УИХ-ын гишүүн Ч.Лодойсамбуу "АТГ-ын дарга З.Дашдаваад "АТГ-ын нэг мөрдөгч мансууруулах эм, сэтгэцэд нөлөөт бодистой холбоотой гэмт хэрэгт, өөр нэг мөрдөгч авлигын гэмт хэрэгт тус тус холбогдон шалгагдаж байгаа нь үнэн үү" гэсэн утгатай албан бичгийг илгээсэн. Хариуд нь АТГ-аас "Маш нууц" гэсэн тамгатай бичиг ирсэн учраас ярьж болдоггүй" гэж өнгөрсөн баасан гарагт (2026.11.20) сошиал сүлжээнд мэдээлсэн.
Харин ТЕГ-ын дарга асан Б.Хурц "Сэхээтэн" подкастад ярилцлага өгөх үеэрээ маш ноцтой мэдээллийг өглөө.
Тэрбээр "Хоёр сарын өмнө юм уу... "АТГ-ын комиссарууд хар тамхины хэрэгт холбогдсон байна" гэдэг мэдээ ирсэн. Авлигатай тэмцэх ёстой улсууд шүү дээ. Хариуцлага, сахилга бат! "Хилийн цэргийн генерал, БХЯ-ны хурандаа нарыг шүүх, прокурор, цагдаад ажиллуул" гэж би яагаад яриад байна вэ гэвэл, нэг хэсэгтээ ингэсэн нь зөвдөнө. Хурдан сэлгээ хийгээд... Хилээ сахисан генерал, хурандаа нар ийм хогийн юманд оролцохгүй. Ийм хэрэг хийхгүй. Ерөнхий шүүгчээр тавьсан ч яадаг юм. Ард түмэн шударга ёс, сахилга бат, хариуцлагаар ангаж байна. Намайг ингэж ярихаар "Дэглэм тогтоох гэж байна" гэх байх. Үгүй. Бид өнөөдөр хариуцлага ярих хэрэгтэй. Тэгэхийн тулд эх орондоо тангараг өргөсөн аавын хөвгүүдийг тодорхой хугацаанд томилж ажиллуулах нь зөв" гэв. Тэрбээр "Манайх шиг хүн ам цөөтэй, ийм жижигхэн улсад хар тамхи, авлигатай тэмцэхэд 6-18 сар хангалттай. Маш амархан. Дахиад хууль. Цагдаагийнхан "Хар тамхитай тэмцээд байна" л гэдэг. Хар тамхины хэрэг нь байгаад л байна. Шүүх дээр очиж байгаа хэрэг нь нэмэгдээд л байдаг. Яаж тэмцээд байгаа юм бэ. Би их энгийн юм хэлээд байна. Хар тамхи зарсан хүн 8-10 жилийн ял авлаа. Эдэнтэй орооцолдсон хууль хяналтынхны бүх хөрөнгийг хураагаад 20 жилийн ял өгчих хэрэгтэй. Хэрэглэгч бол өвчтөн. Архи уугаад шартсан хүнтэй адилхан. Тийм учраас Өршөөлийн хууль гаргаад энэ залуусын намтраас Эрүүгийн хуулиар ял эдэлж байсныг нь үгүй болгох хэрэгтэй. Бидний буруугаас л залуус хар тамхины хэрэгт орооцолдож байна. Улс орныг буруу удирдсанаас болж байна. Өршөөлийн хуулиар залуусыг чөлөөлөөд хар тамхитай хутгалдсан цагдаа, прокурор, шүүхийнхэнд "Зайл" гэсэн хууль гаргаад тэр дор нь хэрэгжүүлэх хэрэгтэй. Хар тамхины хэрэгт хутгалдсан хууль хүчнийхний мини группууд байна" гэлээ.
Ж.Энх
Facebook
Twitter
Youtube


Нотариатын тухай хуульд нэмэлт, өөрчлөлт оруулах тухай хуулийн төслийг өргөн мэдүүлэв
“Нээлттэй парламент” өдөрлөгийг МУИС-д зохион байгууллаа
Хуулийн болон УИХ-ын тогтоолын төслүүд, Санхүүгийн зохицуулах хорооны даргыг үүрэгт ажлаас чөлөөлөх асуудлыг хэлэлцлээ
Монгол Улсын Ерөнхийлөгч У.Хүрэлсүхийг хүндэтгэн үдэх ёслол болж байна
Оюутолгойн ногдол ашгаас иргэн бүрд 857 000 төгрөг олгох асуудлыг судлах ажлын хэсэг байгууллаа
ЭЗБХ: Санхүүгийн зохицуулах хорооны гишүүнд нэр дэвших хүсэлтийг энэ сарын 23-ны өдрийн 10 цаг хүртэл хүлээн авна
“Нээлттэй парламент” шинэчлэлийг оюутан, залуус дэмжиж байна
Монгол Улс цахим засаглалийн индексээр дэлхийд 42, Азид 15 дугаар байрт орлоо

Сэтгэгдэл бичих