​Ж.Ганбат: 'Бодь Интернэшнл' нүүрсний гэрээгээ өөрчлөхгүй гэдгээ мэдэгдсэн. Бид дахиад хүсэлт тавина


1-р сарын 3
1 цаг 14 минут

“Эрдэнэс-Тавантолгой”-д онцгой дэглэм тогтоохоос өмнө сард дунджаар 0.7 сая тонн нүүрс тээвэрлэж байсан байна. Харин аравдугаар сарын 26-нд тус компанид онцгой дэглэм тогтоож, БЭТ томилсны дараа сард 2.5 сая тонн нүүрс тээвэрлэж, өнгөрсөн арваннэг, арванхоёрдугаар сард нийтдээ таван сая тонн нүүрс тээвэрлэж, улсын валютын нөөцийг 500 сая орчим ам.доллараар нэмэгдүүлжээ. Өнгөрсөн хоёр сард нийтдээ 4.2 сая нүүрс олборлож, таван сая нүүрсийг уурхайн амнаас ачуулж, 3.9 сая нүүрсийг Цагаан хадаас Гашуунсухайт боомтоор гаргаж, Монголбанкинд 410 сая ам.долларыг бэлнээр тушаасан байна. 2023 оноос "Эрдэнэс-Тавантолгой" компани тээвэрлэлтийг илүү боловсронгуй болгож, нүүрсээ зөвхөн хил нөхцөлөөр зарж эхлэх юм байна. 

“Эрдэнэс Тавантолгой” ХК-ийн Бүрэн эрхт төлөөлөгч/БЭТ/ Ж.Ганбатаас цаг үеийн зарим асуултад хариулт авлаа.

-2023 онд тээвэрлэлтийг яг ямар байдлаар зохицуулах вэ?

-Засгийн газрын 2022 оны 362-р тогтоолыг бид хэрэгжүүлж ажиллана. Энэ тогтоолын хүрээнд нүүрсийг зөвхөн хил нөхцөлөөр борлуулна. Өнөөдрийг хүртэл хил нөхцөлөөр нүүрсээ зараагүй, дандаа ам нөхцөлөөр зарж ирсэн. Энэ түүхэн шийдвэрийг хэрэгжүүлэх үүрэг ирж байна. Хил нөхцөлөөр зарахын тулд тодорхой зохицуулалтыг хийх шаардлага үүсч байгаа. Зарим иргэн, аж ахуйн нэгж үүнийг ойлгохгүй, эсэргүүцэж байгаа. Гэхдээ том зургаа, улсаа бодвол хил нөхцөлд шилжих нь хамгийн зөв. 2011 оноос хойш өнөөдрийг хүртэл ЭТТ хил нөхцөлөөр нүүрсээ зарсан бол 9.1 тэрбум ам.долларын орлого олох байсан. Гэтэл бид өнөөдрийг хүртэл ам нөхцөлөөр зарж 4.4 тэрбум ам.долларын борлуулалт хийсэн. Өөрөөр хэлбэл, хоёр дахин бага үнээр зарж, ийм боломжоо алдсан гэсэн үг. Тиймээс цаашдаа хил нөхцөлөөр цаашаа явах нь чухал. 

Цаашдаа ЭТТ тээвэр явуулах шаардлагагүй. Худалдан авах тал өөрөө машинтайгаа уурхай дээр ирээд нүүрсээ ачаад явдаг болно. Хэрвээ ам нөхцөлөөр авч байгаа бол тээврээ өөрөө хариуцаад хилээр гараад явдаг байх. Тэнд тээвэр бидэнд ямар хамаагүй болно. Энд манай тээвэрчид бухимдаж байгаа тал бий. Худалдан авагч иргэн Ли-гээр ачуулах уу, монгол тээвэрчдээр ачуулах гээд маргаан гараад байгаа. 

Мөн нэгдүгээр сараас биржийн үнээр нүүрсээ зарж эхэлнэ. Эхлээд 500 мянган тонныг зарна. Биржээр нүүрсээ зарж эхлэхээс өмнө бид тээвэрлэлтийн асуудлаа шийдсэн байх ёстой. Биржээр зарахад худалдан авагч Хятадын талынхан нүүрсээ авлаа гэж бодоход тухайн нүүрсийг хэзээ авах хугацаагаа хэлнэ. Хугацаанд нь нүүрсийг хүргэхэд тээвэрлэлт хэн хийх нь тодорхой байх ёстой. Тиймээс нэгдүгээр сарын 17, 18-аар тээвэр хийх компанийг шалгаруулах тендерээ зарлана. Шалгарсан компаниудтай гэрээгээ хийж, нүүрсээ ачуулаад төлбөрийг нь өгөөд явна.  

-"Эрдэнэс Тавантолгой" ХК-ийн "Бодь Интернэшнл" ХХК-тай байгуулсан гэрээг нууцаас гаргаж ил болгосон. Тус компанид төслийн санхүүжилтийг  нүүрсээр барагдуулах гэрээр хоёр тал хийсэн. Гэхдээ зах зээлийн өртгөөс хэт бага үнээр гэрээлсэн нь асуудал дагуулж буй. Энэ асуудлыг цаашдаа хэрхэн шийдвэрлэх вэ. Гэрээг шууд цуцалбал захиалагч өөрөө 20 хувийн торгуультай юм билээ?

-Тавантолгой-Гашуунсухайт чиглэлийн төмөр замын төслийг хэрэгжүүлэгч "Бодь Интернэшнл"-ийн нүүрсээр төлбөр барагдуулах гэрээг цуцлаагүй. Манай талаас "Бодь Интернэшнл" рүү энэ гэрээндээ өөрчлөлт оруулъя гэдэг хүсэлтээ албан ёсоор тавьсан. Хариу нь арванхоёрдугаар сарын 27-нд ирсэн. Тэд “Гэрээнд өөрчлөлт оруулах боломжгүй” гэдгээ илэрхийлсэн. Бид хариуд нь “Ийм ийм нөхцөлөөр гэрээнд өөрчлөлт оруулъя” гэдэг хүсэлтээ дахиад тавьсан.

Ер нь  "Бодь Интернэшнл" компани  Тавантолгой-Гашуунсухайт чиглэлийн төмөр замын санхүүжилтийг зах зээлийн нөхцөлөөр өөрсдөө босгосон бол хүү, алданги бүгдийг нь тооцоод өгөх нь зөв. Энэ бол шударга зарчим. Гэтэл "Бодь Интернэшнл"-ийн энэ гэрээ бол нүүрсээр төлбөр хийх нөхцөлтэй. Энэ бол санхүүжилт татахаас тэс өөр схем. Нүүрс нь зарагдахгүй гэх шалтгаангүй, тогтсон үнэтэй. Тиймээс нүүрсээр төлбөр барагдуулах гэрээнд тодорхой өөрчлөлт оруулах нь зүйтэй гэж үзэж байгаа. Тэд Чалькогийн гэрээтэй барьцаж ярих асуудал гаргасан. Гэтэл Чалько бас л тэс өөр нөхцөлтэй. Монголчууд 2011 онд Чалькогоос 350 сая ам.долларын урьдчилж аваад хэрэглээд дууссан. Дахиад ч мөнгө авсан. Авсан мөнгө болгон нь хүүтэй байсан. Харин "Бодь Интернэшнл"-ийн төмөр зам барьсан мөнгийг нүүрсээр барагдуулж, тэрэндээ 10 гаруй хувийн хөнгөлөлт өгөх нь зөв үү, эсвэл тодорхой хувь дээр тохироод явах уу гэдэг асуудал юм.

Өнөөдрийг хүртэл “Бодь Интернэшнл”-ийн нүүрсийг тасалдуулаагүй, хэвийн өгөөд явж байна. Нүүрч ачилт 19 хувьтай явж байсныг 11 хувь руу буулгасан. Бидэнд мөнгө хэрэгтэй байгаа учраас Хятадаас гуйгаад ачилтыг нь багасгасан. “Бодь Интернэшнл” аравдугаар сарын 26-нд 22, 27-нд 49, 28-нд 66 гээд хамгийн оргил үе нь нүүрс арваннэгдүгээр сарын 30-нд 171 тээврийн хэрэгсэл зэргээр нийтдээ 3963 тээврийн хэрэгслээр 72 мянган тонн нүүрс гаргасан байна. Өдөр болгох нүүрс тээвэрлэлт явж байна, зогссон өдөр байхгүй. Нүүрсээр төлбөр барагдуулалт хэвийн явж байгаа гэсэн үг. Тавантолгой-Гашуунсухайт төсөл улсдаа хэрэгтэй учраас төлбөр тооцоог дуусгаад салах нь зөв. Харин өртөг үнэтэй юу, бага уу гэдэг нь цэвэр төмөр замын тусдаа яригдах асуудал.

-Богдхан төмөр замын төсөл мөн нүүрсээр төлбөр барагдуулах гэрээтэй. Энэ төслийн санхүүжилтэд бас нүүрс ачилт хийж байгаа юу?

Богдхан төмөр зам дээр "Бодь Интернэшнл"-тэй ажлыг зогсоосон. Энэ төмөр зам эхлээгүй байгаа. Тиймээс нүүрсээр төлбөр барагдуулах ачилт хийж байсныг зогсоосон. Наадмын өмнө төслийн урьдчилгаа болгож 100 тэрбум төгрөг өгснөөс 57 тэрбум төгрөгийн үлдэгдэл Тавантолгой төмөр замын компанийн дансанд байсныг буцаан татсан. Богдхан төмөр замыг зогсоох албан ёсны Засгийн газрын шийдвэр гараагүй. "Эрдэнэс Тавантолгой" ХК-ийн шийдэх асуудал биш. Үүнийг шийдэх албан ёсны газар нь Зам тээвэр хөгжлийн яам юм.

-"Эрдэнэс Тавантолгой" ХК өнгөрсөн хоёр жил хэд хэдэн удаагийн бонд босгосон. Зах зээлээс хэчнээн төгрөгийн санхүүжилт татсан бэ. Эх үүсвэрийг юунд зарцуулсан, эргэн төлөлтүүд хэзээ хийгдэх вэ?

-2023 оны дөрөвдүгээр сард 420 тэрбум төгрөгийн дотоод бондын төлбөрийг төлнө. Болж өгвөл өөрийн эх үүсвэрээс хугацаанд төлөх төлөвлөгөөтэй ажиллаж байна. Нийт бондын үлдэгдэл төгрөгөөр 620 тэрум, доллараар 52.3 сая байна. Нийт дөрвөн удаагийн транчаар бонд босгоод ковидын үеийн сул зогсолтод хэрэглэсэн. Зарим хэсгийг нь төслүүд оруулсан. Төгрөгийн бондыг 728 иргэн, 16 аж ахуйн нэгж, долларын бондыг 772 иргэн, 13 ААН эзэмшиж байна. Хагас жил болгон бонд эзэмшигчдэд төлбөрөө төлөх нөхцөлтэй.

-"Эрдэнэс Тавантолгой" ХК тойрсон олон асуудал ил боллоо. Өмнөх удирдлагын багийнхныг хууль хяналтынхан шалгаж байна. Энэ их хулгай, луйвар явж байхад ТУЗ нь яагаад мэдсэнгүй вэ гэдэг асуулт гарч байгаа. Та БЭТ-өөр томилогдоод эдгээр асуудлаа анх мэдэж байгаа юм шиг аашилсан. Гэтэл та Эрдэнэс-Тавантолгой ХК-ийн ТУЗ-ийн гишүүдийн нэг байсан. Яагаад ТУЗ-д байхдаа дуугараагүй юм бэ?

-Би 2022 оны нэгдүгээр сарын 19-нд Сангийн яамны Төрийн нарийн бичгийн даргаар томилогдсон. Энэ албан тушаалаараа ЭТТ ХК-ийн ТУЗ-ийн гишүүн болдог. Харин өмнө огт байгаагүй, өнгөрсөн хавар албан тушаалаараа орж ирсэн гэсэн үг. Одоо ажиллаж байгаа ТУЗ бол шинэ, өнгөрсөн дөрөвдүгээр сард томилогдсон баг. ТУЗ-ийн дэргэд Дотоодын аудитын алба гэж бий. ТУЗ-ийн нүд чих, хяналт тавих чиг үүргээр хангаж ажиллах ёстой газар нь Дотоод аудитын алба юм.

Хоёрт, ТУЗ-д оруулж байгаа материалын үнэн бодит эсэх, шаардлага хангаж байгаа эсэхэд ТУЗ-ийн нарийн бичиг анхаардаг юм. Өөрөөр хэлбэл, ТУЗ-дөө бүрэн мэдээлэл танилцуулж байна уу, үгүй юү гэдгийг Дотоод аудит, нарийн бичиг хянана. Гэтэл өнгөрсөн хугацаанд тэгж яваагүй гэсэн үг. Үүнээс болж ТУЗ-д хаалттай мэдээллүүд өгч байсан. 2017, 2018 оны оффтейк гэрээнүүд, "Бодь интернэшнл"-тэй хийсэн гэрээг бүрэн үзүүлээгүй, “нууц”-ын зэрэглэлээр халхавчилж танилцуулаагүй, гүйцэтгэх захирал нь хаалттай мэдээллээр хангаж байсан байхыг үгүйсгэхгүй. ТУЗ бүрэн механизмаар ажиллаагүй, дутуу мэдээлэл тараагдсанаас болж зарим зөрүүтэй шийдвэрүүд гарч байсныг үгүйсгэхгүй юм. Дотоод аудитын албаны даргыг үүссэн асуудалтай холбогдуулан баривчилсан байгаа.



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

УНТЭ: “Journal club” үргэлжилж байна5 сар 17. 15:37Баянхонгор аймагт хууль зөрчиж олгосон хайгуулын тусгай зөвшөөрлүүдийг хүчингүй болголоо5 сар 17. 15:33Ерөнхийлөгч У.Хүрэлсүх: Онцгой байдлын алба хаагчид бол энх цагийн эгэл баатрууд5 сар 17. 15:18Ашигт малтмалын лиценз олгохдоо орон нутгийн иргэдээс заавал зөвшөөрөл авна5 сар 17. 15:12Онцгой байдлын алба хаагчдыг төрийн одон, медалиар шагналаа5 сар 17. 11:32ЭМДЕГ-тай гэрээ бүхий нийслэл болон орон нутгийн 47 рашаан, сувилал болон сэргээн засах төвийг танилцуулж байна5 сар 17. 11:10Залуучуудын хөгжлийн зөвлөлийн анхдугаар чуулган зохион байгуулна5 сар 17. 11:05Булган аймагт “Төрийн бүтээмжийн сэргэлт-Цахим эрүүл мэнд" сургалт эхэллээ5 сар 17. 11:02Онцгой байдлын байгууллага үүсэн байгуулагдсан түүхт 20 жилийн ойд зориулсан цэргийн ёслол, хүндэтгэлийн жагсаал Сүхбаатарын талбайд болж байна5 сар 17. 10:56Ахмад настны тухай болон Банкны тухай хууль, Цэргийн алба хаагчийн тэтгэвэр, тэтгэмжийн тухай хуульд нэмэлт, өөрчлөлт оруулахыг дэмжлээ5 сар 17. 10:50Ажил олгогчдын зөвлөгөөн боллоо5 сар 17. 8:59БОХХААБХ: Хууль тогтоолын төслүүдийн анхны хэлэлцүүлгийг явууллаа5 сар 17. 8:55"Төрийн бүтээмжийн сэргэлт-Цахим эрүүл мэнд" сургалт Орхон аймагт боллоо5 сар 17. 8:52Төрийн банк “Хоршооны гишүүн малчдыг дэмжих зээл”-ийг олгож байна5 сар 17. 8:37“Илүү их уншъя” уриатай 35 дахь удаагийн Номын баяр5 сар 17. 8:32Өнөөдөр найман цагаан мэнгэтэй цагаагчин могой өдөр5 сар 17. 8:24Цаг агаар: Улаанбаатарт өдөртөө 17 хэм дулаан5 сар 17. 8:18“Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөө батлах тухай” УИХ-ын тогтоолын төслийг баталлаа5 сар 16. 16:42Ус гүн цэвэршүүлэх үйлдвэрийн бүтээн байгуулалт ирэх онд бүрэн дуусна5 сар 16. 16:34УИХ-ын дарга Г.Занданшатар төрийн албан хаагчдыг парламентын “D-petition” цахим системийг сурталчилж ажиллахыг хүслээ5 сар 16. 15:42Монгол улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн төсөлд өгсөн дүгнэлт, зөвлөмжийг танилцуулав5 сар 16. 15:33Шүхрийн буулт, эрэлч нохойн үзүүлбэр, нисдэг тэрэгтэй алба сурталчлах өдөрлөгийг зохион байгууллаа5 сар 16. 15:28Ерөнхий сайд Л.Оюун-Эрдэнэ Үндэсний орон сууцжуулалтын тухай хуулийн төслийг өргөн мэдүүлэв5 сар 16. 15:14Сургалт зохион байгууллаа5 сар 16. 15:09Т.Чимгээ, Б.Содномдаржаа нарын бүрэн хэмжээний ярилцлага өнөө орой гарна5 сар 16. 15:05УГТЭ: “Шинэ санаа-2024” өдөрлөгөөр 20 шинэ санаа танилцуулав5 сар 16. 15:02Шинжлэх ухаан, технологийн салбарын санхүүжилт, хүний нөөцийг нэмэгдүүлэх шаардлагатай5 сар 16. 14:57Г.Занданшатар: Орон нутгийн иргэд татгалзаад байхад ашигт малтмалын лиценз олгодог байдлыг хална5 сар 16. 14:49ГССҮТ: Үндсэн мэргэшлийн төгсөгчид болон резидентүүд ногоон төгөл байгууллаа5 сар 16. 10:13ЭЗБХ: Худалдаа, аж үйлдвэрийн танхимын тухай хуулийн шинэчилсэн найруулгын төслийг хэлэлцэхийг дэмжив5 сар 16. 10:08
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.