Д.Сүхбаатарын талбайд 1000 шатарчны нээлттэй тэмцээн болж байна

      Шатрын спортыг хөгжүүлэх, түгээн дэлгэрүүлэх, шатарчдын ур чадварыг дээшлүүлж, хүүхэд залууст спортын ач холбогдлыг уриалах зорилготой “Нэг монгол-нэг нүүдэл” 1000 шатарчны нээлттэй тэмцээн Д.Сүхбаатарын талбайн асарт хоёр дахь жилдээ боллоо. 

Нийслэлийн Засаг даргын Тамгын газар, Монголын шатрын холбоо, Нийслэлийн шатрын холбоотой хамтран зохион байгуулсан тус тэмцээний нээлтэд Монголын шатрын холбооны ерөнхийлөгч Г.Занданшатар, Дэлхийн шатрын холбооны ерөнхийлөгч Аркадий Дворкович тэргүүтэй төлөөлөгчид оролцож тамирчдад амжилт хүсэж, урмын үгээр мялаав.

Энэ тэмцээн 7-8, 9-10, 11-12, 13-14, 15-16, 17-18 нас болон насанд хүрэгчдийн эрэгтэй, эмэгтэй гэсэн найман ангилалд өрсөлдөж байна. Шатарчид блиц төрлөөр есөн өрөг тоглож аваргуудаа тодруулах тэмцээний медальтнуудыг өргөмжлөл, мөнгөн шагналаар урамшуулах ажээ.