Монгол Улсын Их Хурлын гишүүн, Олон улсын парламентын холбоо (ОУПХ)-ны Парламентчдын хүний эрхийн хорооны ерөнхийлөгч О.Номинчимэг, Монгол Улсын Их Хурлын гишүүн Б.Уянга нар Бүгд Найрамдах Нэгдсэн Танзани Улсын Аруша хотноо 2026 оны 10 дугаар сарын 5-наас 9-ний өдрүүдэд зохион байгуулагдсан ОУПХ-ны Ассамблейн 153 дугаар чуулганд оролцлоо.
“Бүгдэд тэгш боломж олгох, итгэлцэл болон хүртээмжтэй байдлыг хангах замаар сайн засаглалыг бэхжүүлж, олон нийтийн чадавхыг нэмэгдүүлэх нь” гэсэн Ерөнхий хэлэлцүүлгийн сэдвийн дор чуулсан энэхүү арга хэмжээ 2026 оны 10 дугаар сарын 5-ны өдөр Аруша хотын олон улсын хурлын төвд албан ёсоор нээлтээ хийж парламентын ардчилал, сайн засаглал, хүний эрх, иргэдийн оролцоо, нийгмийн хүртээмжтэй байдлыг бэхжүүлэх асуудлаар санал бодол, туршлагаа солилцох боломжийг дэлхийн 130 улсын 700 гаруй парламентын гишүүдэд олголоо.

ОУПХ-ны Ассамблейн чуулган нь улс орнуудын парламент хоорондын хамтын ажиллагааг өргөжүүлэх, олон улсын тулгамдсан асуудлаар харилцан ойлголцлыг бэхжүүлэх, ардчилсан засаглал, тогтвортой хөгжлийг дэмжихэд парламентын гүйцэтгэх үүрэг, оролцоог нэмэгдүүлэх чухал индэр байсаар ирсэн.
Монгол Улсын Их Хурлын гишүүн О.Номинчимэг чуулганы үеэр өөрийн удирддаг (ОУПХ)-ны Парламенчдын хүний эрхийн хорооны хуралдаан удирдан, улмаар Холбооны Гүйцэтгэх хороонд тайлагнасан бол Монгол Улсын Их Хурлын гишүүн Б.Уянга Ашигт малтмалын сэдвээрх салбар хэлэлцүүлэгт үндсэн илтгэгчээр уригдан оролцов.
Гадаад хамтын ажиллагааны газар
Facebook
Twitter
Youtube


УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа
Ерөнхийлөгчийн чөлөөлөгдөх хүсэлтийг 5 хоногийн дотор хэлэлцэнэ
Шүүхийн шийдвэр гүйцэтгэх, прокурорын байгууллагын дотоод журмуудад хүний эрхийн үүднээс дүн шинжилгээ хийж танилцуулах чиглэл өгөв
“Чингис хаан” цомын төлөөх барилдаанд Улсын гарьд М.Лхагвагэрэл түрүүллээ
Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа
Г.Тэмүүлэн: Шүгэл үлээгчийг хамгаалах тогтолцоог бүрдүүлж, амь нас, эрүүл мэндэд халдсан, эсхүл халдах эрсдэл үүссэн бол нэн даруй хамгаалалтад авна
Улсын Их Хурал энэ долоо хоногт: 2026.11.02-11.06
“Сугалаагүй цэцэрлэг” бодлогын дүнд хүүхдийн хамран сургалт 96 хувьд хүрчээ

Сэтгэгдэл бичих