Саудын Араб Азийн зах зээлд нийлүүлэх газрын тосны үнийг огцом бууруулжээ

      ЭР-РИЯД, 2026 оны долоодугаар сарын 7 /TASS/. Саудын Арабын үндэсний газрын тосны "Saudi Aramco" компани наймдугаар сард Азийн худалдан авагчдад нийлүүлэх газрын тосныхоо борлуулалтын үнийг огцом бууруулснаа мэдэгджээ. 

"Bloomberg" агентлагийн мэдээлснээр, энэ нь тус компанийн хувьд сүүлийн 25 жилийн хугацаанд үнээ хамгийн их хувиар бууруулсан шийдвэр болж байна. Тодруулбал, Азийн зах зээлд нийлүүлэх "Arab Light" маркийн газрын тосны үнийг нэг баррелийг нь 1.1 ам.доллароор бууруулсан нь бүс нутгийн жишиг үнээс 1.5 ам.доллароор доогуур байна. 

Энэхүү шийдвэр нь зах зээлийн шинжээчдийн таамаглаж байснаас хамаагүй өндөр хувиар тогтоогдсон байна. Учир нь түүхий эдийн арилжаачид үнийг нэг баррель тутамд дунджаар 8 ам.доллароор буурна хэмээн таамаглаж байжээ.

Үүнээс өмнө Саудын Араб улс Ормузын хоолойгоор сүүлийн дөрвөн сарын хугацаан дахь хамгийн их хэмжээний газрын тосыг тээвэрлэсэн тухай "Bloomberg" агентлаг далайн тээврийн хөдөлгөөнийг хянах үйлчилгээний мэдээллээс эш татан уламжилж байсан юм.

Ташрамд дурдахад, Казахстан, Саудын Араб, Орос, Ирак, Кувейт, Алжир, Оман улсууд ирэх наймдугаар сараас эхлэн газрын тосны олборлолтоо хоногт 188 мянган баррелиар нэмэгдүүлэхээр тохиролцжээ.