ХЭҮК: Мэдээндээ албан тушаалтны зураг ашигласан нь хүний эрхийн зөрчил гэж үзсэн С.Ганзоригийг төрийн албанаас хална ~ Analiz.mn

“Цемент шохой” компанийн Стратеги төлөвлөлт, бизнес хөгжлийн газрын дарга Н.Ганхуяг зургийг нь зөвшөөрөлгүй олон нийтэд нийтлэн тараасан гэх асуудлаар Хүний эрхийн Үндэсний комисст гаргасан гомдлыг хууль, журмын дагуу шалгах ажиллагаа явуулсан эсэхэд дотоод хяналт, шалгалт хийж дүгнэлт гаргажээ. Дүгнэлтийн талаар танилцуулж хэвлэлийн хурал хийлээ.

5 хүний бүрэлдэхүүнтэй ажлын хэсэг байгуулж, ХЭҮК-ийн Хүний хувийн мэдээлэл хамгаалах хэлтсийн даргын албан үүргийг түр орлон гүйцэтгэгч С.Ганзоригийн гаргасан дүгнэлтэд шалгалт хийсэн байна.

Дүгнэлтэд:

Н.Ганхуягаас ирүүлсэн гомдолд хяналт тавьж ажилласан Хүний хувийн мэдээлэл хамгаалах хэлтсийн дарга С.Ганзориг комиссын гишүүнээс өгсөн үүрэг чиглэлийн дагуу ажиллаагүй, холбогдох хууль журмыг зөрчсөн болох нь тогтоогдож байна. Гомдол мэдээлэл нь эрүү, зөрчлийн шинжтэй гэж үзвэл холбогдох байгууллага албан тушаалтад шилжүүлэх нь комиссын гишүүний бүрэн эрх байдаг.

Хүний хувийн мэдээлэл авах газрын дарга С.Ганзориг комиссийн гишүүн Г.Нарантуяас өгсөн чиглэлийг зөрчиж, танилцуулаагүй Сүхбаатар дүүргийн цагдаагийн нэгдүгээрт хэлтэст шилжүүлсэн байна.

Н.Ганхуягаас ирүүлсэн гомдлыг тал бүрээс нягталж, хянаагүй. Түүний ажил алба нийтийн албанд харьяалагдана. Тиймээс Хүний хувийн мэдээлэл авах газрын дарга С.Ганзоригийг хариуцсан ажил үүрэгтээ хариуцлагагүй хандсан гэж үзэн сахилгын шийтгэл оногдуулах саналыг Тамгын дарга ирүүлсэн. Ингээд сахилгын шийтгэл буюу төрийн албанаас халах сонсох ажиллагаа хийж байна.

Эх сурвалж: Пүрэвдагва БУЛГАН itoim.mn

ХЭҮК: Мэдээндээ албан тушаалтны зураг ашигласан нь хүний эрхийн зөрчил гэж үзсэн С.Ганзоригийг төрийн албанаас хална

Сэтгэгдэл бичих

Шинэ мэдээ

ХЭҮК: Мэдээндээ албан тушаалтны зураг ашигласан нь хүний эрхийн зөрчил гэж үзсэн С.Ганзоригийг төрийн албанаас хална

Санал болгох

Сэтгэгдэл бичих

Шинэ мэдээ