Хүүхэд хамгааллын тухай хуулын шинэчилсэн найруулгыг сурталчлан таниулах нөлөөллийн ажлыг Сонгинохайрхан дүүрэгт зохион байгууллаа

       Хүүхдийн өмнө үүрэг хүлээгчид болон иргэд олон нийтэд Хүүхэд хамгааллын тухай хуулийн шинэчилсэн найруулгын талаарх нэгдсэн ойлголт, мэдээлэл өгч, хуулийн хэрэгжилтийн бэлтгэл ажлыг хангах уулзалтыг Сонгинохайрхан дүүрэгт зохион байгууллаа.

Уулзалтад Улсын их хурлын гишүүн, Нийгмийн бодлого байнгын хороон дарга П.Анужин,

Улсын их хурлын гишүүн Б.Жаргалмаа, Хөдөлмөр нийгмийн хамгааллын яамны Гэр бүлийн бодлогын хэрэгжилтийн газрын дарга Н.Баярмаа, Сонгинохайрхан дүүргийн Засаг даргын орлогч Д.Ундармаа болон дүүргийн Хүүхдийн төлөө зөвлөлийн гишүүд, Хүүхдийн эрхийн хууль зүйн хорооны гишүүд, хороодын Засаг дарга, сургуулийн Захирал, цэцэрлэгийн Эрхлэгч, дүүргийн Цагдаагийн газрын хүүхэд, гэр бүл, урьдчилан сэргийлэх асуудал хариуцсан албан хаагчид, Хүүхдийн өөрөө удирдах байгууллагын төлөөлөл гишүүд, дүүргийн иргэд олон нийт 250 хүнд танхимаар, хороодын нийгмийн ажилтан, эрүүл мэндийн нийгмийн ажилтан, халамжийн мэргэжилтэн, хэсгийн байцаагч, сургуулийн нийгмийн ажилтан нар нийт 120 иргэнд цахимаар нийт 370 хүн оролцлоо.

Хүүхэд хамгааллын тухай хуулийн шинэчилсэн найруулгыг Хөдөлмөр нийгмийн хамгааллын яамны Гэр бүлийн бодлогын хэрэгжилтийн газрын дарга Н.Баярмаа танилцуулж, оролцогчдын сонирхсон асуултад хариулт өгч, санал солилцлоо.