“Маанар” өвлийн эвент Хөвсгөл аймгийн Хүнхэр тайгад болно

Хөвсгөл аймагт өвлийн аялал жуулчлалыг хөгжүүлэх зорилгоор ирэх оны нэгдүгээр сарын 17-19-нд Рэнчинлхүмбэ сумын Жарганатын голд дархад түмний өв соёлыг сурталчлах “Маанарын соёл” үйл ажиллагааг "Хаан тэнгэрийн Самгалдай" төвөөс зохион байгуулахаар зарласан. Гэвч нутгийн иргэд онгон дагшин газар нутагт зохион байгуулахгүй гэсэн учраас цуцлагдаж Цагааннуур сумын Хүнхэр тайга, Хармайн нарийн өвөрт энэ сарын 18-нд “Маанар” өвлийн эвентийг хийхээр болжээ.  Энэ үеэр үндэсний урцан гэр, нуруу шар, дархад тува дууны уралдаан, цааны уралдаан болж Маанарын хоол цайны соёл, тоглоом наадгай, дуу хуур өв соёлоос танилцуулна. "Маанар" гэдэг нь Монгол Улсын нутаг дэвсгэрийн хойд хэсгээр нутаглах дархад ястны нийтлэг нэр юм

Хятаны их, бага бичгийн шинэ дурсгалыг илрүүлжээ

Монгол-Японы хамтарсан “Бичээс” төслийн баг Булган аймгийн Дашинчилэн сумын Лах багийн Найдаг ууланд хятан бичгийн хадны шинэ бичээсийг 2025 оны 8 дугаар сарын 31-ний өдөр илрүүлжээ. Энд хятан их бичиг болон бага бичиг хамт байгаагаараа урьд өмнө гарч илэрч байгаагүй анхны тохиолдол болж буй тухай ШУА-ийн Түүх, угсаатны зүйн хүрээлэнгээс мэдээлэв.   Тус хээрийн судалгаанд Монгол Улсын ШУА-ийн Түүх, угсаатны зүйн хүрээлэнгийн захирал, доктор Л.Эрдэнэболд, Отани их сургуулийн профессор Мацүкава Такаши, Рюкокү их сургуулийн профессор Мүраока Хитоши, Осака Олон улсын их сургуулийн хүндэт профессор, Монголын ШУА-ийн гадаад гишүүн Мацүда Коичи нар оролцсон байна.    Тус бичээс нь газрын түвшнээс дээш 200 гаруй метр өндөр, Найдаг уулын энгэрт байрлах агуйн дотор бичигдсэн бөгөөд урьдчилсан судалгаагаар агуйн долоон хэсэгт бичээс байгааг тогтоожээ

Эрлийн ажиллагаанд “могойн нүдэн дуран” ашиглаж байна

Хөвсгөл аймгийн Тариалан сумын нутагт алга болсон хүүхдийг эрэн хайх ажиллагаа өчигдөр хоёр үе шаттайгаар зохион байгуулагдаж, шөнөдөө дулаан мэдрэгчтэй дроноор хайх ажиллагаагаар үргэлжилсэн. Өнөө өглөө эрлийн ажиллагааг дахин эхлүүлээд байна

Завхан аймгийн Загастайн давааны чиглэлд замд гарахгүй байхыг анхаарууллаа

Завхан аймгийн засаг дарга Г.Өнөрбаяр: 2025 оны 09 сарын 22-ны 12 цагийн байдлаар Завхан аймгийн Улиастай, Яруу, Идэр, Алдархаан, Цагаанхайрхан, Шилүүстэй, Отгон сумуудад цас үргэлжлэн орсоор байна. Зарим газраа 60 орчим см цас орсон. Загастайн давааг онгойлгохоор Онцгой, Завхан АЗЗА, Авто тээвэрийн газрууд хоёр талаас нь ажиллаж байна

Эрэн хайх, аврах ажиллагаа баруун хойд зүгт 4 км-ийн радиуст, явганаар самналт хийж байна

Хөвсгөл аймгийн Тариалан сумын нутагт алга болсон бага насны хүүхдийг эрэн хайх эрлийн багийнхан өнгөрсөн шөнө буюу 09 дүгээр сарын 21-ний 23:00 цагаас 01:00 цаг хүртэл шөнийн дулаан мэдрэгчтэй гурван дроноор агаараас эрэн хайх ажиллагааг зохион байгуулан ажилласан байна. Түүнчлэн өнөөдрийн 09:00 цагийн байдлаар хүүхэд сураггүй алга болсон гэх “Сайхан мод” гэдэг газраас баруун хойд зүгт 4 км-т эрэн хайх ажиллагааг ар гэрийнхэн, төрийн цэргийн болон хууль сахиулах байгууллагын алба хаагчид, нутгийн захиргааны ажилтнууд эхлүүлээд байна

Хөвсгөл аймгийн Тариалан суманд бага насны хүүхэд сураггүй алга болсон тул эрлийн ажиллагаа үргэлжилж байна

2025 оны 9 дүгээр сарын 17-ны өдрийн 16:55 цагт Хөвсгөл аймгийн Онцгой байдлын газарт Тариалан сумын Баянхошуу багийн “Сайхан мод” гэх газарт бага насны хүүхэд сураггүй болсон тухай дуудлага ирсэн. Тодруулбал, аймгийн төвөөс зүүн зүгт 190 км, сумын төвөөс хойд зүгт 30 км зайд мод бэлтгэлийн ажил хийж байсан иргэн Ц-ийн хоёр настай хүү П нь эцэг эхийнхээ түр холдсон хугацаанд машиндаа унтаж байгаад сураггүй болсон байна. Дуудлагын дагуу Онцгой байдлын газрын Эрэн хайх, аврах салбар, Гал түймэр унтраах, аврах 46 дугаар ангийн алба хаагчид орон нутгийн удирдлагууд болон иргэдтэй хамтран эрлийн ажиллагааг шуурхай зохион байгуулж байна

“Үлэмжийн чанар” яруу найргийн наадам болно

Дорноговь аймгийн ЗДТГ-аас Монголын зохиолчдын “Хурмаст тэнгэр” төвтэй хамтран тус аймгийн аялал жуулчлалын бүс болох Хамарын хийдийн орчимд болох “Тэнгэрийн хутагт” фестивалийн хүрээнд "ҮЛЭМЖИЙН ЧАНАР" яруу найргийн наадмыг зохион байгуулахаар төлөвлөж байна. Ноён хутагт Лувсанданзанравжаагийн байгуулж байсан их Өвгөн суваргын тайзнаа болох яруу найргийн наадамд Төрийн соёрхолт яруу найрагч Ш.Гүрбазар, Х.Чилаажав, МУСГЗ, “Болор цом”-ын Г.Мөнхцэцэг, Б.Ичинхорлоо, “Болор цом”-ын эзэн Н.Гантулга зэрэг 31 яруу найрагч шүлгээ унших юм.   Энэхүү яруу найргийн наадмын зорилго нь ноён хутагт Дулдуйтын Данзанравжаагийн үлдээсэн бичиг соёлын өвийг түгээн дэлгэрүүлж сурталчлан таниулах, яруу найргийн яруу тансаг хэл аялгуу, гоо сайхныг олон түмэнд мэдрүүлэх, иргэдийг соён гэгээрүүлэхэд  оршиж байгаа аж. Яруу найргийн наадам гурван даваатай бөгөөд  оролцогчид чөлөөт сэдвээр шүлгээ уншина. Элсэн далайн хөлөг /Тэмээ хөтөлсөн нар жаргаж буй үеийн зураг/, 2

Ирж яваа цагийн өнгө

Дорноговь аймгийн төв Сайншанд сумаас баруун хойш 70 гаруй км-т Олдохын тал хэмээх мал бэлчээрлэхэд таатай нутаг байдаг.   Энд тус аймгийн Сайхандулаан, Айраг сумын малчид нутагладаг. Өвлийн хүйтэн өдрүүд шувтарч ирж яваа цагийн өнгийг дуудаж Олдохын талд шинэ төл мэндэлжээ

Завханд - 48.8 хэм хүрч хүйтэрчээ

Завхан аймгийн Отгон суманд өчигдөр -48.8 градус хүртэл хүйтэрсэн байна. Энэ нь өнгөрсөн жилийн агаарын үнэмлэхүй бага температураар бүртгэгджээ. Мөн энэ амралтын өдрүүдэд буюу 25-26-нд шилжих шөнө тус бүс нутгаар дахин -48.8 хэм хүртэл хүйтэн хонох урьдчилсан төлөвтэй байгааг цаг уурын байгууллагаас мэдээлжээ. Гэхдээ Завхан аймагт -50 хэм хүртэл хүйтрэх нь ховор бөгөөд онцгой тохиолдол юм