 долларын шинэ дэвсгэртийг гаргахаар төлөвлөжээ. Шинэ $250-ын дэвсгэртийн загвар хараахан олон нийтэд ил болоогүй байгаа.
Трамп Ерөнхийлөгчийн бүрэн эрхийнхээ хугацааг дуусахаас өмнө АНУ-ын бүх зүйл дээр өөрийнхөө ул мөрийг үлдээхээр оролдож байна. Сүүлийн нэг жил гаруй хугацаанд Трамп нэрээ Вашингтон дахь Кеннедийн төв зэрэг түүхэн барилга байгууламжууд дээр бичүүлж, АНУ-ын шинэ паспортын хуудсанд хөрөг зургаа хэвлүүлсэн. Мөн Трамп АНУ-ын шинээр хэвлэгдэх мөнгөн дэвсгэртүүд дээр Сангийн сайд Скотт Бессентийн гарын үсгийн хажууд өөрийн гарын үсгээ хэвлүүлэхээр болсон юм. Тэгвэл одоо Трамп АНУ-ын үүсгэн байгуулагдсан 250 жилийн ойн хүрээнд гаргах шинэ $250-ын дэвсгэрт дээр хөрөг зургаа хэвлүүлэхээр төлөвлөж байна.
АНУ-ын Сангийн сайд Скотт Бессент өчигдөр шинэ дэвсгэртийн тухай Вашингтон Пост сонинд анх гарсан Трампын хөрөгтэй төсөөллийн загвар бүхий мэдээний эхийг харуулжээ.
Одоогоор АНУ-ыг үндэслэгчдийн нэг Бенжамин Фрэнклиний хөрөгтэй $100-ын дэвсгэрт АНУ-ын хамгийн том мөнгөн дэвсгэрт болдог. АНУ өмнө нь $500, $1,000, $,10,000-ын дэвсгэртүүд хэвлэж байсан ч 1969 оноос хэвлэхээ зогсоож байв. Одоо эдгээр мөнгөн дэвсгэрт нь хууль ёсны төлбөрийн хэрэгсэл хэвээр байгаа хэдий ч ихэвчлэн хувийн цуглуулгад хадгалагддаг.
Шинэ мөнгөн дэвсгэртүүдийг боловсруулахад олон жилийн хугацаа шаардагддаг. Тиймээс долдугаар сарын 4-ний өдөр тохиох АНУ-ын үүсгэн байгуулагдсаны 250 жилийн ойд зориулсан 250$-ын шинэ мөнгөн дэвсгэрт богино хугацаанд хэвлэгдэх боломжтой эсэх нь тодорхойгүй байна.
Facebook
Twitter
Youtube
Хүн дүрст роботын дэлхийн спортын II наадам эхэлжээ
Балбад хэдэн зуун жуулчин сураггүй алга болжээ
Америкийн визийн барьцааг 20 мянган доллар болгон нэмэгдүүлжээ
Д.Трамп: Ормузын хоолойд хөлөг онгоц руу халдвал Ираны гүүрнүүдийг бөмбөгдөнө
Эль-Ниньо үзэгдэл маш хүчтэй болох төлөвтэй байгааг анхааруулжээ
Саудын Араб Азийн зах зээлд нийлүүлэх газрын тосны үнийг огцом бууруулжээ
И Жэ Мён НАТО-гийн уулзалтад оролцсоныхоо дараа Монгол Улсад айлчилна
ДАШТ-ий бүх тоглолтыг үзсэнийхээ төлөө 50 000 ам.долларын цалин авч буй хөгжөөн дэмжигчид
Сэтгэгдэл бичих