Нийгмийн халамжийн үйлчилгээг цахимжуулах ажлын хүрээнд Азийн хөгжлийн банкны санхүүжилтээр “Төрөлжсөн асрамжийн газрын цахим систем”-ийн хөгжүүлэлтийг хийж 05 дугаар сарын 01-ны өдрөөс ашиглалтад нэвтрүүлэх юм.
Үүнтэй холбогдуулан асрамжийн газруудын албан хаагчдад зориулсан чадавхжуулах сургалтыг 2024 оны 04 дүгээр сарын 26-ны өдөр зохион байгууллаа.
Сургалтын үйл ажиллагааг нээж Хөдөлмөр, нийгмийн хамгааллын яамны НХБХЗГ-ын дарга Б.Ундрал “Куантум партнерс” ХХК- д талархал илэрхийлэн оролцогчдод амжилт хүслээ.
Энэхүү asramj.ehalamj.mn систем нь асрамжийн газруудын танилцуулга, статистик мэдээ, үйл ажиллагааны тайлан, санхүүгийн тайлан, үйлчлүүлэгчдийн зардлын нормативын тайлан, тэтгэврийн 30 хувийн зарцуулалтын тайлан, худалдан авах ажиллагааны тайлан, иргэн, аж ахуй нэгж, байгууллагын өгсөн хандив тусламжийн тайлан, магадлан итгэмжлэлийн үйл ажиллагаа зэргээс бүрдсэн болно.
Сургалтад хамрагдсан 12 асрамжийн газрын 40 орчим албан хаагчдад систем ашиглах, дата мэдээлэл оруулах, тайлан гаргах талаар зааж, сертификат гардуулав.
Сэтгэгдэл бичих