Магнус Карлсен, Г.Занданшатар нарын WR CHESS баг эхний өрөгтөө ялалт байгууллаа

     Дэлхийн багийн аварга шалгаруулах шатрын тэмцээн Хонконгод болж байна. Энэхүү тэмцээнд Ерөнхий сайд асан Г.Занданшатар Германы тэрбумтан, WR CHESS багийн эзэн Вадим Розенштэйний урилгаар тус багт тоглож байна. Дэлхийн шатрын хаан гэгддэг Магнус Карлсен, Ерөнхий сайд асан Г.Занданшатар нарын бүрэлдэхүүнтэй WR CHESS баг эхний өрөгтөө хожсон тухай мэдээ шатрын ертөнцийнхний анхаарлыг татаж байна.

Тодруулбал, блиц, рапидын багийн Дэлхийн аварга шалгаруулах тэмцээний эхний өрөгт дэлхийн чансааг тэргүүлэгч WR CHESS баг Испанийн Duobeniajan Costa Calida Esj багийг нэг ч хожигдолгүйгээр буулган авлаа. Дэлхийн шилдэг шатарчдын нэг Уэсли Со нэгдүгээр ширээнд, Монголын шатрын холбооны Ерөнхийлөгч Г.Занданшатар зургадугаар ширээнд багийн оноогоо баттай хамгаалж, бусад ширээнд багийн нөхөд нь ялалт байгуулснаар WR CHESS эхний өргийг амжилттай давлаа.

Ж.Энх