COP17: Дэлхий нийт ган, газрын доройтлын эсрэг санхүүжилтээ нэмэгдүүлэх шаардлагатайг онцлов

лаанбаатар хотноо болсон НҮБ-ын Цөлжилттэй тэмцэх конвенцын Талуудын 17 дугаар бага хурал буюу COP17-д дэлхийн 200 орчим орны төлөөлөгч оролцож, газрын доройтол, гангийн эрсдэл нэмэгдэж буй нөхцөлд газар, усны нөөцийг хамгаалах, хүнсний үйлдвэрлэлийн тогтвортой байдлыг хангах асуудлыг хэлэлцлээ. НҮБ-ын Цөлжилттэй тэмцэх конвенцын мэдээллээр дэлхийн хуурай газрын 40 хүртэлх хувь нь доройтолд орсон байна. Түүнчлэн арваад жилийн өмнө гангийн өндөр эрсдэлтэйд тооцогддоггүй байсан бүс нутгуудад ч хуурайшилт нэмэгдэж байгааг тус конвенцын гүйцэтгэх нарийн бичгийн дарга Ясмин Фуад онцолжээ

Лю Вэйдун: Хуурай бүс нутаг бол “хаягдсан газар” биш, түүнийг ашиглах хэрэгтэй

Улаанбаатар хотноо зохион байгуулагдаж буй Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17)-ын үеэр тус хуралд ирж оролцож байгаа БНХАУ-ын Шинжлэх ухааны академийн “Бүс ба Зам” олон улсын шинжлэх ухааны байгууллагуудын холбооны Ерөнхий нарийн бичгийн дарга, судлаач Лю Вэйдунтай ярилцлаа.   Тэрбээр “Байгалийн нөөцийн ашиглалт болон экологийн хамгаалалтын хоорондын тэнцвэрийг хангах нь тогтвортой хөгжлийн чухал асуудал юм. Өнөөдөр дэлхийн хэмжээнд тогтвортой хөгжил томоохон сорилттой тулгарч байна

Мүн Жэ Инийн тэмдэглэл

Цөлжилттэй тэмцэх тухай НҮБ-ын конвенцын Талуудын 17 дугаар бага  хуралд БНСУ-ын Ерөнхийлөгч асан Мүн Жэ Ин хүрэлцэн ирж оролцсон билээ.  Тэрээр манай улсад ирж, COP17-д оролцсон сэтгэгдлээ цахим хуудаснаа хуваалцжээ.  "Монголоос буцах замд. Хязгааргүй өргөн уудам сүрлэг сайхан нутагт өнгөрүүлсэн найм өдөр шөнө есөн өдөр

Тэд COP17-г ингэж дүгнэв

COP17 хурлын хүрээнд бэлчээр болон нүүдлийн мал аж ахуй эрхлэгчдийн эрх ашиг, гангийн тэсвэртэй байдал, санхүүжилт, газрын нөхөн сэргээлт, эрүүл хөрс болон хүнсний тогтолцоо зэрэг өргөн хүрээтэй асуудлыг хэлэлцсэн. Хурлын хаалтын хэвлэлийн бага хурлаар хэлэлцүүлгийн гол үр дүн, хүрсэн тохиролцоонуудыг танилцуулсан юм. Газрын доройтлыг бууруулж, цөлжилттэй тэмцэх 5 их наяд төгрөгийн төсөл Монголд хэрэгжихээр гэрээ, санамж бичиг байгууллаа COP17 талуудын бага хурал амжилттай зохион байгуулагдсан бөгөөд цөлжилт, газрын доройтлыг бууруулах, уур амьсгалын өөрчлөлтийн сөрөг нөлөөг бууруулах чиглэлээр олон улсын санхүүжүүлэгч байгууллагууд томоохон хэмжээний санхүүгийн дэмжлэг үзүүлэхээ илэрхийлж, гэрээ хэлэлцээрүүд байгуулжээ

COP17-ын хүрээнд аялал жуулчлал, зочлох үйлчилгээний салбарт 5.4 тэрбум төгрөгийн орлого бүрджээ

НҮБ-ын Цөлжилттэй тэмцэх конвенцын Талуудын 17 дугаар бага хурал UNCCD COP17-ын хаалтын хэвлэлийн хурлын үеэр Байгаль орчин, уур амьсгалын өөрчлөлтийн сайд Ц.Сандаг-Очир тус хурлын хүрээнд аялал жуулчлал, зочлох үйлчилгээний салбарт бий болсон эдийн засгийн үр өгөөжийн талаар танилцуулсан. COP17-ын үеэр нийт 47 зочид буудал үйлчилгээнд хамрагдаж, 13,910 ор хоног ашигласан, зочид буудлын салбар 5.4 тэрбум төгрөгийн орлого бүрдүүлсэн байна

"Хүнсний тогтолцоо ба эрүүл хөрс” сэдэвт цуврал хэлэлцүүлэг болов

Цөлжилттэй тэмцэх тухай НҮБ-ын Конвенцын талуудын 17 дугаар бага хурлын өнөөдрийн үйл ажиллагаа “Хүнсний тогтолцоо ба эрүүл хөрс” сэдвээр үргэлжилж байна.   Тус сэдвийн хүрээнд хөрснөөс хүнс, бэлчээрээс мал аж ахуй, нөхөн сэргээлтээс тогтвортой үйлдвэрлэл хүртэлх харилцан уялдаатай асуудлыг хөндөж, цуврал хэлэлцүүлэг зохион байгууллаа. ХХААХҮЯ-ны Мал аж ахуй, генетик нөөцийн бодлогын хэрэгжилтийг зохицуулах газрын дарга Л.Чой-Иш, “Сэдэвт өдрийн хүрээнд хүнсний тогтолцоо, түүний хангамж, хөрс хамгаалал, судалгаа шинжилгээний дүнг хэрхэн бүтээлчээр ашиглах тухай асуудлыг олон улсын түвшинд авч хэлэлцэхийн зэрэгцээ дэлхийн улс орнуудын хэрэгжүүлж буй сайн туршлагаас хуваалцаж байна.   Өнөөдөр дэлхий нийтээрээ ихээхэн хүндрэлтэй цаг үеийг туулж байна

Газрын доройтлыг бууруулж, эдийн засгийн өөрчлөлтийг авчрах нөхөн сэргээгдэх бүтээгдэхүүнээр монголын ноос, ноолуурыг онцлов

COP17-ын “Газар ба хүн төвт өдөр”-ийн хүрээнд “Өөрчлөлтийн хэлхээс: Нөхөн сэргээгдэх хувцас үйлдвэрлэл, газрын доройтлыг бууруулах ба эдийн засгийн өөрчлөлт авчрах боломжууд” арга хэмжээ боллоо.  НҮБ-ын Хөгжлийн хөтөлбөр, олон улсын байгууллагуудын төлөөлөгч, үйлдвэрлэл эрхлэгч, хөрөнгө оруулагч, эрдэмтэн судлаач, малчдын төлөөлөл оролцсон энэхүү уулзалт хэлэлцүүлгийг нээж ХХААХҮЯ-ны Төрийн нарийн бичгийн дарга Т.Жамбалцэрэн үг хэлэв. Монгол Улсын нийгэм, эдийн засгийн үндэс суурь болсон өргөн уудам бэлчээр нутаг, байгалийн өв, экосистемийг хамгаалж, доройтсон газрыг нөхөн сэргээхийн зэрэгцээ хүн ардынхаа амьжиргааны түвшинг дээшлүүлж, цаашлаад үйлдвэрлэлийн бүтээмжийг нэмэгдүүлэх нь салбарын яамны үндсэн зорилт гэдгийг тэрбээр онцолсон. Монгол Улс уламжлалт мал аж ахуйн үйлдвэрлэлээс бий болсон арьс шир, ноос, ноолуурын түүхий эдийн үнэ цэнийг нэмэгдүүлж, байгальд ээлтэй шинэ технологи, инновацид суурилсан, нэмүү өртөг шингэсэн бүтээгдэхүүн үйлдвэрлэлийг хөгжүүлэх замаар малчин, үйлдвэрлэгч, хэрэглэгч хоорондын үнэ цэнийн хэлхээг илүү тогтвортой, үр өгөөжтэй болгохыг зорьж байгаа. Үүний тулд үйлдвэрлэлийг хүрээлэн буй орчны нөхөн сэргээлттэй уялдуулан хөгжүүлж, тогтвортой үйлдвэрлэлийн тогтолцоог бүрдүүлэх нь чухал

Экологийн засаглал ба бүс нутгийн ирээдүй: СОР17-гоос хүлээх бодит үр дүн

НҮБ-ын Цөлжилттэй тэмцэх конвенцын талуудын 17 дугаар бага хурал Улаанбаатар хотноо зохион байгуулагдаж буй нь Монгол Улсын гадаад бодлогын хувьд “зөөлөн хүчний” дипломат ажиллагааны шинэ түвшин төдийгүй, Зүүн хойд Азийн экологийн аюулгүй байдлыг хангах стратегийн чухал зангилаа болж байна. Хурлын нээлтийн үеэр НҮБ-ын Цөлжилттэй тэмцэх конвенцын Гүйцэтгэх нарийн бичгийн дарга Ясмин Фуад: “Газрын доройтол бол зөвхөн нэг улсын асуудал биш, хүн төрөлхтний оршин тогтнохын үндэс болсон хүнс, усны аюулгүй байдалд заналхийлж буй глобал сорилт юм

УИХ-ын дэд дарга Ж.Бат-Эрдэнэ: Өнөөдрийн яриа хэлэлцээ маргаашийн бодит өөрчлөлтийн эхлэл байг

Цөлжилттэй тэмцэх тухай НҮБ-ын конвенцын Талуудын 17 дугаар бага хурлын дээд түвшний парламентын форум дугуй ширээний болон бүлгийн хэлэлцүүлгээр үргэлжилсэн. Дээд түвшний манлайллын хэлэлцүүлгийн үеэр хуваалцсан санаа, туршлагад тулгуурлан оролцогчид Цөлжилттэй тэмцэх Нэгдсэн Үндэстний Байгууллагын Конвенцын хэрэгжилтийг бэхжүүлэхэд парламентын гишүүдийн авч хэрэгжүүлж болох бодит арга хэмжээг тодорхойлохоор дугуй ширээний хэлэлцүүлэгт оролцож, санал солилцов.   Парламентын төлөөлөгчид зургаан хэсэгт хуваагдан цөлжилт, газрын доройтол, ган гачгийн эсрэг үндэсний арга хэмжээг бэхжүүлэхэд парламентын гишүүдийн боломжууд, хууль тогтоох, төсөв, хяналт, төлөөллийн чиг үүргээрээ дамжуулан Цөлжилттэй тэмцэх НҮБ-ын Конвенцын хэрэгжилтийг хурдасгахын тулд ямар бодит арга хэмжээ авч болох, парламентын үйл ажиллагаанд саад болж буй гол бэрхшээлүүд, уг хөтөлбөрийг хэрэгжүүлэхэд тэднийг манлайлагч болгоход ямар арга хэрэгсэл, мэдлэг, түншлэл шаардлагатай байгаа талаар хөндөж ярилцлаа.       Дугуй ширээний энэхүү хэлэлцүүлэгт монголын парламентыг төлөөлж Улсын Их Хурлын дэд дарга Б.Пүрэвдорж, Байгаль орчин, хүнс, хөдөө аж ахуйн байнгын хорооны дарга М.Мандхай, Улсын Их Хурлын гишүүн А.Ариунзаяа, Б.Жаргалан, Г.Лувсанжамц, Б.Мөнхсоёл, С.Одонтуяа, А.Ундраа, Б.Уянга нар оролцсон.   “Амлалтаас үйл хэрэгт:Цөлжилт, газрын доройтол, ган гачигтай тэмцэх парламентын манлайлал” дээд түвшний парламентын форумыг хааж,  Улсын Их Хурлын дэд дарга Ж.Бат-Эрдэнэ үг хэлэв. Тэрбээр өнөөдрийн хэлэлцүүлгээр бид цөлжилт, газрын доройтол, ган гачиг нь зөвхөн байгаль орчны асуудал бус, хүнсний аюулгүй байдал, эдийн засаг, иргэдийн амьжиргаа, нийгмийн тогтвортой байдалтай салшгүй холбоотой дэлхий нийтийн сорилт гэдгийг дахин нотолж байна гэлээ.     Мөн энэхүү форумын хэлэлцүүлэг, ажлын хэсгүүдээс гарсан гол санаа, парламентын үйл ажиллагааны тэргүүлэх чиглэлүүд зөвхөн энд хэлэлцэгдээд үлдэх бус, улс орон бүрийн парламентын бодлого, хууль тогтоомж, төсвийн шийдвэрт тусгалаа олж, бодитоор хэрэгжинэ гэдэгт итгэлтэй байна гэв.     Монгол Улсын Их Хурал ч цөлжилт, газрын доройтол, ган гачигтай тэмцэх, газар нутгаа нөхөн сэргээх, тогтвортой хөгжлийг хангах чиглэлээр парламентын манлайллыг бэхжүүлж, энд дэвшүүлсэн санал, санаачилгыг ажил хэрэг болгоход идэвхтэй хувь нэмрээ оруулах болно гэдгийг Улсын Их Хурлын дэд дарга хэлсэн үгэндээ онцолж байсан. Түүнчлэн тэрбээр COP17 бага хурлын хүрээнд парламентын дуу хоолойг улам хүчтэй хүргэж, парламент хоорондын хамтын ажиллагаа, туршлага солилцоог цаашид тогтвортой үргэлжлүүлэх нь нэн чухал гээд өнөөдрийн яриа хэлэлцээ маргаашийн бодит өөрчлөлтийн эхлэл байг хэмээлээ. Дараа нь дугуй ширээ бүрээс гарсан үндсэн зөвлөмж, саналыг бүлгийн төлөөллүүд танилцуулав