Ирантай худалдаа хийдэг улсуудад 25 хувийн татвар ногдуулна гэв

ВАШИНГТОН, 2026 оны нэгдүгээр сарын 13 /Reuters/. Иранд сүүлийн жилүүдэд болж байгаагүй томоохон жагсаал цуглаанууд болж байгаа энэ үед Вашингтонын засаг захиргаа үүнд хэрхэн хариу арга хэмжээ авах талаар хэлэлцэж байна. Үүнтэй холбогдуулан тус улстай худалдаа хийж буй улс орнуудад 25 хувийн татвар ногдуулна гэж Ерөнхийлөгч Дональд Трамп даваа гарагт мэдэгджээ.    "Энэ мөчөөс эхлэн Исламын Бүгд Найрамдах Иран Улстай бизнес эрхэлж буй аливаа улс АНУ-тай хийж буй бүх төрлийн худалдаанд 25 хувийн татвар төлөх болно" гэж Трамп Truth Social  нийгмийн сүлжээндээ бичсэн байна.    Гаалийн татварыг улс орнуудаас бараа бүтээгдэхүүн импортолж буй АНУ-ын импортлогчид төлдөг

Францад их цасны улмаас 950 км урт түгжрэл үүсжээ

ПАРИС, 2026 оны нэгдүгээр сарын 8 /Kazinform/. Лхагва гаргийн өглөө Баруун Европт их хэмжээний цас үргэлжлэн орсны улмаас Франц улсад замын хөдөлгөөн үндсэндээ зогсжээ.   Өглөөний 07:00 цагт Францын зорчигч тээврийн RATP,  Île-de-France Mobilités компаниуд замын нөхцөл байдал сайжрах хүртэл автобуснуудаа үйлчилгээнд гаргахгүйгээр шийдвэрлэжээ. Мөн Францын N118 хурдны зам мөстсөн тул хоёр урсгалыг нь хаасан байна.   Тус улсад замын хөдөлгөөний нөхцөл байдал бүхэлдээ хүнд байна

Казахстаны эдийн засаг ТОП-50-д багтжээ

АСТАНА, 2026 оны нэгдүгээр сарын 7 /Kazinform/. Улс орнуудын ДНБ ба тэдгээрийн бодит ДНБ-ий жилийн дундаж өсөлтийн талаарх мэдээлэлд дурдсанаар, Казахстан улс Төв Азийн орнуудын дотроос хамгийн түрүүнд дэлхийн хамгийн том 50 эдийн засгийн тоонд багтлаа.     Түүнээс гадна бодит ДНБ-ий жилийн дундаж өсөлтийн хурдаар тус улс тэргүүлэгч 5 орны нэг болсон байна

Монгол Улс аялал жуулчлалын сэргэлтээр шилдэг 20 орны нэг болов

НҮБ-ын Дэлхийн аялал жуулчлалын байгууллагаас (UN Tourism) сар бүр гаргадаг олон улсын жишиг болох “World Tourism Barometer” тайлангийн 2025 оны арваннэгдүгээр  сарын үр дүнгээр Монгол Улс аялал жуулчлалын сэргэлтийн үзүүлэлтээр дэлхийн шилдэг 20 улсын тоонд албан ёсоор багтлаа.   Тус тайланд “2025 оны эхний есөн сард Монгол Улсад зорин ирсэн гадаадын жуулчдын тоо 2024 онтой харьцуулахад 16 хувийн өсөлттэй байгаа нь бүс нутгийн дунджаас хоёр дахин өндөр үзүүлэлт юм. Мөн цар тахлын өмнөх 2019 оны түвшнээс 44 хувиар өссөн нь манай улсын аялал жуулчлалын салбар дэлхийн хэмжээнд хамгийн хурдтай сэргэж буй орны нэг болохыг илэрхийлж байна

Дэлхий дахинд 2025 онд өрнөсөн онцлох 10 үйл явдал

Үндэсний мэдээллийн МОНЦАМЭ агентлаг улирч буй 2025 онд дэлхий дахинд өрнөсөн 10 онцлох үйл явдлыг нэрлэж байна.   1.Трампын тангараг ба тарифын хямрал, Орос-Украины дайн Бүгд найрамдах намаас сонгогдсон Дональд Трамп АНУ-ын 47 дахь ерөнхийлөгчийн хувиар тангараг өргөж, үүрэгт ажилдаа орлоо.   Түүний хоёр дахь бүрэн эрхийн хугацаа эхлэхэд хамгийн их анхаарал татсан үйл явдлуудын нэг бол АНУ-ын импортын барааны татварыг их хэмжээгээр нэмсэн явдал байв. Тарифын шинэ бодлого нь үндсэндээ худалдааны түнш бүх орныг хамарсан юм

Дэлхийн хамгийн том банк Оросоос гарч байна

МОСКВА, 2025 оны арванхоёрдугаар сарын 30 /DW/. Дэлхийн хамгийн том банкуудын нэг болох АНУ-ын Citigroup Орос улс дахь сүүлчийн активуудаа Renaissance Capital компанид зарснаар Оросоос гарч явж байгаагаа зарлалаа. Ингэхдээ 1:2 тэрбум ам.долларын алдагдал хүлээж байгаа тухай тус банкны болон АНУ-ын Үнэт цаас, биржийн комиссын цахим хуудсуудад мэдээлсэн байна.   Сүүлчийн актив буюу Орос дахь охин компани болох “Ситибанк”-ы хөрөнгийг Renaissance Capital компанид бүхэлд нь худалдсан бөгөөд зохих зөвшөөрлүүдийг авсан тохиолдолд хэлэлцээрт гарын үсэг зурах ажээ

Сэмюэл Бекетт гүүр Монгол Улсын төрийн далбааны өнгөөр гэрэлтжээ

Үндэсний эрх чөлөө, тусгаар тогтнолоо сэргээн мандуулсны 114 жилийн ойг тохиолдуулан Сэмюэл Бекетт гүүрийг Монгол Улсын төрийн далбааны өнгөөр гэрэлтүүлжээ. Монгол Улсаас Бүгд найрамдах Ирланд улсад хавсран суугаа Элчин сайдын яам, Ирланд улсын Дублин хотын захиргаатай хамтран уг ажлыг зохион байгуулсан аж. Монгол Ирланд улс хооронд 1998 оны арванхоёрдугаар сарын 22-нд дипломат харилцаа тогтоосон

Ли Жэ Мёнд Цагаан ордны алтан түлхүүрийг бэлэглэжээ

СӨҮЛ, 2025 оны арванхоёрдугаар сарын 25 /Yonhap/. АНУ-ын Ерөнхийлөгч Дональд Трамп 10 дугаар сард БНСУ-д айлчлах үеэрээ хүлээн авсан бэлгийнхээ хариуд Ерөнхийлөгч Ли Жэ Мёнд Цагаан ордны тусгайлан бүтээсэн алтан түлхүүр бэлэглэсэн гэж Ли Жэ Мёны Тамгын газрын дарга Кан Хун Шик лхагва гарагт мэдэгджээ.    БНСУ-аас АНУ-д суугаа Элчин сайд Кан Кён Ва 12 дугаар сарын 17-нд Цагаан ордонд албан ёсоор итгэмжлэх жуух бичгээ өргөн барьсны дараа Д.Трамп түүнд түлхүүрийг гардуулан өгсөн байна.    Гэрэл зургаас харвал, “Цагаан ордны түлхүүр” гэсэн үгийг сийлсэн түлхүүрийг ерөнхийлөгчийн ордны зураг бүхий модон хайрцагт байрлуулжээ. АНУ-ын Ерөнхийлөгч БНСУ-ын Элчин сайдтай ярилцах үеэрээ Ли Жэ Мёнтой харилцах харилцаагаа сайшааж, “Тэр надад үнэхээр таалагддаг” гэж хэлснийг Кан Хун Шик эш татсан байна.   Ази, Номхон далайн эдийн засгийн хамтын ажиллагааны /АПЕК/ дээд хэмжээний уулзалтын өмнө 10 дугаар сарын сүүлчээр Д.Трамп зүүн өмнөд нутгийн Гёнжү хотод айлчлах үеэр Ли Жэ Мён түүнд эртний Шилла хаант улсын Чонмачон алтан титмийн хуулбарыг гардуулж, Өмнөд Солонгосын төрийн дээд одонгоор шагнасан юм.   Д.Трамп энэхүү алтан түлхүүрийг тусгай зочдод зориулсан ёслолын бэлэг болгон өөрийн биеэр зохион бүтээсэн гэдгээрээ алдартай

Сайн дураараа нутаг буцах цагаачдын урамшууллыг нэмэгдүүлжээ

ВАШИНГТОН, 2025 оны арванхоёрдугаар сарын 23 /TASS/. АНУ-ын засаг захиргаа тус улсаас өөрийн хүсэлтээр гарч буй хууль бус цагаачдад олгох урамшууллыг 3 мянган ам.доллар болгож нэмэгдүүлэхээр шийдвэрлэжээ.    Эх орондоо буцах хүсэлтээ он дуусахаас өмнө гаргасан хүмүүст уг урамшууллыг олгоно гэж АНУ-ын Дотоод аюулгүй байдлын сайд Кристи Ноэм мэдэгдсэн байна.    “Зул сарын баярыг тохиолдуулан хууль бус цагаачдад өөрийн хүсэлтээр гарахад зориулсан урамшууллыг гурван дахин нэмэгдүүлэн өгч байна. Он дуусахаас өмнө CBP Home App аппликейшнээр өөрөө нутаг буцах хүсэлт гаргасан хууль бус цагаачид 3 мянган ам.долларын урамшуулал авах боломжтой” гэж тэрбээр X нийгмийн сүлжээний хуудсандаа бичжээ.   Урьд нь мэдэгдэж байсанчлан нисэх онгоцны тасалбарын үнийг АНУ-ын засгийн газар төлнө

51 дэх долоо хоног: Венесуэлийг бүрэн бүслэн хаажээ

Өнгөрсөн долоо хоногт Бондай-Бич наранд шарлагын газарт гарсан эмгэнэлт явдлын дараа Австралийн засгийн газар галт зэвсэг эзэмшихтэй холбоотой шийдвэр гаргаж, Венесуэлийг бүслэн хааснаа Д.Трамп мэдэгдэж, В.Путин ээлжит "хэвлэлийн их хурлаа" хийлээ. Ингээд өнгөрсөн долоо хоногт дэлхий дахинд өрнөсөн онцлох үйл явдлуудыг тоймлон хүргэе.    В.Путиний хэвлэлийн их хурал боллоо    ОХУ-ын Ерөнхийлөгч Владимир Путин иргэдтэйгээ дөрөвдэх удаагаа шууд ярилцан санал хүсэлтийг нь сонсож, дотоодын ба гадаадын сэтгүүлчдийн асуултуудад хариулах хэвлэлийн “их хурал”-аа хийлээ

Алтны үнэ шинэ дээд үзүүлэлтэд хүрчээ

ВАШИНГТОН, 2025 оны арванхоёрдугаар сарын 22 /Anadolu/. АНУ-Венесуэлийн зөрчил хурцдаж байгаагаас үүдэн найдвартай активуудын эрэлт нэмэгдсэнээр даваа гарагт алт, мөнгөний үнэ түүхэн дээд үзүүлэлтэд хүрлээ.    Тодруулбал, даваа гаргийн 07:00 цагийн байдлаар алтны үнэ 2 хувиар өсөж, унц нь 4420.35 ам.долларт хүрснээр 10 дугаар сард хүрээд байсан дээд үзүүлэлтээ шинэчилсэн байна

“Хүний угаалгын машин” ирэх онд худалдаанд гарна

ОСАКА, 2025 оны арванхоёрдугаар сарын 22 /Kyodo/. Японы Осака хотод энэ онд болсон Дэлхийн экспогийн үеэр үзүүлсэн хүний биеийг угааж хатаадаг “хүн ​​угаалгын машин”-ыг 2026 онд худалдаалж эхэлнэ гэж зохион бүтээгчид нь мэдэгджээ.    Угаалгын өрөө, шүршүүрийн тоног төхөөрөмж үйлдвэрлэгч “Science Co” компанид зохион бүтээсэн уг угаалгын машиныг ахмад настнуудын асрамжийн газруудад ирэх оны гуравдугаар сараас нийлүүлж эхлэх бол бусад хэрэглэгчдэд 2026 оны эцэс гэхэд борлуулж эхлэх ажээ.   Энэхүү машин нь “хэрэглэгч болон асран хамгаалагчдын аль алиных нь ачааллыг хөнгөвчилнө” гэж Осака хотод байрладаг тус компанийн захирал Аояма Ясүаки хэллээ. Тэгш өнцөгт хэлбэртэй ваннтай төстэй уг төхөөрөмжид хэрэглэгчид хажуугийн хаалгаар нь орж суугаад усанд орох юм.   Биеийн жижиг завсрууд руу орохуйц жижиг бөмбөлөг үүсгэдэг “нарийн ширхэгт бөмбөлөг”-ийн технологийг ашигласнаар уг машин нь шампунь хэрэглэхгүйгээр, үрэхгүйгээр бүтэн биеийг угааж цэвэрлэх боломжийг олгох бөгөөд нэг удаа усанд ороход 10 орчим минутын хугацаа шаардагдах ажээ

БНСУ-д хуурамч иен солихийг завдсан Монгол иргэнийг саатуулжээ

Сөүл хотын цагдаагийн газраас Монгол Улсын иргэн 40 настай эрэгтэйг хуурамч гадаад валют солихийг завдсан хэргээр баривчлан саатуулжээ. Иргэн A нь өнгөрөгч арваннэгдүгээр сарын 21-д Сөүл хотын Жунгу дахь валют солих цэгт хуурамч иен солихыг завдсан байна

Тайландын Ерөнхий сайд парламентыг тараажээ

БАНГКОК, 2025 оны арванхоёрдугаар сарын 12 /BBC/. Камбожийн хил дээр долоо хоног орчмын турш үргэлжилсэн мөргөлдөөний дараа Тайландад парламентыг тарааж, 45-60 хоногийн дотор бүх нийтийн сонгууль зарлахаар болжээ.    Тайландын Ерөнхий сайд Анутин Чарнвиракул гурван сарын өмнө үүрэгт ажилдаа орсон засгийн газрынх нь хувьд зарим асуудлыг зохицуулахад хүндрэл тулгараад буйг дурдаад, үүнд хилийн мөргөлдөөний үеэр хүний амь эрсэдсэнийг эш татсан байна.   “Зохих шийдэл бол парламентыг тараах явдал юм... энэ бол улс төрийн эрх мэдлийг ард түмэнд буцааж өгөх арга зам юм” гэж тэрбээр мэдэгджээ