Гашуунсухайт-Ганцмод боомтын хил холболтын хэлэлцээрийг МАН-ын бүлэг 100 хувь дэмжлээ

УИХ дахь МАН-ын бүлгийн хуралдаанаар Гашуунсухайт-Ганцмод боомтын хил холболтын хэлэлцээрийг хэлэлцэж 100 хувь дэмжжээ. Засгийн газраас зарласан хөгжлийн 14 мега төслийн нэгдүгээрт эрэмбэлэгдсэн Гашуунсухайт-Ганцмод боомтын төмөр замыг холбох Засгийн газар хоорондын хэлэлцээрийн төслийг УИХ-аар хэлэлцүүлж, үндсэн чиглэлийг батлуулсны үндсэн дээр 2025 оны хоёрдугаар сарын 14-нд хоёр тал гарын үсэг зурсан юм

Маршал Х.Чойбалсангийн гэр бүлийнхэнд хүндэтгэл үзүүллээ

Монгол Ардын Намын Ерөнхий Нарийн Бичгийн дарга Я.Содбаатар БНМАУ-ын Ерөнхий сайд, хошой баатар, маршал Хорлоогийн Чойбалсангийн гэр бүлийнхний төлөөллийг өнөөдөр /2025.02.06/ хүлээн авч уулзан, хүндэтгэл үзүүлсэн юм. Ерөнхий Нарийн Бичгийн дарга Я.Содбаатар Монгол Улсын тусгаар тогтнолд онцгой гавьяа байгуулсан, ардын хувьсгалын "анхны долоо"-гийн нэг, маршал Х.Чойбалсангийн мэндэлсний 130 жилийн ой энэ онд тохиож буйтай холбогдуулан түүхт ойн хүрээнд хийж, хэрэгжүүлж байгаа ажлуудын талаар гэр бүлийнхэнд нь танилцууллаа. Мөн тэрбээр "Монгол Улсыг туурга, тусгаар бие даасан улс болгохын төлөө тэмцэж, ХХ зууны их бүтээн байгуулалтын үндэс суурийг тавьсан энэ эрхэм хүний үр сад та бүхнээс тусгаар тогтнолын үнэ цэнийг хойч үед сурталчлан таниулах, “Анхны долоо” сангийн үйл ажиллагааг өргөжүүлэхэд идэвхтэй хамтран ажиллахыг хүсэж байна" гэв. Маршал Х.Чойбалсангийн зээ охин Ч.Хулан, түүний эгч Ч.Халиуны охин Д.Бишрэл нар уулзалтад оролцсон бөгөөд түүхт ойн хүрээнд өвөөгийнх нь өв, намтар бүхий ном бүтээсэнд талархаж буйгаа илэрхийлж, Монгол Ардын Намтай хэзээд хамтарч ажиллахад бэлэн гэдгээ хэлсэн юм

Хүүхдийн мөнгө, цалин тэтгэврийн нэмэгдлийг хасахгүй, 2025 оны төсвийг өнөөдөр УИХ-д өргөн барина

Сангийн яамнаас өчигдөр орой УИХ дахь хоёр намын бүлэгт 2025 оны төсвийн хуулийн төслийн танилцуулгыг хийсэн. Тодруулбал, Сангийн сайд Б.Жавхлан МАН-ын бүлэгт, Сангийн яамны Төрийн нарийн бичгийн дарга Ж.Ганбат АН-ын бүлэгт  2025 оны төсвийн төслийн танилцуулгыг хийсэн юм. Харин өнөөдөр 14.00 цагт Засгийн газар хуралдаж 2025 оны Төсвийн тухай хуулийн төслөө хэлэлцэн, УИХ-д өргөн мэдүүлэх аж

СЕХ 154 хүнийг нэр дэвшигчээр бүртгэхээс татгалзав

Сонгуулийн ерөнхий хорооны өчигдөр (2024.05.30)-ийн хуралдаанаар  Монгол Улсын Их Хурлын 2024 оны ээлжит сонгуульд нэр дэвшигчийг бүртгэх эсэх асуудлыг хэлэлцэж шийдвэрлэв. Монгол Улсын Их Хурлын 2024 оны ээлжит сонгуульд оролцохоор бүртгүүлсэн 19 нам, 2 эвслээс сонгуулийн тойрогт нэр дэвшүүлэх 985, жагсаалтаар нэр дэвшүүлэх 385, бие даан нэр дэвшүүлэгч 46, нийт 1416 хүний баримт бичгийг ирүүлсэн. Баримт бичгийг нягтлан шалгах хуулийн хугацаанд 17 нэр дэвшигч нэр дэвшихээс татгалзах хүсэлт гаргасныг Сонгуулийн ерөнхий хороо хүлээн авч холбогдох баримт бичгийг буцаав. Сонгуулийн ерөнхий хорооны хуралдаанаас Монгол Улсын Их Хурлын 2024 оны ээлжит сонгуульд нам, эвслээс нэр дэвшүүлсэн 1206, бие даан нэрээ дэвшүүлсэн 39, нийт 1245 хүнийг нэр дэвшигчээр бүртгэж, үнэмлэх олгохоор тогтоолоо. Харин нэр дэвшигчид тавигдах шаардлага хангаагүй 154 хүнийг нэр дэвшигчээр бүртгэхээс татгалзаж шийдвэрлэсэн. Тодруулбал, -татварын хугацаа хэтэрсэн өр төлбөртэй 76; -хуульд заасан баримт бичиг дутуу 63; -шүүхийн хүчин төгөлдөр тогтоолоор ял эдэлж байгаа 5; -нэр дэвшүүлсэн нам, эвслээсээ өөр намын гишүүн 4; -сонгуулийн тойргоос 801-ээс доошгүй сонгогчдын гарын үсэг зуруулах шаардлага хангаагүй 4; -төрийн жинхэнэ албан хаагч хуулийн хугацаанд албан тушаалаасаа чөлөөлөгдөөгүй 1; -авлига, албан тушаалын гэмт хэрэг үйлдсэн нь шүүхээр тогтоогдсон 1 нэр дэвшигчийг тус тус бүртгэхээс татгалзав. Монгол Улсын Их Хурлын Сонгуулийн тухай хуулийн 33 дугаар зүйлийн 33.2-т заасны дагуу 2024 оны 6 дугаар сарын 2-ны өдрийн дотор бүртгэхээс татгалзсан зөрчлийг арилгаж, дахин бүртгүүлэхээр шаардагдах баримт бичгийг Сонгуулийн ерөнхий хороонд ирүүлэх боломжтой юм

АН: Бид өөрсдийн зодооноос болж ялагдлын ирмэг дээр байна

АН дотоодын зодооноосоо болоод ялагдлын ирмэг дээр байна гэдгийг зарим гишүүнийх нь зүгээс мэдэгдлээ. Учир нь сонгуульд нэр дэвшигчдээ тодруулах ҮБХ-ны хуралдаанаар бөөн зодоон болоод зогсохгүй намын дотоод дүрэм, хууль зөрчсөн хэд хэдэн үйлдэл гаргасан нь эргээд АН ялагдах үндсэн шалтгаан болж байна гэж тэд дүгнэлээ

АН Б.Хурцыг Чингэлтэй, Сүхбаатар дүүрэгт нэр дэвшүүлэхийг баталгаажуулав

МАН, АН тэргүүтэй намууд УИХ-ын 2024 оны сонгуульд нэр дэвшигчдийнхээ материалуудыг өнөөдөр (2024.05.25) СЕХ-д хүлээлгэн өгсөн. АН-ын хувьд, өнгөрсөн даваа гарагт ҮБХ-оо хуралдуулж, нэр дэвшигчдээ хуулийн хугацаанд тодруулсан ч тэр шөнөдөө өөрчлөлт оруулж будилаан хутгасан гэх мэдээлэл хэвлэлүүдэд гарсан

АН нэр дэвшигчдийнхээ материалыг СЕХ-д 2 хувилбараар хүлээлгэн өгчээ

АН-ын ҮБХ өнгөрсөн даваа гарагт (2024.05.20) хуралдаж, тойрогт болон намын жагсаалтаар нэр дэвшигчдээ тодруулсан. Энэ үеэр тус намын гишүүд дунд багагүй зөрчилдөөн үүсч, тойроггүй хоцорсон зарим нь уур бухимдлаа илэрхийлж "Намаасаа гарна" гэж мэдэгдсэн

АН-ын бүлэг: С.Зориг агсны амь насаа алдсан хэргийн материалыг нууцаас бүрэн гаргахыг шаардлаа

УИХ дахь АН-ын бүлэг ээлжит хуралдаанаа хийлээ. Энэ удаагийн бүлгийн хурлаа өргөтгөсөн бүрэлдэхүүнтэйгээр зохион байгуулав. Бүлгийн өргөтгөсөн хуралдаанд АН-ын дарга, удирдлагууд болон 2008 оноос хойш УИХ-д сонгогдсон гишүүдийн төлөөлөл оролцлоо

АН: Баривчилгааг АН руу чиглүүлж буй нь ор үндэслэлгүй

МЭДЭГДЭЛ Эрүүгийн цагдаагийн албанаас өнөөдөр буюу 2024.04.15-ны өдөр "Алтайн хүдэр” компанийн захирал Р.Базарын ажлын байранд нэгжлэг хийж, тайлбар мэдүүлэг авч байгаа тухай хэвлэл мэдээллийн хэрэгслээр цацав. Төрийн байгууллага ажил үүргээ гүйцэтгэсэн дээрх үйл явдлыг Ардчилсан нам руу чиглүүлж, тус намын удирдлагыг холбон мэдээлж буй нь ор үндэслэлгүй болохыг Ардчилсан намын зүгээс няцааж байна

МАН: Улаан буудайн баяжуулсан гурилыг гаалийн албан татвараас чөлөөлөх тухай хуулийн төслийг дэмжлээ

Засгийн газраас 2024 оны 3 дугаар сарын 18-нд өргөн мэдүүлсэн Гаалийн албан татвараас чөлөөлөх тухай хуулийн төслийн хэлэлцэх эсэх асуудлаар УИХ дахь МАН-ын бүлэг өнгөрсөн баасан гарагт ажлын тав хоногийн завсарлага авсан юм. Дээрх төслийн талаар бүлгийн өнөөдрийн хуралдаанаар хэлэлцэн гишүүд байр сууриа нэгтгэн дэмжихээр болсон талаар бүлгийн дарга Д.Тогтохсүрэн мэдээлэв. Зуд турхантай байгаа энэ үед иргэдэд учирч буй дарамтыг бууруулах зорилгоор импортлох мал амьтны тэжээл, тэжээлийн нэмэлт болон улаан буудайн баяжуулсан гурилыг гаалийн албан татвараас чөлөөлөхөөр хуулийн төсөлд тусгасан

Д.Тогтохсүрэн:“Эрдэнэс Тавантолгой” ХК-ийн ногдол ашгийг цагаан сараас өмнө олгож магадгүй

Эдийн засгийн байнгын хороогоор  “Эрдэнэс Тавантолгой” ХК-ийн ногдол ашигтай холбоотой асуудлыг хэлэлцлээ. Энэ талаар УИХ-ын гишүүн, МАН-ын бүлгийн дарга  Д.Тогтохсүрэн мэдээлэл өглөө