Эрчим хүчний зохицуулах хороо (ЭХЗХ) гэр хорооллын айл өрхүүдийн шөнийн цахилгааны тарифын хөнгөлөлттэй холбоотой шийдвэрээ өөрчилж, 380В-ын хүчдэлийн сүлжээнд холбогдсон өрхийн хөнгөлөлт эдлэх хэрэглээний дээд хэмжээг сард 3000 кВт.ц болгон нэмэгдүүлжээ.
Тус хороо 2026-2027 оны өвлийн улиралд 220В болон 380В-ын хүчдэлийн сүлжээнд холбогдсон айл өрхүүдэд ижил нөхцөлөөр буюу сард 1500 кВт.ц хүртэлх цахилгааны хэрэглээнд 100 хувийн хөнгөлөлт үзүүлэхээр шийдвэрлээд байсан юм.
Ингэснээр өмнөх өвөл сард 3000 кВт.ц хүртэлх хэрэглээгээ хөнгөлүүлдэг байсан 380В-ын хэрэглэгчдийн хөнгөлөлтийн дээд хэмжээ хоёр дахин буурсан нь иргэдийн шүүмжлэлтэй тулгарсан.
ЭХЗХ уг шийдвэрийнхээ үндэслэлийг тайлбарлахдаа 380В-ын сүлжээнд холбогдох хүсэлт эрс нэмэгдсэн, эрчим хүчний эх үүсвэр болон түгээх сүлжээний хүчин чадал хүрэлцэхгүй байгаа, мөн хүчдэлийн түвшнээр ялгаатай хөнгөлөлт үзүүлэх нь эрх зүйн зарчимд нийцэхгүй гэж мэдэгдсэн. Түүнчлэн гэр хорооллын цахилгааны тарифын хөнгөлөлтөд 2026 онд нийт 89 тэрбум төгрөг шаардлагатайгаас 70 тэрбумыг улсын төсвөөс санхүүжүүлж, үлдсэн 19 тэрбум төгрөгийн санхүүжилтийн эх үүсвэр тодорхойгүй байгааг дурдсан юм. Мөн шөнийн цахилгааны хэрэглээ нь сард 1500 кВт.ц-аас давдаг өрх нийт хөнгөлөлтөд хамрагддаг 289.6 мянган өрхийн 2.6 хувийг эзэлдэг гэж мэдээлж байв.
Харин ийнхүү шийдвэрээ өөрчилснөөр 380В-ын хүчдэлийн сүлжээнд холбогдсон өрхүүд өмнөх өвлийн адил сард 3000 кВт.ц хүртэлх шөнийн хэрэглээндээ хөнгөлөлт эдлэх боломжтой болж байна. Шөнийн цахилгааны тарифын хөнгөлөлт жил бүрийн арваннэгдүгээр сарын 1-нээс гуравдугаар сарын 31-нийг дуустал, оройн 21:00 цагаас өглөөний 09:00 цагийн хооронд үйлчилдэг.

Facebook
Twitter
Youtube


Монгол Улсын хэлэлцээний баг COP31-ийн бэлтгэл хуралдаанд оролцлоо
ГЕГ: 2026 оны эхний 10 сард 756.4 мян.тн автобензин импортолсон нь өмнөх оны мөн үеэс 11.5 хувиар өсчээ
Санхүүгийн хүндрэлд орсон зээлдэгчийн хэрэглээний зээлийг 48 хүртэлх сараар сунгана
Дорноговь аймгийн Улаанбадрах сумын төвөөс Зөөвч-Овоо чиглэлийн 60 км авто замын барилгын ажил эхэллээ
Төрийн банк “Төрийн Орон Сууцны Корпораци“ ТӨХХК-тай хамтран ажиллах санамж бичиг байгууллаа
Монгол Улс хулан хамгаалах туршлагаа дэлхийд танилцууллаа
Монгол Улс цоохор ирвэсийн хамгаалал, судалгааны ажлаа дэлхий нийтэд таницууллаа
Төрийн банк “Бодь Цогт Групп” ХХК-тай хамтран ногоон санхүүжилтийг дэмжинэ

Сэтгэгдэл бичих